|
فهد بن محسن في وجهاّ لوجه
السلام عليكم ورحمة الله وبركاته
اسعد الله اوقاتكم بكل خير اخواني الاعزاء يسعدني ويشرفني بأن نستضيف لهذا الاسبوع استاذي الكبير فهد بن محسن مراقب المجالس الادبيه وصاحب اروع اثنينيه عرفتها بحياتي مهما تحدثت او امتدحت فلن نوفي ابو فيصل حقه فأهلا بك يا ابا فيصل مع الاعضاء ونتمنى لك التوفيق انشاءالله بسم الله الاسم المؤهل الدراسي الوظيفه ولك خالص الود استاذي الفاضل |
ابو مسعود لاهنت على استضافه
الاخ القدير ابو فيصل نتمنا له اسبوع موفق في مواجهة الاعضاء:) لدي رجعه بالكثير من الاسئله:) |
مرحبا بك ومسهلا مراقبنا الكريم : ابو محسن
لاهنت يابو مسعود على استضافته لكى توضح لنا الصوره الكليه وعن قرب لشاعر فهد بن محسن . لى عوده اخرى بعد تواجده . تقبل منى خالص التحيه الشيخه |
مرحبا الف يا ابو فيصل ولا هنت يا ابو مسعود على الاستضافة الرائعة مع مراقبنا العزيز:
سين سؤال: من هم افضل شعراء الساحة الشعبية في نظر ابو فيصل ؟ سين سؤال : لو اراد منك تصنيف الشعراء في المقام الاول فمن تختار ان يكون في الصدارة ولماذا : 1- ضيدان بن قضعان 2- مانع بن شلحاط 3- محمد بن الذيب ؟ سين سؤال : ما هي صفات الشاعر المبدع ؟ ولي رجعة يا ابو فيصل بعد هذه المقدمه البسيطة |
السلام عليكم ورحمة الله وبركاتة
نعتذر منكم جميعا على التاخير في الرد .. لاني كنت مسافر خارج الرياض .. ورجعت في وقت متأخر لاهنت يابو مسعود على المقدمه الطيبه .. وتسلم يالغالي ,, وان شاء الله نكون عند حسن ظن الجميع الاسم فهد بن محسن بن رادعه المؤهل الدراسي بكالريوس ولك خالص الود استاذي الفاضل ولك خالص التقدير يابو مسعود تحياتي للجميع |
اقتباس:
هلا وغلا ياحبيب ومرحبا بك في اي وقت يالغالي تحياتي لك |
لاهنت يابو مسعود وبوفيصل يستاهل ويشهد الله أني أحبه في الله
وعلى العموم بيني وبين ابو فيصل حرب ضروس طاحنة:) لذلك ماراح ارحم في اسئلتي له:) ابو فيصل ممن أخذت الشعر ؟ من هو قدوتك في الشعر ؟ وأيهما أقرب لك شعر النظم ولا المحاورة مع ذكر الأسباب ؟ ما البحر الي تحس انه يشدك إلى بدء القصيدة؟ ماهي مقومات شعر فهد بن محسن ؟ وسمحلي على الإطالة وللحديث صلة :) |
مرحبا الف يا ابو فيصل ولا هنت يا ابو مسعود على الاستضافة الرائعة مع مراقبنا العزيز:
هلا وغلا يابو حمد ولاهنت على الحظور بالاسئله سين سؤال: من هم افضل شعراء الساحة الشعبية في نظر ابو فيصل ؟ شعراء الساحه الشعبيه كثير وفيهم الخير والبركه ,, وافضلهم من ترك خلفه سجلا رائع من القصائد النبطيه .. وحفظها التاريخ سين سؤال : لو اراد منك تصنيف الشعراء في المقام الاول فمن تختار ان يكون في الصدارة ولماذا : 1- ضيدان بن قضعان 2- مانع بن شلحاط 3- محمد بن الذيب ؟ بالنسبة للشعراء اللي ذكرت يابو حمد .. كلهم شعراء عمالقه في الشعر النبطي ولهم تاريخ يشهد بذلك .... وكلهم في نظري في الصداره الان سين سؤال : ما هي صفات الشاعر المبدع ؟ الشاعر المبدع يابو حمد .. هو من يستطيع كتابة النص السهل الممتنع الذي يلامس مشاعر جميع متذوقي الشعر النبطي ولي رجعة يا ابو فيصل بعد هذه المقدمه البسيطة؟ مرحبا بك يابو حمد في اي وقت تحياتي للجميع |
