ضيدان ابن قضعان في الشيخ خالد ابن عبدالله الدامر
راكب اللي ما تجيبه وكالــــة بالبيد=ولا يجيبه بهبهاني ولا وضيحي قطر أدهم ٍ وسم الجميحي على جنبه جديد=مهبل اللي يوم عرّض يحسبنـه شفر جمس شكمانين ملقبينــــــه بالوليد=من سرا به ما يغبط القصيبي و الجبر كاتبين ٍ في ضمانه حديده مـــا يبيد=تمرة ٍ قاري عليها حفيد (ابــو بكر) كنّ وجهه لا نطحته تشعشع صبح عيد=و إن قفيته كنّه السيل لاسـال و حدر و إن عرض لك في مزاياه من عنق الفريد=و إن ركبته تحسب إنك على سطـــح القمر دقته نغمة عبادي على سلــــــم فريد=لا عزف الأول و جاوب على عاشر وتر لا أشتغل قالت شكامينه أرسي يا حديد=و التروس تقول للقاع ولي يا فقر و البلوف تقول للكهرباء هل من مزيد=و السيور تقول للمروحة هل من مفر كنّ في الشكمان الأيمن صدا عبدالمجيد=و كن في الشكمان الأيسر صدا نايف صقر تحت كبوته من الفن طيــران و عبيد=ما يغنون المسافة ولا طــــــال السفر كل أغانيهم على الدرب واصـل يا عنيد=لين تلفي قصر شيخ ٍ على العليا شهر سايقه من صلب ربعي أولـــــوا باس شديد=ما يهاب البعد و الليل و المـوت الحمر من صناديد (آل عرجا) هل العلم الوكيد=لابة ٍ من جن تمشي على هيئة بشر نحّره قصر ليا أقبلت شفته مـن بعيد=قصر شيخ ٍ من شيوخ ٍ يدوسـون الخطر من (بعيدين المغازي) هل المجد التليد=(دامــري ٍ) يقصر الهرج لا منّه حضر لا لفيته سلّم و سلّم الخط إيــد بيد=و بلغه مني التحيات ما شعشـع فجر و قل لابومحمد ترا الوقت عكـس اللي نريد=و أدري إنّه بيعذرني ولو مالـي عذر و العذر قضّيت عيدي ورى خور العديد=فترة ٍ مرت علي يومها كنـّــه شهر و الحقيقة مرّني العيد ما كنـّــه بعيد=مر كنـّـه من ليالي رجــــــب ولاّ صفر و شوفتك يا شيخ بلحالها عيــــد ٍ مجيد=و جيّتك و زيارتك ما تعد من العمر و العذر في بعض الأحيان يمكـن ما يفيد=لكن الواجب علي أعتذر و أنـت تعذر و السلام ختام ما هزت بنــــود الجريد=و ما حبكت البيت حشمة و مصفوط و قدر |
رد: ضيدان ابن قضعان في الشيخ خالد ابن عبدالله الدامر
صح لسان بو منصور على قصيدته لخالد الدامر
|
رد: ضيدان ابن قضعان في الشيخ خالد ابن عبدالله الدامر
صح بدنك أخي راشد. |
رد: ضيدان ابن قضعان في الشيخ خالد ابن عبدالله الدامر
الله الله
صح السان بن قضعان صح السانه ويستاهل خالد الدامر شيخ ولد شيخ ولا هنت مسعطر |
رد: ضيدان ابن قضعان في الشيخ خالد ابن عبدالله الدامر
أشكرك أخي الرسام علــــى المرور.. |
رد: ضيدان ابن قضعان في الشيخ خالد ابن عبدالله الدامر
السلام عليكم ورحمه الله وبركاته .
مشكور اخوي معسطر وتسلم على النقله . وصح لسان ضيدان ابن قضعان. ويستاهل الشيخ خالد الدامر. |
رد: ضيدان ابن قضعان في الشيخ خالد ابن عبدالله الدامر
و عليكم السلام و رحمة الله و بركاته. أشكرك على المرور أخي عبدالعالي العجمي. |
رد: ضيدان ابن قضعان في الشيخ خالد ابن عبدالله الدامر
لاهنت يا مسعطر على نقل القصيده وبيض الله وجهك
وصح لسان ابو منصور ويستاهل المدح ابو عبدالله |
رد: ضيدان ابن قضعان في الشيخ خالد ابن عبدالله الدامر
أشكرك أخي راكان المحفوظي على المــــــرور. |
رد: ضيدان ابن قضعان في الشيخ خالد ابن عبدالله الدامر
لاهنت يامسعطر
وأنا لقيت القصيده في أحد المواقع .. تسجيل فيديو جميل والقاء الشاعر العذب ضيدان 7 7 7 استلموها اظـــغط هنا للمشاهده ويستاهل الامير خالد الدامر وشكرا ً يامسعطر على النقل |
الوقت في المنتدى حسب توقيت جرينتش +3 الساعة الآن 01:07 AM . |
مجالس العجمان الرسمي