|
ارحب يا بو حزام
تبقى وتسلم يا ابو بدر فديت خشمك لا هنت يا بو مسعود ولا هنت يا بو حمد على الاختيار عبدالله الوعيلي شخصية غامضه بالنسبة لي ولست متأكدا ان غيري يشعر بهذا الشعور فما الاسباب ؟ ما ادري يا ابو بدر ها الغمووض من اي نااحيه تراه انت وقد يراه البعض لكن الوكاد ان ما عندي اي غمووض ياالغالي :) - هل تتميز على غيرك في الحياة ام انك كغيرك من الناس ؟؟ اكيد اني كغيري من الناااس ولا يوجد هناك تميز - اراك بين فترة واخرى بين اقبال واحجام في مشاركاتك فهل هناك سبب معين ؟؟ لا يوجد سبب يا ابو بدر على حسب ظرووفي تكون مشاركاتي لا اقل ولا اكثر - كتبت رساله في السوالف العامه قبل فتره مضمونها انك ستبقى في المنتدى رغم انوف الرافضين فما قصة هذه الرساله؟ قصة هذه الرسااله غير قاابله للنشــر هنا .. وبمناسبة سؤالك هذا فأني اكرر هذه الرساله للمعنييييييييين بها واقوولها هذه المره بطريقه اخرى (( ســـأبقى غصبـــاً عن انووفكم )) ابو حزام لي عودة وعودات ارررحب يا ابو بدر اي وقت طال عمرك |
ارررررحب ياعبد الله
البقاااااااا يا ابو سعيـــــد كيف حالك عساك طيب زان حالك طيبً جعلك طيب عبد الله عندي اللحين سؤال واحد اسلم ماهو سبب اختيارك تخصص االتربيه البدنيه؟؟ ابو سعيد لا يوجد هناك سبب معين مثله مثل غيره من التخصصات بس حسيت انه ينااسبني وعلى ما قال الشااعر من حصل مزااجه يتبعه :) ولي عوده مرحبااا الف بك وبعودتك |
مرحبا يابو حزام زييييييييين والله المرة لولة فرط مني أبوحمد الشامري أما المرة ذي بأتجود في شليلك ياعبدالله وماني مخليك وبادبل كبدك بالنشبة هههههه. هأستلم جعلني فداك: ماذا تعني لك هذه الاسماء؟ راكان بن حثلين حمد الغيهبان ذيب المهان نجران الوادي الجافورة الربع الخالي يام العريضة الحمية آل غفران قصيد بيت أعجبك وقصيد بيت أبكاك أو أحزنك الارهاب السعودية قطر همدان أفتتاح منتدى يام في كذا موقع من مواقع القبائل اليامية الظلم الظالم المظلومين ولي عودة معك <<<<زمة غليس الي يطرا>>>هههههه الله يعينك علينا. |
عدنا
ارحبــــــــــــــــــــوا هلا ابو حزام كيف حالك هلا بك يا بدر القلووووووب .. اكررها بدر القلوووووب .. والحال زين زاان حالك اول شي مبروك هزيمة الاهلي من الهلال هههههههه اقوول لا تفرح يا ابو رغد يا اخي الدعيع لو تنشده وتقوول وشهي الاهداف الخياليه اللي دخلت مرمااك بيقوولك اهداف نجووم الاهلي وتكفي اسئله من هدف خالد قهوجي في كأس المؤسس هذاك الهدف اللي مستحيل ينسااه جمهور الهلاال قبل الدعيع هدف خدع الدعيع ومخرج المباراه والمصورين في كافة زوايا الملعب اما الجمهوور ما جااابوا اخبره من سرعته هههههههاي يالغالي نبدا باسئله خفيفه واتمنى ان تتقبلها بصدر رحب لانها ستكثر العودات والعودات الى ان تمل وتقول لا عاده الله من كرسي ههههههههههههه اسلم اسلم والله يعديها على خيــــــر ماذا تعني لك الاسماء التاليه : منتدى مجالس قبيلة العجمان موقع رسمي يعكس الوجه الحقيقي لــ قبيلة العجمان ويام كافه على الشبكه العنكبوتيه يستحق منا الكثير والكثير الملك عبدالله بن عبدالعزيز فعلاً صقر العرووبه والاب والقاائد المحنك الله يطوول بعمره صدام حسين طاااغيه بن لادن شخصيه مزيفه تدعي الجهاااااد الزرقاوي ارهــــــــــــابي فالح العمره دكتور العجمــان ابو حمد الشامري محب بني عمــــــه جابر البطان الوجه السمح بدر القلوب ابو رغـــــــد راكان اليامي جعلني ما اذوووق حزنـــــه فهد بن محسن الحليـــــــم العنيد ذيب ابوظبي سمو الامير" ابو ناصر" الشيـــــخ حبيب حبيبً على اسمه يوران شيخة البنات وبنت الأصــول الامير عبدالله الفيصل الأب الرووحي للاهلااويين ورمــز من رموز الريااضه السعوديه والعربيه النادي الاهلي النادي الملـــــــــكي خالد الرويحي "الله يرحمه " لن يتكرر الله يسكن روحه الجنه بندر الجارالله لا ينسى خالد مسعد علمته الرمايه فلما أشتد ساعده رمـــــاني لديك قلم لمن تكتب رساله في المنتدى ؟ لـــ ابن وعيـــل مارايك في الاقلام في المنتدى ؟ وااعيه ورااقيه الى حداً مــــا كيف تجد نقاشات الاعضاء ؟ رائع ويسودها الود واحترام الرأئ الآخـــر من هو العضو الذي تقول انت مبدع ؟ فالـــح العمره من هو العضو الذي تقول له انت قلم راقي ؟ المستحيلـــــه من هو العضو الذي تود السفر معه ؟ ابو رغـــــــــد من هو العضو الذي تقول له انت شي شي يــــــوران نغير الموجه قليلا ً نغير ليه لاااء وش اكلتك المفضله ؟ مشكل المشوويات كيف تقضي اوقات الفراغ ؟ نت وكوره ونشقر على المعارض احيااناً ماهي جريدتك المفضله ؟ عكاظ ماهي مجلتك المفضله ؟ سابقاً (( قطوف )) الحين ما اتاابع مجلااات كم عدد المنتديات المشترك بها ؟ حاليــاً منتدانا هذا با الاضــافه لمنتدى آآآآخر ماهو لونك المفضل ؟ الاخضـــــــــر وش سيارتك وكم موديلها ؟ كامـــري 2002 .. تبغاها يا ابو رغد تراها للبيع هههههاي اخر بلد زرته ؟ الكويــــــــــت متى اخر مره زرت فيها مكه ؟ في رمضــان من هو فنانك المفضل ؟ ابو نووووووووووره من هو الممثل الذي تعجبك افلامه ؟ سميـــــر غاانم متى اخر مره زرت فيها نجران ؟ في عيـد الفطر من هو شاعرك المفضل ؟ ضيدان بن قضعــان ابو حزام هذي اسئله جدا خفيفه واعدك بالمزيد والمزيد انا الحين يالله خلصت وعادك تتوعدني با المزيد هيــن يا ابو رغد هههههاي لا يسعني الا ان اقول لك الى اللقاء في موجه جديده من الاسئلة الخاثرة التي ربما تكون مشفرة وربما لا <<<<<<< بيخربها ههههههههههههه اقوول كل شئ ولا المشــــــفر .. :teeth: وحيااك الله يا بدر القلووب اسئل كيف ما بدك |
سلام علاكم جميع أولا أشكر الاخ اللذي أتاح لنا الفرصه للتعرف على الاخ (( عبد الله الوعيلي )) وهو غني عن التعريف أبو حزام مساء ربي بالخير يابو حزام وماجور والسلامه وش حالك ياذيبان أولا أحب يابو حزام أحب أن أشكرك على دعوتي لهذا المنتدى الطيب والطيب مهو بغريب على بني عمنا وربعنا وأنا ودي أكون متواصل معكم وأنت ياعبدالله ودك بذا الشي لكن أنت تعرف إني مشغول بمنتدياتي ودراستي بنفس الوقت ولكن ولا يهمك يابو حزام سأتواجد معكم في هذا الصرح في أقرب فرصه بإذن الواحد الاحد ..... أبو سالم عندي مجموعة أسئلة خفيفه ذي المره والمره الجايه توقا شرها ههههههههههههه المهم السؤال الاول وش يعني لك بيرقووووووه << الي هو انا السؤال الثاني شي حز في خاطرك يوم من الايام من البيرق وكتمته عنه السؤال الثالث وش تعني لك (( ثار )) السؤال الرابع هل أثرت عليك الحياه خارج موطن أجدادك وأبائك السؤال الخامس ما رأيك في المشاكل التي تمر بها قبايل يام مع القبايل الاخرى هذه الايام وماهي وجهة نظرك وماهي الحلول المناسبه لتلافيها الان خلنا نستانس معك شوي ..... ماذا تعرف عن الاتي المدهن القدح المرداع الزنبيل السواقي الدروب الدخش المسلا الرقش الفيد المرضوفه الرزفه الزوامل وأخيرا ... كثيرا ماتردد كلمت جاتك نهوم ... أريد تفسير منك لهذه الكلمه ولك مني أجمل تحيه أخويه ولي رجعة مرتن أخرى تحياتي لك .,.,.,.,., أخوووووووك بيرقووووووووه |
أولا السلام عليكم ورحمة الله وبركاته..