لاهنت يابو مسعود وبوفيصل يستاهل ويشهد الله أني أحبه في الله ماتحب الا من يحبك يالسنافي ويشهد علي الله وعلى العموم بيني وبين ابو فيصل حرب ضروس طاحنة لذلك ماراح ارحم في اسئلتي له مرحبا بك وبحربك يالغالي ,,, شد احزامك ولا ترا باحولها على راسك:D ابو فيصل ممن أخذت الشعر ؟ الشعر يابو عيد قبل كل شي هو موهبه من الله .. ولا شك ان للوراثه دور كبير في ذلك .... وانا خوالي كلهم شعراء ,, وعمي شاعر .. واحتمال اني اخذته من احدهم ان لم يكونو كلهم من هو قدوتك في الشعر ؟ والله يابو عيد مامن شخص بعينه ,, ولكن الشاعر اللي شعره فيه حكمه وذرابه يشدني اكثر وحب شعره وأيهما أقرب لك شعر النظم ولا المحاورة مع ذكر الأسباب ؟ كلها بالنسبه لي قريبه جدا ... فالمحاوره فيه صقل للموهبه وفيها لقاء مثلك وشرواك من الشعراء .. والاخذ والعطاء معهم في مواضيع مختلفه وغيرها ... وشعر النظم هو الاساس في كل شي بالنسبه لي وفيه تكتب وتقول مافي خاطرك بدون تحديد ولا تشديد ما البحر الي تحس انه يشدك إلى بدء القصيدة؟ الحقيقه يابو عيد مافيه بحر معين ... اذا جات القصيده ووقتها مناسب جرينا الصوت على اي لحن ماهي مقومات شعر فهد بن محسن ؟ اساسيات الشعر عندي يابو عيد ان يكون موضوع القصيده مناسب وغيرمبالغ فيه .. وان لا اتطرق الى كل موضوع عام بقصيده .. وان احاول ان اختار الافضل اثناء الكتابه ... وفكرة القصيده تاتي على حسب الحدث او الموضوع وسمحلي على الإطالة مسموح جعلك تحيا وللحديث صلة ننتظر بقية حديثك يالغالي تحياتي للجميع |
في البداية أحب احيي المشرف فهد بن محسن وعندي كم سؤال :
في اي غرض من أغراض الشعر يبدع فهد بن محسن اقرب قصايدك إلى قلبك ماهي رايك الصريح بمستوى القصايد المطروحة في المنتدى قصيدة أعجبتك تم طرحها في المنتدى شاعر نظم يعجبك شعره في المنتدى شاعر رد يعجبك طاروقة وأسلوبه في المنتدى منافس قوي لك في قسم المحاورة رأيك في الشعر النسائي وشكرا لك أخي العزيز ... اتمنى إني مااكون ثقلت عليك |
لاهنت يابومسعود على أستضافتك للاخ العزيز ابوفيصل
ابوفيصل مرحبابك ومسهلا وحياك الله يالسنافي عندي كم سؤال س | منهو الشاعر اللي تأثرت به في بداياتك الشعريه ؟؟ س| ماهي أول قصيده كتبتهاا ؟؟وذكرلي منهاا كم بيت س|نلاحظ ان الشاعر محمد بن الذيب في قصايده تجاوزات دينيه مارأيك في هذا ؟؟ والله يوفقك يابوفيصل |
في البداية أحب احيي المشرف فهد بن محسن وعندي كم سؤال :
مرحبا ومسهلا بك ياهشام ,, وتفضل طال عمرك في اي غرض من أغراض الشعر يبدع فهد بن محسن اجد نفسي في القصائد العامه اكثر ... والغزل .. وبعض المناسبات يكون لها مكانه خاصه اقرب قصايدك إلى قلبك ماهي الحقيقة اخي الكريم جميع قصائد الشاعر قريبه الى قلبه .. ولو ماهي قريبه منه لما كتبها رايك الصريح بمستوى القصايد المطروحة في المنتدى القصايد في المنتدى وفي الساحه بوجه عام .. يوجد فيها الرائع ويوجد دون ذلك قصيدة أعجبتك تم طرحها في المنتدى اكثر القصائد في المنتدى تعجبني .. وخاصه النادره للمحمد العرجاني شاعر نظم يعجبك شعره في المنتدى كل شعراء المنتدى بوجه عام يعجبني قصيدهم شاعر رد يعجبك طاروقة وأسلوبه في المنتدى كثير وعلى راسهم حبيب وباقي الاخوان منافس قوي لك في قسم المحاورة كل شعراء المحاوره اعتبرهم منافسين لي رأيك في الشعر النسائي شعر مثله مثل شعر الرجل .. ولكن له اسلوبه الخاص وشكرا لك أخي العزيز ... اتمنى إني مااكون ثقلت عليك العفو طال عمرك .... ومرحبا بك ولا هنت تحياتي للجميع |
لاهنت يابومسعود على أستضافتك للاخ العزيز ابوفيصل
ومن قال مايهون يالعوود ابوفيصل مرحبابك ومسهلا وحياك الله يالسنافي مرحبا بك اكثر يالعود والله يحييك ويسلمك يالغالي عندي كم سؤال تفضل طال عمرك س | منهو الشاعر اللي تأثرت به في بداياتك الشعريه ؟؟ والله وانا اخوك مافيه شاعر معين او محدد تاثرت فيه .. الشعراء واجد اللي اقراء لهم ويعجبني قصيدهم في البدايه وحتى الان س| ماهي أول قصيده كتبتهاا ؟؟وذكرلي منهاا كم بيت والله يالعود ما اذكرها ولا كان تبشر بها س|نلاحظ ان الشاعر محمد بن الذيب في قصايده تجاوزات دينيه مارأيك في هذا ؟؟ رأي اقول الله يهديه .. وان شاء الله انها عن حسن نيه والله يوفقك يابوفيصل ويوفقك يالغالي ولاهنت على المرور والاسئله تحياتي للجميع |
