جتني علوم الشاعر اللي يـوم كيـف وأفتهـن=تـوه سمـع( لفـتـة نظر)وأصـغـا لـهـا
ماكيفـه إلا وارد الكـمـران ولا الباعـشـن=مايـعـشـق الــدلــه ولا فنـجـالـهـا
يامرحبـا متقدمـت لجـزا بزينـات المـون=مـن كــف شـاجـع حامـلـن تمثالـهـا
بالشاعر المجهول واللي ساعدو له في اللحـن=واللـي رضـى بالسالـفـه وامـهـا لـهـا
باحلف وباخاطرعلـى قولـي وبقـدم رهـن=( ماوايلـه) تحسـبـك ضـمـن رجالـهـا
ماحد يعرف أسمك ولا فعلك ولا حد لك فطن=يـوم المطـارح( وايـلـه) تـدعـى لـهـا
منته بشاعر( وايله) جعلـك أفداهـم يالعفـن=ماظنـتـي تـرضـى بــذي وأمثـالـهـا
ماقصدك إلا تزرع أسباب المشاكـل والفتـن=وتحـقـق أهــداف الـعـدى وآمـالـهـا
تنهض بنفسك وأنت مثل الي منوخـه الوهـن=نـويـت بأشـيـاء مستحـيـل تنـالـهـا
سبك لربعي مثل نطح العنز في الطور المكـن=تـومـي وخبـطـك مـايـزل ظـلالـهـا
وهرج القفا بهل الوفا والسب فيهـم والطعـن=مهـمـا تـكـرر مـانـقـص مثقـالـهـا
كلـن فـي بلـد غيـره مشيـد لـه سـكـن=حاميـتـه الـدولـه وصــرف ريالـهـا
وأنه من (الهندي) فهو درعي على طول الزمن=وأنــا حـزامـه لا لتـقـوا بسـلالـهـا
(ذهلية) لا جا نهار الضيـق يبـرون الشجـن=ستـر الهنـوف الـلـي رمــت يشيالـهـا
وإن جا النكف في (يام) حامين الدخيل الا زبن=( يامـن) هـل العـادات وهــم أبطالـهـا
يشهد على ماقول ماضيهـم وتاريـخ الوطـن=والقبـيـلـه وسـلـومـهـا وأمـثـالـهـا
حصنن منيعن لا وزا في ظله الخايـف ومـن=ولا أنـت عامـل مـن ضـمـن عمالـهـا
مادمت متغبي فخلـك مثـل لابسـات الزبـن=روس الـرجـال تـعـد قـبـل أفعالـهـا
وإن كان متحدي وراسك فيه حبـن ماطحـن=فالقلقـلـه حـيـل الـمــره وأشكـالـهـا
وأنا( حمد دلقم) على لشهـاد وأسمـي بالعلـن=يالـلـي تسبـبـهـا ولا تـلـقـا لـهــا
واللي تحسبه جوف راسك من صماله تطحـن=أحسـهـا تـحــت الـقــدم ونعـالـهـا
يومـك تخبـا ياقليـل الفايـده مثـل الدفـن=واللـي سـواتـك حالـتـه يـرثـى لـهـا
مدري ضغافة زند ولا خوف ولا صغر سـن=ولا جـــدودك هـافـيـن مـنـزالـهـا
فإن طعتني أسكت وواصل مهنتك وأزرع وأبن=وانعـم وخــل القبيـلـه فــي حالـهـا
لو بنتحاكى كان عينـا احكـن مثـل الطعـن=لكـن نـعـز النـفـس مانـرضـى لـهـا
لن الحكا حيل الضعيف اللي ممكنـه الحـزن=ولا قــدر فــي حـاجـتـه ينتـالـهـا
بارفع مقامي فوق وأرقى وأنت خلـك مندفـن=تلعـب بـك أوهـامـك عـلـى موالـهـا
واللي لهم تقدير عنـدي مـا يسـاوم بالثمـن=لوجيهـهـا نسـمـح خـطــا جهـالـهـا
مانرخص الغالي على عثرة رفيقـه لا طمـن=يمـنـى الفـتـى ماتسـتـوي وشمـالـهـا
في كل دار حقها مـن جيـد ولا مـن وكـن=والقبيـلـه مغـبـون مــن ثــارا لـهـا
نعم ببن( شاجع) على ذكره ولو هو قـد دفـن=يستاهـل الجـودات مــن يعـنـى لـهـا
واللي نهار الضيق من ربعه يوطيهـا الكمـن=والطايـلـه يتـعـب لـهــا ويطـالـهـا
وقبل الختام وقبل ياتي في الطريق انسن وجن=ثـم عـقـب صافيـهـا يبـيـن أحثالـهـا
نبغى قبايل( وايلـه) تظهـر بموقـف متـزن=مـن قـول شاعـرن قـال حالـه حالـهـا
فان كان يا( همدان) حد منكم بقلبه سـو ظـن=ولا تسـمـع فــي كـــلام أنـذالـهـا
فذي بندقـي فـي الحـق للـي وده يطمئـن=مقـدم عـشـر ويـحـط لــي معدالـهـا
وأبغى رجالن قبل تدخل في الشبايك والغـون=تنـظـر لمخرجـهـا قـبـل مدخـالـهـا
فـان كـان للخـوه وللرفقـه وللجيـره وزن=فطـووا رشـا الفتـنـه وهــدوا جالـهـا
وختامها صلوا عدد مـا لاح بـراق المـزن=علـى النـبـي والــه ومــن والا لـهـا