لعيونكم ((مريسي وافتخر بأصلي))
انا ماهمني الدنيا ولا همي متاعبها=مدام اني بها عايش ودايم مستريح البال مريسي وافتخر باصلي وعارف كيف احسبها=ومن ارض العرب اصلي وباصلي تضرب الامثال انا ماهمني شاعر بحروف قام يكتبها=لني عارف المغزى ولا يعجبني الغربال واذا ودي اخربها اكيد اني بخربها=ولكن مالتفت للي يسوي روحه برجال مدام ابوي رباني بشرقها وغربها=وعارف كيف اتعامل مع الموقف وقيل وقال انا ماخاف اعدائي ولو تكبر شواربها=كثير اذناب تتخفى ورى غتره ولبس اعقال واذا زادت بلاويها اكيد اني بأدبها=واسويهم حطب واوقد فناجين الغلا ودلال ولاتغريني الدنيا ولا حتى مناصبها=ولا اركض ورى الشهره ولا بيها تجي بأذلال ولا بلعب على المراءه واقول اني ابا اخطبها=ولا اتسلى بعواطفها واسويها مثل تمثال وامشيها على كيفي وابعدها واقربها =واعيشها حلم كاذب واسليها بلعب عيال وقدام البشر اكذب واسميها والقبها =اميرة حبي الاعظم وانا بعيونها محتال ابد لا يمكن اتخيل انا في يوم اعذبها=لاني عارف حقوقي وعارف كيف ستر الحال مع الفزعات تلقاني واقدرها واوجبها=واقدر من يقدرني ولو حمله يهز جبال ولا صدق علوم الهرج ولا يمكن اكذبها=لاني لازم اتأكد وارد الفعل بالاعمال علومي طيبه دايم وقلبي من يطيبها=ولا تتغير اخلاقي قصر فيني الزمن او طال مدام الشعر يسكني وقيفانه انا اشربها=ابكتب شعر من قلبي عشان تردده اجيال واصيغ حروف من فكري وازينها بأعذبها=وخلي الكل يسمعها كما نسمع صدى الموال ولوتبعدني الدنيا مسافاتي تقربها=الى من تستقر روحي بدنيا طيبين الفال واكون الشاعر الاول لبنت الشعر واعجبها=والملم باقي انفاس الحروف بغربة الترحال |
الشاعر المريسي
كفو,,, والله كفو من رجالٍ تقول وتفعل والقصيده اجزل من الجزلات كلها السبك محكم والمعنى غزير والابداع كذالك صح السانك عدد وبل السحاب اخوك فهد العتيبي |
الاخ فيصل المريسي
كفووووووووووووو يافيصل وصح لسانك يالغالي ولا هنت على كتابة هذه الرائعه تحياتي لك |
كفو كفو .. قصيدة وافية
تحياتي |
الوقت في المنتدى حسب توقيت جرينتش +3 الساعة الآن 01:02 PM . |
مجالس العجمان الرسمي