قلبى اليا قالو فهد يضربونه = ياكن يضرب لاهج الديد فهاد(قصه وقصيده)
كان فى فتاة تحب لها شاب اسمه فهد وكان فهد هذا من الرجال الشجعان وعند الامير وكان راعى صيد وجميل الوجه وظريف وكانت الفتاة اللى تحبه متزوجة وعندها ولد مسميته عليه فهاد وحبيبها اسمه فهد وفى يوم من الايام كذبوا ناس حاقدين على فهد عند الامير وخلوا الامير يكره فهد وامر الامير انهم يجلدونه بالجريد الاخضر وظلو يجلدونه فى مكان قريب من بيت الفتاة اللى تحبه فكانت تنظر لهم وهى شايلة ولدها فهاد وتقول:
قلبى اليا قالو فهد يضربونه = ياكن يضرب لاهج الديد فهاد
فلما قالت هذا البيت كان اخوها وراها وهى ماتدرى فقال لها شقلتي !!؟ فعرفت انها طاحت بالشر ولازم تخلص نفسها فقالت:
قلبى الياقالو فهد يضربونه = ياكن يضرب لاهج الديد فهاد ياحيف تضرب بالجرايد متونه = ولاهو غثيث يحمل الضرب وشعاد مومى الهشال الخلا فى ردونه = بالذكر ولا مانعرف ابن الاجواد فقال اخوها سلمتي واللى سلمها طبعا البيت الاخير لما قالت بالذكر ولا مانعرف ابن الاجواد وتسلمون |
قصه حلوه وقصيده احلى
بس عشقاً على غير الشرف مذمة لاهنت اخوي راكان اليامي |
قصه رائعه
يعطيك العافيه يا ابو سالم |
هلا وغلا يااميرة نجد وتسلمين على الرد طال عمرك
|
هلا وغلا يابن عاطف والله يعافيك يالغالي
|
لا هنت يا ابو سالم على السالفه الطيبة ما قصرت
|
هلا وغلا يابو حمد وولاا نت يالغالي
|
سرعة بديهة واجاده في الشعر
كان تصلح ذي للمحاوره يعطيك العافيه اخوي راكان اليامي |
الاخ الفاضل \ راكان اليامي
مبدع دائمـــا .. سجل اعجابي بـ ذوقك ياحيف تضرب بالجرايد متونـه ولاهو غثيث يحمل الضرب وشعاد مومى الهشال الخلا فـى ردونـه بالذكر ولا مانعرف ابن الاجـواد مشالله عليها .. تداركت الموقف بـ سرعه !! لكن !! حبها للأسف يعتبر خيانه !! الله يستر علينا وعليها وعلى جميع المسلمات.. دمت بخير تحياتي لك .. |
هلا وغلا يالسنافي والله يعافيك يالغااالي
|
الوقت في المنتدى حسب توقيت جرينتش +3 الساعة الآن 04:07 PM . |
مجالس العجمان الرسمي