تجربتي مع حقن إذابة الدهون PPC لايطوفكم
السلام عليكم !!! أخواني وخواتي أعضاء وعضوات المنتدى الراقي أنا بسويلكم موضوع (عن تجربتي) في حقن إذابه الدهون واظن ان الموضوع هذا بالذات المهتمين فيه كثيرررر وانشالله اقدر اجيب عن كل اسألتكم بالبداية ماتدرون شكثر كنت خايف من خوض هذه التجربة خصوصا اني ماعرف احد شخصيا سواها فقررت اسويها :) اول شي لازم اعطيكم نبذه عن اذابه الدهون واقصد فيها الابر (حقن) مش الجراحه اللي تحتاج عمليه كعمليه الشفط الابر المعروفه عند الجميع لاذابه الدهون اسمها الميزوثيرابي وهذي استخدموها من بداية سنه الالفين يعني قبل 9 سنوات ثم طوروا فيها واضافوا لها بعض الفيتامينات وصار عندنا محلول جديد اسمه PPC والفرق اللي بينهم ان محلول الميزوثرابي يحقنونه تحت الجلد بسافه قريبه جدا جدا وبكميات من السائل كبيره وعلى فترات متباعده اما ال PPC في بلا شك افضل بكثير من الميزوثيرابي لانها فيها فيتامينات وتحقن تحت الجلد على بعد 1 سم تقريبا وابرتها مشابهه تماما لابرة مرضى السكر وميزتها انها تحقن بكميات قليله وعلى ايام متقاربه يعني بين جلسه والثانيه اسبوعين :) واحب ابين ان حقن ال PPC او الميزوثرابي ماتصلح حق اللي اوزانهم كبيره بل تصلح للقريبين من الوزن المثالي او اصحاب الوزن المثالي ، ويعانون من بعض الشحم في بعض الاماكن مثل الفخذ او الكرش او الارداف .. الخ نبلش الحين بتجربتي انا وزني مثالي بكل المقاييس الطول 166 الوزن 64 ( سباح سابق ) الا ان عندي مشكله تركت السباحه فتره فتكونت كتله من الكرش اسفل السره وصار شكلها قبيييح لان جسمي مقسم بس هذه المنطقه اللي مزعجتني والكل يعرف ان منطقه الكرش من اصعب المناطق في الجسم لان الحركه فيها قليله حتى وان عملت رياضه فتحتاج الى اكثر من 6 اشهر متواصله للتخلص من الكرش فقررت اني اسوي ابر الحقن ال PPC ورحت للعيادة ، وهذا كان بتاريخ 16 - 3 - 2009 والحمدلله طمني الدكتور ان الحقن امرها بسيط جدا ماتحتاج الى اي خوووف منها خصوصا ان مافي مريض اشتكى من اي شي بعد عملها ، فسويتها عنده حقنت منطقه الكرش وطلعت ، والشهاده لله مافيها ألم كلش الا كقرصه خفيفه وقالي الدكتور يمكن ينتفخ مكان الابره مده يوم الى يومين حالها كحال اي ابره وفعلا انتفخ شوي لكن اليوم ميه ميه جنه مافيني شي وللعلم نصحني اكثر من شرب الماي يعني لترين ماي باليوم تقريبا عشان تنزل الدهون مع البول ( اجلكم الله ) وفعلا حسيت ان كرشي صغر قليلا بس قالي الدكتور النتيجه بتبين بعد اسبوع بالضبط من الحقن ، اذا جابت معاي نتيجة راح ابلغكم وانشالله جلستي الثانيه بعد 10 ايام اللي عنده سؤال انا حاضررررررررررررررررر ( تحياتي للجميييييييييييييييييييييع ) |
رد: تجربتي مع حقن إذابة الدهون PPC لايطوفكم
السلام عليكم ورحمة الله وبركاته
اشكرك اخي الكريم على ما قدمت وان شاء الله تحصل على مرادك من هذا العلاج اتمنى لك التوفيق... |
رد: تجربتي مع حقن إذابة الدهون PPC لايطوفكم
كروشه
الحمدلله ان خصك بنعمة العافيه دمت بصحة وسلامه. |
رد: تجربتي مع حقن إذابة الدهون PPC لايطوفكم
اشكرك اخوي فهيد الكفيف والغروب على المرور a25
|
رد: تجربتي مع حقن إذابة الدهون PPC لايطوفكم
ابشركم كرشي خفت بشكل واضح مع اني حاقن قبل 3 ايام بس a25
والله شي يفررررررررررح دعواكم لي بالجلسه الجايه |
رد: تجربتي مع حقن إذابة الدهون PPC لايطوفكم
الحمدلله ع السلامه