السلام عليكم ورحمة الله وبركاته
ولاهنت يابومسعود على الاستضافه الرائعه والى الاسئله يابوفيصل:- 1-ماأفضل بيت كتبته وأفضل قصيده من وجهة نظرك؟ 2-بيت شعر لأحد الشعراء تردده دائماً؟ 3-قصيده تمنيت أنك من كتبها؟ 4-لو قيل لك من أفضل الشعراء على الساحه فمن ستختار وبدون دبلوماسيه :) ؟ 5-قصيدتك اللي تقول فيها
احدٍ يذكرونه بطيبه ولو مات= واحدٍ توفى مادرابه قصيره
ماهي مناسبتها وفي من قلتها ؟ 6-زاويتك الاثنينه متى تكتبها وكيف تختار موضوعها؟ وتقبل تحيتي |
أرررررررررحب يابوفيصل
ولاهنت يابومسعووووود على الأختيار الموفق لشاعرنا ومراقبنا على المجالس الأدبية وإن شاء الله تكون مواجهة طيبة ولنا رجعة مع الأسئلة ( أو نشر الغسيل) :) . |
ابو فيصل مساك الله بالخيررر:)
عندي بعض من الاسئله المتفرقه 1- اخر قصيده كتبها ابوو فيل...وياليت تعطينا كم بيت منها 2-هل يوجد مساجلات بينك وبين شعار اخرين 3- لعيون شرم الشيخ وعيون مقنا..قصيده من قصايدك ماهي مناسبتها:) 4-مارئك بالحداثه وشعرها وشعرائها 5-كيف ترى شعار القلطه في المنتدى ومن تحب ان تلعب معه نطلع من الشعر وبابته:) 6- اجمل بلد زرته والعكس 7- شخص تتمنا ان يكون قريب منك دائما ولي رجعه بعد رجعت ابو عميررر :) وبتكوون الاسئله ثقيله نوعا ما |
س1: افضل شاعر محاروة في الجيل القديم والحالي؟
س:2: افضل شاعر نظم في الجيل القديم والحالي ؟ س3: من هم شعراء المتميزين في مجلس المحاورة في مجالس العجمان ؟ س4: هل حقق مراقب المجالس الادبية فهد بن محسن طموحاته في النهوض بالمجالس الادبيه مع اخوانهم المشرفين الى المستوى الذي يطمح اليه ؟ س5: هل يوجد تنسيق مستمر مع الاخوان في المجالس الادبية ؟ س: 6 : ما ذا تعني لك مشاكسة حبيب وتميز بدر العجمي عابر سبيل والشايب سابق:) ؟ |
السلام عليكم ورحمة الله وبركاته وعليكم السلام ورحمة الله وبركاتة ارحب يابو ناصر ولاهنت يابومسعود على الاستضافه الرائعه ومن قال مايهون يالذيب والى الاسئله يابوفيصل:- تفضل طال عمرك 1-ماأفضل بيت كتبته وأفضل قصيده من وجهة نظرك؟ والله يابو ناصر ما اقدر احكم على افضل بيت .. وبالنسبه للقصايد افضلها الوطنيه والاجتماعيه 2-بيت شعر لأحد الشعراء تردده دائماً؟
حصل ماحصل والعبد يصبر على المقسوم = يدور الزمان ويخلف العزم والهمه 3-قصيده تمنيت أنك من كتبها؟ والله يابو ناصر جميع القصائد الزينه اللي لها صدى وتاثير تمنيت انها لي :D لان الانسان يطمح للافضل 4-لو قيل لك من أفضل الشعراء على الساحه فمن ستختار وبدون دبلوماسيه ؟ سبق وان جاوبت على مثل هذا السؤال الله يحييك :D ونت تعرفني صريح و مالدبلوماسيه عندي مجال 5-قصيدتك اللي تقول فيها احدٍ يذكرونه بطيبه ولو مات @@ واحدٍ توفى مادرابه قصيره ماهي مناسبتها وفي من قلتها ؟ مناسبتها يابو ناصر قلتها في رجال شرواك لحية غانمه وراعي مواقف طيبه .. ومن لايشكر الناس لايشكر الله .. وقلتها في منصور العتيبي .. وهو يستاهل اكثر من قصيده ,, وهذي بعض ابياتها
سبحان رب البيت رب السموات = رب خلق عبده على أحسن بصيره تنزه الرحمن بأسماء حسينات = رب خلقنا ماسجدنا لغيره نسجد ونركع تشهد لنا الصلوات= ونزيد في طاعته ذبح البريره ونحج للرحمن والحج وقفات= وندي المناسك كل فرض وشعيره ونصوم للمعبود عن كل مشهات = ونؤمن بيوم القدر شره وخيره الله خلق في الناس عدله وميلات = والله خلق في الناس ناسٍ شريره أحد(ن) بطيبه يذكرونه ولو مات = وأحدن توفى مادرى به قصيره وسلامتك يابو ناصر ,, هذا اللي يحظرني منها 6-زاويتك الاثنينه متى تكتبها وكيف تختار موضوعها؟ الاثنينيه يابو ناصر اكتبها اكثر الاوقات يوم الاثنين الصباح او ليلة الاثنين .. وبالنسبه للموضوع احاول اني اختار الموضوع او الحدث خلال ذلك الاسبوع اللي يشد انتباه الناس او موضوع يخص قضيه معينه .. وتقبل تحيتي مرحبا بك يابو ناصر ,,, وتحيتك مقبوله:) تحياتي للجميع |
