مجالس العجمان الرسمي

حبيت أنزلكم قصيده ( ثمان سنين )

الشاعر / سـالـم الــفــروان

وأنشاءالله أن تحوز برضاكم

لعينك ببدع أبياتي وأرتبّها على القيفان
وأغوص بحور أجيب الدرر لولو ومرجاني

بيوتن من ثقلها بالمعاني يرجح الميزان
وأغنيها وألحنها وأنا بالحيل شفقاني

وبنظمها قلادة حب وأرسلها على العنوان
لأن أسمك وعنوانك بدمي وسط شرياني

ثلاث حروف هو أسمك نقشته داخل الوجدان
حفظته عن عيون الناس لا قاصي ولاداني

ثمان سنين مرّت وأنت لاهي منته بشفقان
وأنا اللي محترق قلبي عليك وشب نيراني

ثمان سنين مرّت وأنت يمكن ماخذك نسيان
وأنا اللي ما نسيتك يا بعد روحي وخلاني

هجرت وطالت المدّه وأنا اللي عايشن بأحزان
سبب صدّك وهجرانك عيوني هلّت أمزاني

وحزني من غيابك مثل حزن الشيخ أبن هدلان
بعد راح الفديع وثم قفاه الذيب سرحاني

يقولون العرب !! الإحسان ما يحزا بغير إحسان
وأشوفك قمت تهديني العذاب أشكال وألواني

صبرت الصبر !! لين الصبر ملّ وقال أنا بلشان
أنا بلشان في مثلك عسى ربي ما يبلاني

دخيلك تاهت دروبي وأظن أن اللقى قد حان
تعال نجدّد الماضي وندحر كل شيطاني

أشوفك شجرتن حلوه زرعها زارع البستان
ولكني أبد ماذقت منها خوخ ورماني ؟

وأشوفك تبرق وترعد ولكن وينه الهتّان؟؟
تعبت أنطر حيا منك وريقي جف ! ظمياني .

وســـلامـــــتـــــ

الــــجــــــمــــــيـــــعـــــ