اعرف وحده سوتها ورتني بطنها عقب الابره يمه تخرع تقول ملسبه بعقال جلدها محتقن ومزورق وقالت لها الدكتوره لازم تلبسين كوورسيه مشد للبطن ومساج طبيعي ولما خرعتهاا لووول ما راحت للدكتوره ولا سوت اللى قالت عليه وجنك يابوو زيد ما غزيت راحت فلوسها ع الفاضي يعطيك العافيه 1bh1 |
رد: تجربتي مع حقن إذابة الدهون PPC لايطوفكم
|
رد: تجربتي مع حقن إذابة الدهون PPC لايطوفكم
شكرا اختي القرناسه على المرور لكن احب اأكد لج ان النتايج معاي كانت جيده جدا في الحقنه الاولى خسرت 2 سم من محيط الخصر وقبل 3 ايام رحت للجلسه الثانية ولاحظت ان الحصر والكرش يصغر بشكل الكل لاحظه بس اهم انك تمشي على الاقل 500 م باليوم عشان العلاج ياخذ مفعوله بالتفاعل مع الكرش اما بخصوص اللي تعرفينها فهي حاله نادره انا سويت جلستين وماحسيت بألم شديد بالعكس كان ألم بسيط جدا بعد ساعه يروح كأي أبره وانشالله الجلسه الثالثه بعد 10 ايام تقريبا وراح اصور لكم الابره واذا قدرت بسوي مقابله مع الدكتور حصريا للمنتدى tty6 |
رد: تجربتي مع حقن إذابة الدهون PPC لايطوفكم
شكرا اخي vip-534 على المرو ر
وانشالله اعرضلكم التجربه على اكمل وجه ، واتمنى من الجميع المشاركه سواء بالاسئله او بالمناقشه حتى نثري الموضوع D: |
رد: تجربتي مع حقن إذابة الدهون PPC لايطوفكم
خووووش خووووش خوووش فكره :a37:
تصدق انا سئلت عنها دكتورة جلديه وقلت لها عن حالت اللى اعرفها وانها ما نفعت وياها قالت تؤمنين بالله انه في منها تقليد يعني ميزوثيرابي مضروب وهذا ماله مفعول ...؟ فتقول لازم تختارون الدكتور المناسب مش حي الله عياده عاد منو دكتورك..؟ |
رد: تجربتي مع حقن إذابة الدهون PPC لايطوفكم
|
رد: تجربتي مع حقن إذابة الدهون PPC لايطوفكم
الله يعطيك العافيه وتوصل للشكل الي تتمناه وعلى حسب علمي انها هلحقن جيده بس مره سالت دكتور تجميل عنها قالي كلام فاضي بس يمكن انها انواع واكيد للدكتور المعالج دور كبير اتمنا تجيب معك النتيجه الي تتمناها ويارب لا يحوجنا لها
|
رد: تجربتي مع حقن إذابة الدهون PPC لايطوفكم
ياخوي لو تسوي تمارين معده وتضغط على نفسك احسن لك من الحقن ومضاعفاتها في المستقبل
ولاهنت على الموضوع |
رد: تجربتي مع حقن إذابة الدهون PPC لايطوفكم
شكرا قرناسه على الرد واسف على التأخير في سرد يومياتي لكن الظروف وماتسوي اما بخصوص ابر الميزوثرابي فهي بلا شك اقل من ppc لانها اقدم منها ، وعشان اعطي الموضوع حقه لازم ابين ان عمليه شفط الدهون افضل واسرع من اغلب العلاجات بس لازم تعرفون انها ماتصلح الا للي اجسامهم كبيره جدا ومتروسه شحم ولها اثار جانبيه لمده اربع اشهر تقريبا وهذي الاثار هو شعور بألم في مكان الشفط وعلى فكره امس كانت جلستي الثالثه تاريخ 23-4-2009 والحمدلله عدت على خير الالم كان لايذكر وانشالله بعد اسبوعين اقولكم بالنتيجه لان الدوا يستمر مفعوله مده اسبوعين تقريبا وانتظرووووني |
رد: تجربتي مع حقن إذابة الدهون PPC لايطوفكم
شكرا اخت سارونه العجمي على المرور ، واشكر الاخت غادة على المرور وكلام الدكتور اللي سألتيه في شي من الصحه وهي ان نتيجة الحقن يبيلها صبر وماتصلح للي وزنهم اكثر من المثالي ب8 كيلو تقريبا ، مو مثل نتيجة الشفط اللي تبين بعد العمليه مباشرة ،،، عموما انتظروا نتيجتي النهائية اذا طلعت اوكي بقولكم اخوي لليمين در اشكرك على المرور لكن حبيت اقولك شغله ان تمارين المعده مفيده جدا لازاله الشحوم لكن يمكن اللي ماتعرفه ان كل سم من الشحن يبيله 3 اسابيع من الاستمرار على تمارين البطن وهذا مرهق طبعا خصوصا للي تكون عندهم منطقه الكرش 5 سم او اكثر مثلا انا جسمي كله متناسق جدا جدا الا اسفل السره هناك تجمع للدهون بحجم الكف تقريبا ويصعب علي ازالتها بسهوله ،،،، على كل حال مايختلف اثنان على ان الرياضه هي افضل طريق للجسم المثالي (ملاحظه) اذا طلعت النتائج ممتازه احتمال اعرض صورة البطن قبل وبعد وهذا بعد اذن الادارة طبعا تحياتي لكم يا احلى منتدى |