أرررررررررحب يابوفيصل
الله يبقييك يابو عمير ومرحبا بك ومسهلا ولاهنت يابومسعووووود على الأختيار الموفق لشاعرنا ومراقبنا على المجالس الأدبية ومن قال مايهون ,, وعسى نكون عند حسن الظن وإن شاء الله تكون مواجهة طيبة انشاء الله ولنا رجعة مع الأسئلة ( أو نشر الغسيل) مرحبا بك وبأسئلتك .. والنشر خله بعدين |
ابو فيصل مساك الله بالخيررر مساك الله بالنور ياحبيب عندي بعض من الاسئله المتفرقه حياك الله يالغالي ,, ولو كانت الاسئله مجتمعه كان افضل 1- اخر قصيده كتبها ابوو فيصل...وياليت تعطينا كم بيت منها والله ياحبيب اخر قصيدها كتبتها اليوم وللحين ما اكتملت ,, ولكن نعطيك مقدمتها عسى تحوز على رضاء الجميع
لو غبت عن عيني ترا القلب وياك = ياساكنن بين الظلوع المحاني ياقلب لاتجزع على صعب ماجاك = إليا قسى خلك .. تصبٌر عشاني وياعين حذراء أشوف دمعك ومبكاك= أخفيه عن منهو يدور مكاني يازين وينك والله إنا فقدناك = أسمع (لماكن) كان قلبك نساني 2-هل يوجد مساجلات بينك وبين شعار اخرين نعم يوجد بعض المساجلات بين وبين بعض الشعراء ومنهم ومنهم محمد بن عبدالرحمن العرجاني وراشد الذويب وحمود بن سعيد وغيرهم مايحظرني اسمه الان 3- لعيون شرم الشيخ وعيون مقنا..قصيده من قصايدك ماهي مناسبتها والله ياحبيب مناسبتها اني كنت جالس على شاطي مقنا وشفت انوار شرم الشيخ:p .. والباقي ماهوب لازم تدري به 4-مارئك بالحداثه وشعرها وشعرائها والله شعر الحداثه اذا كان التحديث في بعض الكلمات المناسبه لوقتنا الحالي فلا باس ,, واذا كان التحديث يخل في اسلوب القصيده فهذا التحديث لايعجبني ,,,, اما شعراء الحداثه فهم شعراء ولا اقول فيهم شي 5-كيف ترى شعار القلطه في المنتدى ومن تحب ان تلعب معه والله اراهم قمه في شعر المحاوره واحب اللعب مع الجميع واولهم انت نطلع من الشعر وبابته لاتبعد بعيد جعلك تحيا 6- اجمل بلد زرته والعكس والله سؤال صعب شوي .. يمكن اللي يجوز لي مايجوز لغيري ياحبيب.. وانا مايهمني البلد ولا سمعته اكثر من الراحه النفسيه في اي بلد 7- شخص تتمنا ان يكون قريب منك دائما والله ياحبيب اللي اتمناه قريب مني اشخاص وليس شخص ,, وسؤالك هذا عائم ,, يكون قريب مني متى وفي اي وقت جعلك تسلم:) ولي رجعه بعد رجعت ابو عميررر حياك الله انت وابو عمير وبتكوون الاسئله ثقيله نوعا ما المهم ترا مانقبل الحموله الزائده إلا بدفع رسوم تحياتي للجميع |
س1: افضل شاعر محاروة في الجيل القديم والحالي؟ ارحب يابو حمد الشامري ,,,,,,, والله صعب الحكم على الشعراء يابو حمد ,, ولكن من افضلهم مطلق الثبيتي الله يرحمه ,, واحمد الناصر ,, وخلف بن هذال ,, والجبرتي رحمة الله عليها اما الجيل الحالي اللي لحقنا عليهم وهم يلعبون قلطه منهم مستور العصيمي وحبيب العازمي وفلاح القرقاح ومحمد بن مشيط وتركي المطيري وسلطان الهاجري ,, وغيرهم والله واجد .. والمعذره من الجميع س:2: افضل شاعر نظم في الجيل القديم والحالي ؟ الله يهديك يابو حمد كل اسئلتك فيها نوع من الحكم وصعب اني احكم على الشعراء .. كلهك فيهم الخير والبركه .. ومحمد السديري قد يكون له باع في الشعر القديم .. وابن سبيل وغيرهم .. والشعراء الحاليين كذالك كثير منهم مبدع ومنهم ضيدان بن قضعان وسلطان الهاجري وابن الذيب وابن علوش وغيرهم والله واجد س3: من هم شعراء المتميزين في مجلس المحاورة في مجالس العجمان ؟ لا ابالغ لو اقول كل الشعراء اللي معنى في هذه المجالس متميزون ولكن البعض تكون له غيبه طويله فقط .. ويغيب عن انظار الاعضاء .. س4: هل حقق مراقب المجالس الادبية فهد بن محسن طموحاته في النهوض بالمجالس الادبيه مع اخوانهم المشرفين الى المستوى الذي يطمح اليه ؟ لا لم احقق كل ما اطمح اليه يابو حمد ... وان شاء الله يتحقق كل مانتمناه في هذه المجالس:embarasse س5: هل يوجد تنسيق مستمر مع الاخوان في المجالس الادبية ؟ نعم هناك تنسيق مع الاخوان ,,, واشكرهم كل الشكر على حسن التجاوب والجهود المبذوله من قبلهم رغم مشاغلهم س: 6 : ما ذا تعني لك مشاكسة حبيب وتميز بدر العجمي عابر سبيل والشايب سابق هي روح وفاكهة مجلس المحاوره ,,, جعلهم يسلمون على كل حال حبيب وبدر العجمي لاهنت يابو حمد ,, وتحياتي لك:) |
ارحب يابومحسن
وكرسي الاعتراف تشرف يومك جيته :) وعاد لي فراغة للاسئلة ورجعة تقبل سلامي |
ارحب يابومحسن
الله يبقييك ياسعود الخويطري وكرسي الاعتراف تشرف يومك جيته الله يطول عمرك ولا هنت على الحظور وعاد لي فراغة للاسئلة ورجعة مرحبا بك ياسعود في اي وقت يالغالي تقبل سلامي مرحبا ومسهلا |
مراحب والله بالاخ القدير / فهد بن محسن
والف شكر لابومسعود على الاختيار الموفق فهد بن محسن شاعر لكن بنظري لا اجد له قصايد كثيره في غير المحاوره في المنتدى ما السبب ؟؟؟ موهبة الشعر نعمة من الله تستحق الشكر فدائما اتصور ان الشاعر مرتاح البال لما رزقه الله من عذوبة في الكلامات ينسقها كيفما يشاء لينفس بها عما يجول في خاطره من حزن او فرح او اي حاله اخرى ؟؟ فما ريك بذالك ؟وهل فهد بن محسن يكتب قصايده في حالات معينه بينما يعجز في غيرها ؟؟ كثير من الشعار الموجودين معنا هنا يكتبون في منتديات خاصة بالشعر ولربما لهم ايضا موقع خاص يشمل جميع قصايدهم هل فهد بن محسن كذالك ؟؟ واين ؟؟ بيت شعر تردده دائما ماهو ؟؟ واخير لك مني كل تقدير دانـــــــــــــــــــــه |
مساااااااااء الخير يابومحسن : ويعطيك العافية على الأجوبة الوافيه والدبلوماسية لكن نبي أكشن في أجوبتك ؟؟؟؟ ما قول أبوفيصل فيما يلي : الصداقة - الصديق الزمالة - الزميل الرفاقة - الرفيق ( ولا هوب رفيق برزان :) ) المحبة القدوة المشورة المجاملة المراعاة المنافقه الصراحة وما ذا تعني لك الأشياء التالية : الغربة = ( تبوك) الديرة = ( حرض) البر = ( الجسرة ) الأبل = ( آل شولاء ) الفرقة = ( هذي بدون تعريف) الأسهم التجارة القلم الوحدة التأمل وقع أبومحسن قد رأيناه في الشعر فأين تجد نفسك في النثر ؟؟؟؟!! ما نوعه الذي تحب ؟؟ وما مواضيعه التي تسهب فيها ؟؟ ومتى ترى أنك قريب للنثر عن الشعر ؟؟ ويعطيك العافية ولنا لقااااااااااااء : هذي رجعتي باقي حبيب!!!!؟؟؟؟ . . |
مراحب والله بالاخ القدير / فهد بن محسن
مرحبا بك اكثر يادانه والف شكر لابومسعود على الاختيار الموفق والشكر لك ايضا على مرورك فهد بن محسن شاعر لكن بنظري لا اجد له قصايد كثيره في غير المحاوره في المنتدى ما السبب ؟؟؟ بالنسبه للقصائد لي قصائد في مجلس الشعر ولكن قليله جدا .. لاني هنا في هذه المجالس مراقب الدواوين الادبيه .. فيجب علي أن لا اتصدر اعداد القصائد المنشوره .. وان اقوم بتوجيه دعوات للشعراء للمشاركه هنا وتشجيعهم .. وانا هنا ليس في مكان منافسه لانني اداري اكثر من اني عضوا . موهبة الشعر نعمة من الله تستحق الشكر فدائما اتصور ان الشاعر مرتاح البال لما رزقه الله من عذوبة في الكلامات ينسقها كيفما يشاء لينفس بها عما يجول في خاطره من حزن او فرح او اي حاله اخرى ؟؟ فما ريك بذالك ؟وهل فهد بن محسن يكتب قصايده في حالات معينه بينما يعجز في غيرها ؟؟ الحمد لله على نعم الله الظاهره والباطنه .......... ولكن الشاعر ليس مرتاح البال فقد يحدث مايكدر صفوه سواء من ناحية الشعر او من غيرها ....... نعم اكتب قصائدي بل اكثرها في حالات معينه ومناسبات معينه ... وقد اعجز عنها في غير ذلك .. لان الشعر هو الشعور بما لايشعر به الغير . كثير من الشعار الموجودين معنا هنا يكتبون في منتديات خاصة بالشعر ولربما لهم ايضا موقع خاص يشمل جميع قصايدهم هل فهد بن محسن كذالك ؟؟ واين ؟؟ الحقيقة يا اختي دانه قبل انشاء مجالس قبيلة العجمان .. كنت عضواء في منتديات النداوي وشبكة أبيات .. وبعد انشاء الجالس لا اجد نفسي الا هنا .. بيت شعر تردده دائما ماهو ؟؟ اذا كان بيت الشعر لي فهو الله خلق في الناس عدله وميلات @@ والله خلق في الناس ناسٍ شريره واخير لك مني كل تقدير دانـــــــــــــــــــــه ولك مني كل الشكر على هذه الاسئله تحياتي للجميع |
مساااااااااء الخير يابومحسن : مساء النور والسرور ويعطيك العافية على الأجوبة الوافيه والدبلوماسية لكن نبي أكشن في أجوبتك ؟؟؟؟ الله يعافيك يالغالي ... ولاكشن ماعرفه ما قول أبوفيصل فيما يلي : الصداقة - الصديق الصداقه هي الوفا ,..... والصديق له علي اني ماذوق لحمه الزمالة - الزميل الزماله الاحترام في السر والعلن ,, ولزميل له مكانه خاصه في حياة فهد بن محسن الرفاقة - الرفيق ولا هوب رفيق برزان الرفيق هو رفيق اما درب ولا جنب ,, ويعطى كل مايريد ولا يخان في الغيب المحبة الحياه بدون الحب ليس لها طعم القدوة على ما اعتقد انه وزير الخارجيه السوري:D المشورة اخذ الرأي الاصلح المجاملة بهارات الحياة المراعاة جبر خواطر المنافقه مرض يصيب من به نقص في نفسه الصراحة موجعه ذي الايام يابو عمير وما ذا تعني لك الأشياء التالية : الغربة = تبوك كفاح وجهاد:) الديرة = حرض المدينه الاشتراكيه البر = الجسرة فسحه ورحله الأبل = آل شولاء
يا الله مامنشي مزون وسحايب = تامر لها تمطر على كل مدهال مدهال ذودٍ مالفتنا جلايب = ولا زاد راعيها على السوم بريال جدي كسبها يوم وقت الكسايب= ثمٍ عزلها بين رجلي وخيال (شولٍ) مجاهيم ولا هي ركايب = أختارها نقوه وسيفه له ضلال الفرقة = ( هذي بدون تعريف) عرف اكثر لو سمحت الأسهم تجاره وفيها ارزاق ناس التجارة التجاره شطاره :D القلم أداة تمتطى للوصول للهدف الوحدة قوه ......والوحده نادي من الانديه السعوديه:p التأمل مراجعه للنفس ,, والنظر في ماحولك وقع أبومحسن قد رأيناه في الشعر فأين تجد نفسك في النثر ؟؟؟؟!! للحين ما وجدت نفسي هناك يابو عمير ما نوعه الذي تحب ؟؟ ؟؟؟؟؟؟ وما مواضيعه التي تسهب فيها ؟؟ اذا كتبت نثر ستعرف ماهي المواضيع التي ساسهب فيها ومتى ترى أنك قريب للنثر عن الشعر ؟؟ للحين والله يابو عمير لاني قريب ولا بعيد .. ويعطيك العافية الله يعافيك ويسلمك ولنا لقااااااااااااء : بإذن الله هذي رجعتي باقي حبيب!!!!؟؟؟؟ تكفي رجعتك يالغالي تحياتي للجميع |
اسعد الله صباحك يا بو فيصل
العذر وانا اخيك على التأخير ولكن مشاغلنا اكثر من اوقاتنا والله يرحم الحال حبيت ادخل في هذا المكان اسلم عليك وراجع انشالله ابو عمير هد اعصابك وشوي شوي على رفيق دربك تراك دبلت كبد ابو فيصل |
اسعد الله صباحك يا بو فيصل وصباحك يابو بدر العذر وانا اخيك على التأخير ولكن مشاغلنا اكثر من اوقاتنا والله يرحم الحال مرحبا بك يابو بدر معذور طال عمرك .. وعارف والله انك مشغول ,,,,,,,,,,, وتمنيت انك كنت موجود:D حبيت ادخل في هذا المكان اسلم عليك وراجع انشالله مرحبا بك وبرجعتك .. ولكن سبق السيف العذل ,,, وانتهى الوقت يابو بدر:) ابو عمير هد اعصابك وشوي شوي على رفيق دربك تراك دبلت كبد ابو فيصل هذا بلا ابوك ياعقاب ,,,, مايغثك يابو بدر وينشب في حلقك ذا الايام الا اللي يعرفك:o |
السلام عليكم ورحمة الله وبركاته .....
