أنا مـا هقيـت يسـوى الوقـت مـا سـواه=وخـان الـزمـان وعــادة الـوقـت خـوانـى
ويـا حـي مـن هــذي ديــاره وذا مـربـاه=ذوارى هبـوب النـود مـن فوقـهـا بـانـى
أنـا يـوم شـفـت البـيـت متـهـدم مبـنـاه=تذكـرت زول كـان فـي البـيـت سكـانـى
أنادى عليه وساقـي العيـن جـارى مـاه=وأنـا عـارف إنـى لـو تحريـت مــا جـانـى
ظلمنى الزمان الى جبرنى على فرقـاه=صـواديـف بقـعـا شـرهـا مـــا تـعـدانـى
صدوف الزمان وطول صبر لحقت أقصـاه=حدتنـى علـى مبـدا الطويلـه مسيانـى
أنـا قـد بغيـت اوقـف الرجـل عـن مبـداه=ولـكـن شـفـت الـمـوت مـازيـد خـلانـى
الـى جيـت عـد ٍقـد نــزل مــاه ولا جــاه=تسابق دموعي واظهرت خافي احزانى
أنا كيف أبدله واطمع في خاطرى أنساه=وأنـا كــل مــا مـريـت مدهـالـه ابكـانـى
الا جــات بــه الاخـبـار والا احــدٍ اطـــراه=ما عاد اتسمع صـوت مـن زيـد حاكانـى
أعـيـش بخيـالـه واتـنـادم مـــع ذكـــراه=ويدوى بـي الهوجـاس فـي عالـم ثانـى
يغـيـم سـمـاى الا تواجـهـت انـــا ويـــاه=وحتى الحكي ماعاد ينطق به لساااانى
قضى العمر كله عادنى في رجا لامـاه=وطــال الـرجـا والـيـاس قــام يتحـدانـى
هو الى تتوق النفس لمشاهـده وحكـاه=ولا جـا بقلبـى عـنـه سـجـة ونسيـانـى
.. ( كواليس التصميم ) ..