ثانيا وماجور والسلامه يالوعيلي.... وثالثا حي والله ذا العين من شوفتك على الكرسي.... رابعا حبيت ارحب فيك ..ونشكر بو مسعود حسن الضيافه.... خامسا ذكر احد الاخوه انه الوعيلي شخص غامض... وذا شئ انا لاحظته وسؤالي مهوب ليه انت غامض..لاء سؤالي هل الغموض ميزه انت تعتبره في شخصية الانسان أم ماذا؟ سادسا كنت خارج المنطقة انا خلال اليومين الي راحوا..وفي احد الاماكن صادف وجودي في مكان ملي بالرجال والنساء..شدت انتباهي احد الاخوات التى كانت تلبس العبايه الي تقول ( غابه ) مهيب عباة... كل لون في ذا الدنيا لقيته فيها... والبلا انها كانت تحمل في يدها الجواز السعودي الاخضر... وانا جالس أتأمل في تلك الغابه التى ترتديها. قلت فعلا التاج مستحيل يوضع على الكتف..التاج دائما على الراس ... والحلال بين والحرام بين ... المهم اني توصلت لفكره واحده الا وهي ان عباءة المرأه الخليجيه اليوم اصبحت تحتاج الي عبايه فوقها .... فـــــ هل تؤيدني الرأي ام ماذا...؟ << سؤال خاص بالنساء.. سابعا..وسؤال خاص بالرجال... كنت انا واحد الاخوه في باركينق واقفين ... وجات مره واصفطت سيارتها في مكان ضيق حال دون خروج سيارتنا انا والشخص المذكور سلفا من الموقف... قمت أشرت لها انها تطلع السياره لين حن نمشي... أبت ان تفعل ذلك ههههه ليه لا اعلم ... نزل الشخص الي معي من السياره ... حاكاها بلغة الاشاره عشان تبعد بسيارتها ... ولكنها عيت... انا اصابني الذهول والشخص الي معي نفس الشئ..والبلا انه باله طويل ... في حين اني عصبت انا ونزلت قلت استحي على وجهش وابعدي السياره الشخص في مقام ابيش.. قالت سوري... انا ما عندي غير ذا الباركينق...ولا راح اغيره... قلت اشلون يعني نتم واقفين لين ما حضرتش تطلعين من المجمع... قالت ما فيها شئ... قلت ياوالله الي ما تستاهلين ذا الرنج الي انتي تسوقينه...الرجال الي معي ورد قال ياوالله الي انت صادق... قامت عصبت قالت ثلاث كلمات بذيـــــــــــــــــــــــــــــــــــــئه استحي والله من ذكرها وقالتها باللهجه الايرانيه ... والحمد لله اني اعرف لي كم كلمه وفهمت وش تقصد.... الرجال قال مشينا ياولد .... قلت بدا ولا ..الين ما اشوف ذا المره... قلت انتي عارفه اني لو ادعي لش الشرطه ذلحين واعلمهم بس بالثلاث الكلمات الي قلتيها انش تحاسبين عليها... قالت انا الي بتصل مهوب انت.... وفعلا راحت ... وحن واقفين وخمس دقايق الا وهي معوده ومعها ثلاث حريم ..الظاهر امها واختها ومدري من المقلوعه الثانيه...واعلم امها بالموضوع كامل... ولكن كل واحده لسانها اطول من الثانيه ....وشفت ان الحكي ما له فايده معهم.... وانا ملزم الا الشرطه تجي..