خفْ الغلا ياناحل الخصر خفّه=خفه وانا ماجهل خفايا .. واحاسيس
ألْفّْ في معناي تسعين لفّه=من شان مايدري قريب المراميس
يبطي مايلْحقْـــــبي مرادهَ وُشفّه=لو حط في كل الأماكن جواسيس
شاعرك ماهو مثل غيّره مخفّه=ثقيل ثقله كاسبين النواميس
واللي كلامه عاجز(ن) لايصفّه=لاشافنّْيْ صدره تجيّه الكوابيس
ملف فعْلّيْ يختلف عن ملفّه=والحرف يفرق .. لو .. تساوى قراطيس
هوارته طاروقها .. للمسفّه=مع فرة السبحه وُطق المراويس
ياعين .. تتبع .. ليل .. للي تَنفّه=تطرب لها (مجموعة الشيخ) عتريس
والّبْحرّْ له شاطي .. وللّنّهر1 ضفّه=لاحاولوا .. تهميّشتي زمرة أبليس
وانتي وانا في كف والناس كفّه=والليل ثالثنا وُنفح النسانيس
تفضلي .. هيبه .. وسلطه .. وعفّه=والعين لك ممسى وقلبي مجاليس
ياسلوة المغرم .. وفيضه وُجفه=يايوسفية حسن كل المقاييس
العين عين اللي جناحه يضفّه=توُه وحش من نادرات القرانيس
والخد برق(ن) لايحه مايْكفّه=يجذب سنا ضوه جميع العواسيس
حالي من أسبابك على جال هفّه=هايمْ مثل ماهام في عشقته قيس
والخاتمه خفّ الغلا قلت خفّه=شاعرك مايجهل خفايا واحاسيس

لا بالله خله يتغلى عشان تبدع لنا مثل هذه القصيده ..

شكرا لمن اثار قريحتك ..

صح لسانك وعلا شانك ..

ابومحمد / تسلم على الحضور الثري والسباق وصح الله بدنك

ولكــــــــ أجملـــــــ التحاياــــ محملة بالعود الأزرق ـــــــــــــ

الأروع تواجدك المختصر والمليء بالجزاله

صح الله بدنك .. ونيابة ٌ عن القصيده يعطيك العافيه في ماابديتي من أعجاب بها.