أبو فيصل مساك الله بالخير ........ علمت من أحد الشباب إنك ضيف مواجهة الأسبوع ..بس للأسف ما علمت إلا متأخر فأعذرني على التأخير .. عندي كم سؤال ياابو فيصل وإن شاء الله إنها تكون خفيفة عليك : س1/ لماذا ياابو فيصل أنت مقل في طرح قصايدك .. لا يوجد إلا قصيدتين فقط على مااظن . س2/ حفل المنتدى الثاني كان ناجحا بشهادة الجميع ..لكن كان ينقصه الأمسية الشعرية ..لماذا لم يتم إقامة أمسية شعرية ؟ س3/ ماهو رأيك الصريح بالشعراء الموجودين معنا في المنتدى ؟ س4/
حبيبي لو كتبت إسمك وأنا خارج عن الإرسال=مجرد حرفك الأول تجي برجين إضافية
عطنا كم بيت من القصيدة التي تحتوي هذا البيت .. وياليت نشوفها كامله في المنتدى إذا كانت جاهزة ..وسلامتك ياابوفيصل أخيك / محمد العرجاني |
السلام عليكم ورحمة الله وبركاته ..... وعليكم السلام ورحمة الله وبركاتة أبو فيصل مساك الله بالخير ........ علمت من أحد الشباب إنك ضيف مواجهة الأسبوع ..بس للأسف ما علمت إلا متأخر فأعذرني على التأخير .. معذور يالغالي عندي كم سؤال ياابو فيصل وإن شاء الله إنها تكون خفيفة عليك : تفضل طال عمرك س1/ لماذا ياابو فيصل أنت مقل في طرح قصايدك .. لا يوجد إلا قصيدتين فقط على مااظن . والله يامحمد ودي اكتب قصائدي كلها هنا ,,, ولكن انتو موجودين وفيكم الخير والبركة .. وقصايدك جزله وتفي بالغرض ,, وانا مثل ماقلت في اجابه سابقه ,, وجودي هنا ليس كعضوء شاعر .. ولكن اعدكم بالكتابه س2/ حفل المنتدى الثاني كان ناجحا بشهادة الجميع ..لكن كان ينقصه الأمسية الشعرية ..لماذا لم يتم إقامة أمسية شعرية ؟ الحمد لله على نجاح الحفل ,, والحقيقه الامسيه كان مخطط لها وكانت على البال ,, ولكن الوقت لم يسعفنا .. لكثرة فقرات الحفل .. ونعدكم باقامة امسيه خاصه باذن الله للشعراء المنتدى س3/ ماهو رأيك الصريح بالشعراء الموجودين معنا في المنتدى ؟ كلهم فيهم الخير والبركه ,, والله لايهينهم على حظورهم وتواجدهم في المنتدى س4/ حبيبي لو كتبت إسمك وأنا خارج عن الإرسال @@مجرد حرفك الأول تجـي برجيـن إضافيـة عطنا كم بيت من القصيدة التي تحتوي هذا البيت .. وياليت نشوفها كامله في المنتدى إذا كانت جاهزة .. انشاء الله تشوفها في المنتدى .. وهي ماهي طويله يامحمد
حبيبي لو كتبت اسمك وانا خارج عن الإرسال=مجرد حرفك الاول تجي برجين اضافيه تؤثر يالغضي حتى على الابراج والجوال = وأنا قلبي خضر .. وأسمك على الشريان ماريه ترا صدك يجيب الهم .. وأيضا الغم .. والغربال= وأنا كنها بدأت تظهر علي أعراض نفسيه هذي مايحظرني منها حاليا .. وان القاها مسجله عندي وسلامتك ياابوفيصل ومن قال يسلم ولاهنت يامحمد تحياتي لك أخيك / محمد العرجاني |
بومحسن
س1 - ماهي امنياتك التي تود تحقيقها بالاقسام الادبية و المنتدى بشكل عام ؟؟ س2 - ايجابيات وسلبيات الاقسام الادبيه والمنتدى ومع صراحتك المعهوده ؟؟ س3 : خمسة شعراء تتمنى انهم ينضمون الان الى المجالس ؟؟؟ س4 مارايك بشعراء قبيلة يام ( بن مشيط - بن رحمه - الشمالي - عبدالرحمن ابا الجيش - هادي الرزقي.....)) وبكل تفصيل ؟؟؟ س5 - بيض الله وجهك على جهدك الجميل والوافي وتقبل سلامي واشواقي الخويطري |
السلااااااااااام عليكم ..
