بدا الشاعر اللي نبرة الحزن في مبداه = وسلّم يديه لوجه ربّه وناصيته
على راس رجمٍ خالي البال مايرقاه = والأنسام تلعب في شماغه وطاقيته
وقف وقفة اللي باقيٍ يوم من دنياه = ولمح غالي أحلام الحياه متعديته !!
رقا بإنكساره .. وإلتفاته .. ودمعه .. وآهـ = وحوّل بضيقه .. وإستماته .. وتنهيته !!
نصيبه متاهاتٍ من البؤس والمأساه = هذيك متنطحته !! وذيك متقفيته
يوم أن الغلا جزّه بسيفه مع المثناه = تقفاه وقته من خلافه بجنبيته
وليفي عساني لو عدمته ماعدم أرضاه=ولا أعدم نباه !! وميلت القلب ناحيته
سقا الله ليالي عوّدتني على لاماه=طريقي عليه ووقفتي عند ساريته
قبل تفتح الدنيا عيوني على ذكراه=وأنا ماغفلت وغفلت الشي ماريته
ليا أمسيت في قطع الخلا ماني بوياه=ولا العين شايفته ولا الإذن موحيته
الا ياوجودي من فراقه وياعزّاه=وجود الوحيد اللي شريدة عرب بيته
هو الله عطاه الصبر عنّي !! وانا والله=مأخلّي جدارٍ مأتلوّا بزاويته !!
عسى الله يبرّي ذمتي من خطا فرقاه=كثر ما أنتظرته في الدروب وتحريته
تدور السنين وكل ماقدمه يلقاه=الأيام عجله وأرذل العمر تاليته
تعرف المصايب من تحنّه ومن تدراه=مثل ماتعرف اللي تروح متوطيته !!
الإنسان ودّه ينحرم من ( رغد دنياه )=ولاينحرم من ( نور عينه وعافيته )

الله الله




على قولة خجل سرينا معها جو ..

صح لسان بن شويه ولا تقل ابداع عنه ان ماتعديته .. هذا رأيي ..

مرحبا مليون يا شتى !
اتشرف بــ مرورك الجميل وتعليقك الاجمل
لا هنتي !؟

:)

سبك × حبك × معنى × احساس

وعسى الله ما يحرمك احبابك ولا يحرمنا

تشكراتي + تقديري

اصلاً الشي اللي ما يجوز لك .. ما فيه بركه !؟
تشرفت بمرورك وارضاء ذائقتك
تحياتي لك يا عم !؟


:)

اتشرف بــ مرورك واعجابك بما قدمت
لاهنتي والله يعطيك العافيه ،،


تحياتي لك !؟


:)

مرحبا بك يالفرس
رايك محله القلب .. حتى لو انه من باب المجامله :)
تشرفت بمرورك وكلامك
تحياتي لك