صدفه تجمعنا على ابواب مشفا
صدفه تجمعنا على ابواب مشفا=كن الغلا يحتاج يدخل الطب ودرب الجفا من جاه ماظن يشفا=ماكنت اظن بيوم بجيه وطب وقفت توك كني بوسط منفا=مغير ضو الشمس والنسمه تهب ووقفت مثل الي على الجمر يحفا=متى على الله ينفتح باب وتذب والجو متعكر وحاولت تصفا=والي يضد الجو لاشك يكذب هذي العياده ماعتقد عنك تخفا=اسعاف للمرضى مهو اسعاف للحب حب الوفا يالي مع الهم وفا=خلا المشاعر قبل الاقلام تكتب عن مركب" ماله على الشط مرفا=كانت مصابيحك تدله وتجذب يبحر مع الذكرى ولا يوم يغفا=عن لحظة" فيها يناديك وتلب واليوم صرت اليوم تقسا وتجفا=وتقهوي العذال دلتك وتصب خلاص لاترجع ترا البعد كفا=اذا رجوعك موت ياصاحبي غب واذا سلامك يجلب الهم تعفا=لاتصافح بيدييك وعيونك تسب ونبراتك الصلفه ونظرتك صلفا=ماكنها الا السم في داخلي دب لاتزيد في صف المواجيع صفا=توبه عن التعذيب يامعذبي تب يكفي فراقك نار ما يوم تطفا=لاعاد تضرم داخلي النار وتشب وعاد السؤال الي لها اقفا وملفا=مثل الدلو يطلع وينزل على الجب وش جاك صوب الصد ياشيخ تكفا=دام الزمن لاشاب مايرجع يشب ماهو شعر ولا كلام" مقفا=الا شعور محب ومعاتب محب |
الوقت في المنتدى حسب توقيت جرينتش +3 الساعة الآن 02:15 PM . |
مجالس العجمان الرسمي