تبي تكشت متطلبات الكشته من الى
تبي تكشت ( متطلبات الكشته من إلى )
-------------------------------------------------------------------------------- بسم الله الرحمن الرحيم الخيمة ومستلزماتها:- ( أعمده – أطناب- اوتاد – أروقه– ذرا شراع - أشرعه زرقاء بلاستيك – فرشة مع مراكي - حبال – ماطور كهرباء مع الأسلاك واللمبات – فأس – منشار – كريك – مسحاة - مطرقة – ملقاط – ذراية حديد – لي ماء + حنفيه- ترمس ثلج (حافظة) – جراكل ماء+أباريق وضوء + حطب + فحم ـ ماء زياده عن الحاجه ــ صابون ــ ليفه تنظيف السيارة ومستلزماتها :- ( مفتاح احتياط للسيارة - ماطور هواء + عيارهواء – اشتراك – كشاف –واير سحب او حبل قوي- عدة كاملة - محول كهرباء من بطارية السيارة – لمبة على بطاريةالسيارة – صيدلية - خرائط خاصة بالرحلات البرية – قارمن+كنود-– دربيل – سلاح شخصي – كمرة فيديو+محول كهرباءــ جركل بانزين احتياطي – التأكدمن وضع السيارة :- الزيت + الماء + هواء الكفرات + ليات الماء(الخراطيش)+ البطارية+البنزين ) . عدة القهوة والشاي :- ( دله قهوة + ملقمة قهوة + ليفة دله– أباريق شاي أحجام – إبريق تفويح - إبريق حليب – بيزه (جمع بيز) وهو الواقي من الحار – كبريت + مكعبات – مركب – محماس + نجر_ طاسة أوسطل- قز وبرميل غاز ولي ومحول- ترامس شاي وقهوة ـ بيالات وفناجيل ـ كيسان ورق ) . طلبات القهوة والشاي :- ( قهوة – هيل – زعفران – مسمار – تمر – شاي – سكر – نعناع وحبق – زنجبيل – حليب + شابوره ) . عدة الطبخ :- ( قدر كبير + ثلاث قدور صغيرة – ثلاثة صحون – مقلاة - ملاسة - سكاكين – مسن - ملاعق – مفتاح علب – صابون لغسيل الصحون - صابون يد – ليفه مواعين + أسفنجه – صحون بلاستيك + أكواب + سفره – قصدير-اكياس نفايات ) طلبات الطبخ :- ( رز – مكرونة – بهارات – زيت – لحم أو دجاج أو سمك – بصل – طماطم علب – طماطم طازج – ملح – ليمون أسود – فلفل أسود- بهارات مشكله – طحين – عسل - سمن– زبده – ثلج+ ماء بارد – فاكهه – معلبات + خبز ) منقول بس وش رايكم ناقص شي __________________ |
رد: تبي تكشت متطلبات الكشته من الى
نــاقص خوتك ومرافقتك :)
لاهنت على الموضوع التذكيري للأخوه اللي يبون يطلعون هالايام ولا أنا بطلع برا السعوديه وجاهزه اموري كلها :) |
رد: تبي تكشت متطلبات الكشته من الى
عزالله ما قصّرت ..
نسيت حاجة .. ( قرآن ) تحطه في درج الموتر .. و البيلوت ..لا تنساها :) أما عدة القهوة مضبوطه بس لا اوصيك في أنواعها .. الهيل ... عليك بالهيل الهندي الطيب اللي حباته صغار و لونها اخضر قوي و ريحها قوي .. و ترا كيلوه سعره يتراوح من 60 إلى 75 ريال .. و المسمار عليك بالنوع الطيب منه اللي يجيك لونه بين الأسود و البني .. و لا تطحنه حطه في الدلة و هو حب عشان ما يحمض .. جرب الحركة ذي في المسمار و بتعجبك :) أما الزغفران .. عليك بالإيراني اللي تجيك أوراقه ( عراض و مفلطحه ) و لونه أحمر غامق جداً ولافيه بياض.. و القهوة إن كانت هرارية أحمس على كيفك .. أما إن كانت يمينة ( بريّة ) لا تزود حمستها تراها تخرب .. و الشاهي .. اخذ ريد ليبل تلقيمة .. << يا روحي يا الشايب الكييف :) و شكراً على الموضوع .. تقبل مروري .. |
رد: تبي تكشت متطلبات الكشته من الى
:)
عجييييب الله يعطيك العافيه والاخوه اللي زادوا عليك اتمنى لكم التوفيق... |
رد: تبي تكشت متطلبات الكشته من الى
شكرااااا مروركم ويخوي الشتراك مجود مع العدة بس نت منتبهت
|
رد: تبي تكشت متطلبات الكشته من الى
تسلم يا vip-534 على الموضوع الرااائع
|
رد: تبي تكشت متطلبات الكشته من الى
ولا تنسـىاا ( الربـااابه ) وشـااايب .. يسووولف عليكم
وعجيـــــــــزز تضبط .. لك القــــــــــــــررص .. وتسوولف عليك والكــــــــــــوره .. وتقبل مروري ومكشور |
الوقت في المنتدى حسب توقيت جرينتش +3 الساعة الآن 08:32 AM . |
مجالس العجمان الرسمي