لكن الشخص الي معي قال امعصي.. حن مهوب حق ذا الامور اذا هي من اهلها .... ثم يقول لها اسمعي يا بنت انا والله مهوب عشان شئ بخليش .. لا ابد ..لكن انا احتراما للوالده ذي الي واقفه وزانش...وقيد هي في مقام امي....ولانش مره وانا رجال ... معاد بحط راسي براسش والا انتي تستاهلين السجن الليله مع مرتبة الجلد واللفع ... هههههههه .... انا معاد تحاكيت لاني فهمت من حكاه اني لابد اسكت وهو راعي الشان.... ولكني تضايقت والى الان ما زلت مضايق من موقفها ومن قلة ادبها ...وعمري ما انسى اصبعها ذيك جعلها لكسر ان شاء الله لما هي ترفعها يوم اتحكي في وجه الشخص الي كان معي... وخذيت رقم سيارتها ... ذلحين لو انت كنت محلي ومحل الشخص الي كان معي وش راح تكون ردة فعلك .... وهل انت راح تاذيها بشكل أو باخر عن طريق اخذ رقم السياره والتبليغ عنها ....؟؟؟ مقهور حدي منها والله الى الان وعمري ما شفت مثل ذيك المره في حياتي.... ذا ما خطر في بالي حتى اللحظه وعلنا نعود ان الله مدد في عمرنا ... |
الاخ العارضي رعاك الله كاتب روايه هنا والا وش السالفه ؟
لا هنت يا بو حزام هل من السهل استفزازك ؟؟ هل من السهل خداعك؟؟ ماذا يعجبك في صديقك وما الذي لا يعجبك؟؟ هل تؤثر فيك الخيانه ؟؟ خاصة اذا كانت من صديق قريب ؟؟ ما ذا تفعل اذا اكتشفت ان احد اصدقاءك يستغل صداقتك في مصالحه ولا يأبه لشئونك؟؟ ماذا اعني لك انا فالح العمره لا تجاملني بارك الله فيك ؟؟ اقصد انقدني فلست بحاجه الا للنقد البناء والنصيحه الجميله الهادفه فرحم الله امرأ اهدى الي عيوبي ولا هنت يا بو حزام |
السلام عليكم
مرحبا والله بالكرسي وصاحبه ومن زمان ننتظر هالجلسه شلونك ؟ عساك بخير عبدالله الوعيلي شخصيه تلفت الانتباه من اللحظه الاولى حيث تميز بالحضور القوي 00 1-عبدالله ماذا يعني لك منتدى مجالس العجمان ؟؟ 2- عبدالله الوعيلي لاحظت انه مزاجي وحساس لدرجة كبيره فهل فعلا هو كذالك ؟؟ 3- عبدالله بينه وبين بعض الاعضاء اختلاف وهذا كان ملحوظ فهل العيب به ام بهم ؟؟؟ وهل هو من المتعصبين لوجهة نظره ؟ام ممكن التنازل ؟ وما مدى تاثير هذا الاختلاف على شخصية الوعيلي ؟ 4- بيت شعر او مثل يردده الوعيلي فما هو ؟ 5 - متى تنزل دمعة الوعيلي ؟؟ 6 -هل شعر الوعيلي بالندم على شيء في حياته وماهو ؟ 7 - هل يوجد اقسام في المجالس تشد الوعيلي ام كل الاقسام سواسيه ؟؟ 8- في البدايات كان الوعيلي مراقب او مشرف لاذكر بالظبط ومن ثم تركها فما السبب ؟ 9- اخر كتاب قراءه الوعيلي ماهو؟؟ عنما تضيق الدنيا بالوعيلي لمن يشكو ؟؟ تحياتي لك اختك أمـيـرة نـجـد |
مرحبا يابو حزام زييييييييين والله المرة لولة فرط مني أبوحمد الشامري أما المرة ذي بأتجود في شليلك ياعبدالله وماني مخليك وبادبل كبدك بالنشبة هههههه.
