ياصاحبي لاتحسب انـي ولا شـي=رد اعتباري واحتفظ فـي وصاتـي
واعرف تراني من ورا هقوتك فـي=كرامتـي عنـدي مـن الواجباتـي
تدري وش اكره شي شفته وانا حي=واكره صراحه ماكرهـت بحياتـي
انك تداوي جرحـي بميسـم الكـي=وانك تضحي بـي لخاطـر عداتـي
عزيت نفسي والعرب ظنهـا سـي=لو كان غلطاتـي تسـاو احسناتـي
ياهيييه تكفى لا إنصحك حاسدي عي=تـرى الغـلا لاراح ماعـاد ياتـي

يابري حالـي كل مـا دنّـق الضـوح=واصبح جبيني من عصى الليل مجلود
تشلع معاليق الحشا عبـرة الـروح=ثم آغدي تالـي خلـق شلتـه نـود
لا وا عذابي صرت طايـح ومجـروح=وعاد الزمن ينثر على الجرح بـارود
يابارق الوسمي ترى منت مسمـوح=يوم الجفاف أصلف على راعي الذود
واللي عطيته هواي قبـل مـايروح=قولو لـه إن البيـر مليانـه إحيـود
يا صاحبي واللي حما باخـرة نـوح=إن الشلي يفديـك بعيونـه السـود