مساك الله بالخير أخي الكريم فهد محسن ..بصراحه اعجبتني ردودك على الاخوان ولايدل الا على أخلاااااااقك الطيبه اصالتك يابومحسن .. وااافي .. اما بالنسبه الى اسئلتي ارجوا ان تكون خفيفه عليك .. 1ـ هدفك من كتابت القصيده هل هو لشهره ام لماذا ؟ 2ـ هل يستحق فهد محسن ان يطلق عليه لقب شاعر في نظرك؟ ولماذا ؟ 3ـ متى يلقب كاتب القصيده بشاعر من وجهة نظرك ؟ 4ـ فهد محسن انت شاعر في نظر الاخرين وانا لا اعتبرك شاعر بل كاتب قصيده .. هل ستدافع عن لقبك ام تعتبرها وجهات نظر ؟ولماذا ؟ دمت بكل ود .. |
الله يجزاك خير يا ابو مسعود على استضافة فهد بن محسن
وهو مثل ما قالو الاخوان اختيار موفق وانا اظن الاسـأله الي جاتك اتكفي واتزيد :) لاكن اذا لقيت سؤال برجعلك :) |
بومحسن
سم ياسعود الخويطري طال عمرك س1 - ماهي امنياتك التي تود تحقيقها بالاقسام الادبية و المنتدى بشكل عام ؟؟ اتمنى للمنتدى بوجه عام وللمجالس الاستمراريه والتقدم للإفضل والاحسن ,,, وان يصبح المنتدى مضرب مثل بين المنتديات الاخرى س2 - ايجابيات وسلبيات الاقسام الادبيه والمنتدى ومع صراحتك المعهوده ؟؟ والله ياسعود ايجابيات الاقسام الادبيه هي جمعتكم انت وشرواك من الاخوان الشعراء الاخرين الذي اكن لهم كل تقدير واحترام .. وطرح مالديهم من شعر ومن محاورات وغيرها ... وسلبياتها .. قليلة جدا ولله الحمد ... ويحدث سوء فهم بعض الاحيان بين الشعراء .. ويبقون مهما كان وصار اخوان اعزاء جميعا بدون استثناء س3 : خمسة شعراء تتمنى انهم ينضمون الان الى المجالس ؟؟؟ والله ودي باكثر من خمسة شعراء .. ودي شعراء الساحه كلهم معنى في المنتدى .. لكي نفيد ونستفيد منهم س4 مارايك بشعراء قبيلة يام ( بن مشيط - بن رحمه - الشمالي - عبدالرحمن ابا الجيش - هادي الرزقي.....)) وبكل تفصيل ؟؟؟ كيف للطالب ان يقيم اساتذه وعمالقه الشعر على مستوى الخليج العربي ......... كلهم فيهم الخير والبركه .. س5 - بيض الله وجهك على جهدك الجميل والوافي ووجهك ابيض يالسنافي ,, لاهنت على كل حال ياسعود وتقبل سلامي واشواقي مرحبا ومسهلا يالخويطري تحياتي للجميع |
السلااااااااااام عليكم ..
وعليكم السلام ورحمة الله وبركاتة .. حياك الله يالمناجي مساك الله بالخير أخي الكريم فهد محسن ..بصراحه اعجبتني ردودك على الاخوان ولايدل الا على أخلاااااااقك الطيبه اصالتك يابومحسن .. وااافي .. تسلم يالسنافي وهذا من طيبك اما بالنسبه الى اسئلتي ارجوا ان تكون خفيفه عليك .. تفضل والله يعين عليها 1ـ هدفك من كتابت القصيده هل هو لشهره ام لماذا ؟ لا ليس للشهره الهدف الاول ,,,,,, ولكن حاجة في النفس يالمناجي 2ـ هل يستحق فهد محسن ان يطلق عليه لقب شاعر في نظرك؟ ولماذا ؟ والله يابن الحلال صعب اني احكم على نفسي ... ولكن مادامني اكتب الشعر الله العالم اني شاعر 3ـ متى يلقب كاتب القصيده بشاعر من وجهة نظرك ؟ اذا الشخص كتب قصيد وزن وقافيه ... ما احد يستطيع انكار شاعريته .. بغض النظر عن مستوى قصيدته 4ـ فهد محسن انت شاعر في نظر الاخرين وانا لا اعتبرك شاعر بل كاتب قصيده .. هل ستدافع عن لقبك ام تعتبرها وجهات نظر ؟ولماذا ؟ اخوي المناجي .. وجهات النظر تقال في الاختلاف حول موضوع معين والخلاف فيه بسيط .. اما في حالة الاثبات او النفي فهذي لا اعتقد انها وجهة نظر بل .. هي حكم .. ولكن كل شخص يستطيع ان يقول مايشاء .. واترك الحكم لغيري دمت بكل ود .. مرحبا بك يالمناجي تحياتي للجميع |
الله يجزاك خير يا ابو مسعود على استضافة فهد بن محسن
والله يجزاك خير ياشبيب على المرور وهو مثل ما قالو الاخوان اختيار موفق الله يوفقنا وياك لما فيه الخير وانا اظن الاسـأله الي جاتك اتكفي واتزيد مثل ما انت شايف يابو فنيس .. اي والله تكفي ,, والوقت انتهى بس .. احترام للاخوان رديت عليهم .. مع اني مخالف تعليمات الاخ ابو مسعود لاكن اذا لقيت سؤال برجعلك مرحبا بك اذا رجعت ... وتو سط لنا عند ابو مسعود لا يخالفنا تحياتي للجميع |
| الوقت في المنتدى حسب توقيت جرينتش +3 الساعة الآن 07:26 PM . |
مجالس العجمان الرسمي