مرحـــــبا بك يا شااماان وارررحب طال عمــرك هأستلم جعلني فداك: يفدااك اللااااش يا الغالي ماذا تعني لك هذه الاسماء؟ راكان بن حثلين بطــل انجبته قبيلة العجمان حمد الغيهبان شاعر وفارس له موواقف مشرفه نقش من خلالها اسمه بحرووف من ذهب في لــوحة شرف صبياان يــام ذيب المهان الشجاعه وقوووة البأس نجران ارض العـــز والكرامـــه وديار السلاطين الوادي ديرة ربعنا الجافورة يقولون فيها غواليه وسكـــــــــــون :) الربع الخالي مليانً نفط :teeth: يام العريضة عصااايب راااسئ الحمية حنا اهلهـــا آل غفران الله يكوون في عوونهم والله ينصرهم على من ظلمهم قصيد بيت أعجبك مايــــدري ان العـز والنـــخـوه احــــزام ** والجـد ذكره مسـك عنـبـــر وكــادي وقصيد بيت أبكاك أو أحزنك أحدى قصائد وبران آل كليب في سجنه في قطر الارهاب مخيف ولكنا أمـــل ان ينقطع داابر الارهااب والارهابيين السعودية ارض الحرمين الشريفين وبلاد الامــــن والامـــان قطر الله يستر علينا وعلى أهلهــا همدان فزعة يـــام أفتتاح منتدى يام في كذا موقع من مواقع القبائل اليامية انا ضد كثرت مثل هذه المنتدياات الظلم مهوووب زين الظالم الله فوووقــــــه المظلومين لهم رب ينصفــهم ولي عودة معك <<<<زمة غليس الي يطرا>>>هههههه ارررحب ارحب يا رجاال وزمة اغليس مهووب انت طاال عمرك الله يعينك علينا. الله يعين الجميع |
سلام علاكم جميع
عليكم السلام ارررحب يا البيرق أولا أشكر الاخ اللذي أتاح لنا الفرصه للتعرف على الاخ (( عبد الله الوعيلي )) وهو غني عن التعريف أبو حزام تسلم ويخليك ربي مساءك ربي بالخير يابو حزام وماجور والسلامه مساء النور وهلا وغلا والله يعافيك ويسلمك من كل شـــر وش حالك ياذيبان زان حالك بخير جعلك بخير أولا أحب يابو حزام أحب أن أشكرك على دعوتي لهذا المنتدى الطيب والطيب مهو بغريب على بني عمنا وربعنا وأنا ودي أكون متواصل معكم وأنت ياعبدالله ودك بذا الشي لكن أنت تعرف إني مشغول بمنتدياتي ودراستي بنفس الوقت ولكن ولا يهمك يابو حزام سأتواجد معكم في هذا الصرح في أقرب فرصه بإذن الواحد الاحد ..... اررحب متى ما سنحت لك الفرصه وعاذرينك وعارفين ظروفك ومقدرينها أبو سالم عندي مجموعة أسئلة خفيفه ذي المره والمره الجايه توقا شرها ههههههههههههه عاااش راعي المجموعه :) وش يعني لك بيرقووووووه ؟ << الي هو انا الله الله شف يا بيرقووه انت عندي شئ شئ ولا تصدق اخذ وخل :) شي حز في خاطرك يوم من الايام من البيرق وكتمته عنه ؟ ابدن ابدن مابه شئ واذا تخاملتك في شئ قذعتك وش تعني لك (( ثار )) ؟ مسقط راسي هل أثرت عليك الحياه خارج موطن أجدادك وأبائك ؟ يمكن هناك تأثر بس سلوم الشيبان واعلومهم الزينه اللي تعلمنااها ما راح تتأثر بتاتاً ما رأيك في المشاكل التي تمر بها قبايل يام مع القبايل الاخرى هذه الايام وماهي وجهة نظرك وماهي الحلول المناسبه لتلافيها ؟ والله يا البيرق انشاء الله انها تعدي على خير هذا اللي اقوووله اما الحلوول من وجهة نظري ان كلـــن يسمك ( حيده )) في يده يكون احسن الان خلنا نستانس معك شوي ..... تم تم ماذا تعرف عن الاتي المدهن احبه جدااا ويزيد حبه في رمضااان القدح القدح (( ملطع )) هههههههههاي المرداع صديق المشعاااب :) الزنبيل يصلح لـــ الزبيب السواقي يا زين التسدااح فيهااا معى القاايله الدروب ترااث الدخش فيه غواليــــــه المسلا اخو المرقد الرقش وجبه تسد الرمق الفيد زين معى المـــرق المرضوفه الله عليها الله عليها الرزفه سدك سدك الزوامل جعلها ما تنقطع وأخيرا ... كثيرا ماتردد كلمت جاتك نهوم ... أريد تفسير منك لهذه الكلمه نهوم هذي لها قصه يا البيرق وقد وعدتني بها انت ولا جبتهااا وتفسيرها عندي بسيط جدا انها مثل قولة (( جاااتك بقعااء )) وبس هههههههاي ولك مني أجمل تحيه أخويه ولي رجعة مرتن أخرى وانت لك اجمل وارق تحيه وان عوودت فمرحبا ومسهلااا وجب معك مدهن رقش :) تحياتي لك .,.,.,.,., أخوووووووك بيرقووووووووه مرحبا ومسهلاا طال عمرك |
| الوقت في المنتدى حسب توقيت جرينتش +3 الساعة الآن 12:58 AM . |
مجالس العجمان الرسمي