حسي بلوعات الليالي والاحزان=بعدين حسي بالهوى لا بغيتي
وش به يهمك لو يقولون زعلان=لو فيك ذره من الغلا ماجفيتي
يالي تقولين الخطأ زلت لسان=في زحمة الايام ليه اختفيتي
خطاي وان جه مدري الذنب وش كان=ليه انتهى ذاك الغلا وانتهيتي
وقفت في وجه الزمن قدر الامكان=وانتي جنح فيك الخيال وغفيتي
غلطان انا في كل الاحوال غلطان=اسرجتلك خيل القصيد وسريتي
جيتي وقلت الجرح يوم اقبلت هان=وانتي على الجرح القديم ارتكيتي
قلتي لي الحب ان لابد ينصان=واليوم ماكنك دقايق هويتي
شافوك حساد الهوى شوف الاعيان=يومك على رجم القصيد رقيتي
ما بان لك شي ولا بقا شي ما بان=بس انتي اللي غافله ما دريتي
العام لك طاري بقلبي ولك شان=واليوم احس بغلطتي لا طريتي
وان قدر المولى وعشتي بحرمان=ومن حر لوعات التجافي بكيتي
تذكري قلب(ن) له سنين شفقان=شوفي بحقه ياكثر ما خطيتي
كل القصيد اللي اقوله على شان=تهزك الذكرى عقب ما نسيتي

المشاركة الأصلية كتبت بواسطة الأمبراطور711 (المشاركة 939138) روووووووووعه:002: لاهنت يالريمي على نقل القصيدة الرااائعة للمبدع متعب التركي صح الله لسانه .. في انتظار جديدك.. :21t:

المشاركة الأصلية كتبت بواسطة البندري القحطاني (المشاركة 939460) جيتـي وقلـت الجـرح يـوم اقبلـت هــان وانتـي عـلـى الـجـرح القـديـم ارتكيـتـي ..... مـا بـان لـك شـي ولا بـقـا شــي مــا بــان بـــس انـتــي الـلــي غـافـلـه مـــا دريــتــي ... رائعه رائعه .. هذه الكلمات .. ورائع هذا الذوق لاهنت يالريمي2009 ..

المشاركة الأصلية كتبت بواسطة حادي الشوق (المشاركة 940596) يا سلام عليك يا الريمي .. ويا سلام على متعب التركي .. الله يثبته .. دشيت جو مع القصيده .. شكراا واطلب المزيد ...