رد: تجربتي مع حقن إذابة الدهون PPC لايطوفكم
السلام عليكم ورحمة الله وبركاته رجعت لكم بعد فتره طوويله 20 يوم بعد الجلسه الثالثه عندي تنبيه للجميع ..... صحيح ان كان في تأثير ايجابي في الجلسه الثانيه الا ان هناك امر توني انتبه له وهو وجود عقد دمويه تحت الجلد متصلبه مثل الصخر وانا ما انتبهت لها غلا قبل كم يوم لان الدكتور ماقالي عنها وكان يحاول يخليني اسوي الجلسات بسرعه عشان يقبض الفلوس ويفتك الا ان الامانه في النقل تحتم علي اقولكم شنو اعراضهاااااا بعد كل ابره كنت احقنهااا يتجمع خلايا دمويه (كرويه) تحت الجلد مكان السائل وتكون كأنها حصى تحت الجلد مما تسبب الم فضيييييييييييييييييييييع وحكه وتستمر تقريبا 3 شهور على ما ترووح ولها اضرار جانبيه يمكن تسبب امراض خبيثة لا سمح الله وهذا الشي ماقاله لي الدكتور لانه يبي ياخذ اكثر مايمكن اخذه من المال وانا بصراحه ماكنت اعرف عن خبثه الا بعد الشعور بالالم في مكان الالم فقالي نسيت اقولك عن الاضرار قالي اذا تبي اسويلك شفط قلتله لا يبا انت تجرب علي فنصيحه للجميع جربوا الحميه الطبيعية لان الضرر غير معلوم لهذه الابر وانا الله يحفظني من الامراض الخبيثة تكفووون ادعووووووليي |
رد: تجربتي مع حقن إذابة الدهون PPC لايطوفكم
معقوله كرووشه ..؟ ماسمعت احد يذمها لانه يقولون انها طبيعيه من احماض الفاكهه بس التحذير
من العيادات وبعض الدكاتره يستخدمون مواد مضروبه ...! انزين قولنا شنو العياده عشان مانفكر نجيها لووول وبعدين روح اشتكي عليه عند حماية المستهلك لا تخليه يغشك ويغش غيرك لا تنسى تسويلك تحاليل وانشالله مافيك الا العافيه وماتشوف شر وبشرنا عنك :) |
رد: تجربتي مع حقن إذابة الدهون PPC لايطوفكم
باك يا منتداي العزيز
اي والله مثل ماقلتلكم والكلام للجميع اتمنى الكل يقرا الموضوع للاخر لان النتايج كانت جيده نوعا ما بالبدايه حتى صدمتني الحكه والحصى اللي تكونت تحت الجلد يعني نسبة الفايدة ماتجاوز 20% مقارنه مع الاضرار اللي مايعلم فيها الا الله وانا اكتب المشاركه احس بألم بعض الشي في اماكن الحقن تحياتي للجميع وشكرا قرناسه على التفاعل وصدقيني العياده في مستشفى من اكبر المستشفيات الخاصه بالكويت وهو دار الشفاء هذا المستشفى اللي نصب على الالاف مثلي |
رد: تجربتي مع حقن إذابة الدهون PPC لايطوفكم
حقن الهالات السوداء بالميزوثيرابيحقن الهالات السوداء بالميزوثيرابي من أفضل الطرق للتخلص من الهالات السوداء المرضية حتى يعود للوجه جماله بعدما تفشل الوسائل التقليدية.
يقوم الطبيب بتنظيف وتطهير المنطقة الموجودة حول العين، ثم يضع عليها القليل من المخدر الموضعي لمكان الحقن فقط، بعد ذلك يبدأ الطبيب عملية الحقن. قد يشعر المريض ببعض الألم الخفيف ولكنه يختفي خلال وقت قصير، وقد يكرر المريض هذه الجلسة لأكثر من مرة حسب حجم الهالات ولونها. هذه العملية غالبا ما تكون النتائج الخاصة بها ناجحة ومضمونة، كما أنها غير مرتفعة التكاليف على الإطلاق، وفى المستقبل تحد من الهالات السوداء وظهورها. |
الوقت في المنتدى حسب توقيت جرينتش +3 الساعة الآن 03:46 PM . |
مجالس العجمان الرسمي