شكوتي لله ولك يابو مناوي = لأن راســك يـــطـبـخ كـلـه حـــمــيــه
مايفيدك لبست البشت الحساوي = دام حـظـك من هـــنــيه لا هــنــيـه
ياطويل العمر قلي ويش ناوي = قـالـهـا الأول تــرى النيه مــــطـيـه
لاتوهق ثم تكثر بلعزاوي = شوف حـظـك مــع غنـاديــــــر الــبـريـــه
لوتشوف ألي برى حال الهواوي = كان قـلت الـلـه يـهـنـيـه أبـخـويـه
دنيتي بعدك حبيبي ماتساوي = وصـفـهـا وصف الـهلل بـيـد الـبـنـيـه
أن تغيب صاحبي ماني بقاوي = شـانـت أبعيـنـي ترى نجد الـعـذيه
عينها عين أشقرن صارم نداوي = مـخـتـلط في خــدهـا ورودٍ نــديـه
لقبلت يمي وجرت في الخطاوي = حـالـفـن يـا زولـهـا مـاشفت زيـه
عودها الريان والخصر النحاوي = حـي شوفه يا فهد وا حـي حـــيـه
فخذها مبروم والردف الرهاوي = أذبحـتـنـي دون ذبـــن أوخـطـيـــه
مختلط في ريحها مسكن وجاوي = واهـنــي ألـي يـظــمـه واهـنـيـه
لويشوفه مفتين خلا الفتاوي = راح مــعـهـا لـيـن تـــاتــيـــه المـنـيــه
مرحبا لاسيرت والليل ظاوي = وجلـست في ضيافتي صـبح وعـشيـه
حبها بقصى الحشى والصدر حاوي = يا الله أنك تحفظه من كـل سيه