مرحبا لـ لكل ..، امس سويت [ مربين ] بيني وبينكم كنت مستصعبته بس طلع هين والطعم يمي يم ربيان على حسب حاجتكم مقشر ومنظف عقب ينغسل تبلته بكركم لمدة ربع ساعه ..، عقب غسلته و حطيته بجدر [قدر] وع الجوله لين ينشف ماي الربيان [بدون اضافة ماي] الحين نبلش بالحمسه ..، نحمس بصل وكل ماطولنا بالحمسه كل ما كان الاكل اطيب بس عاد ديرو بالكم موو يحترق ! وبعدين نضيف الثوم والزنجبيل واحمسيهم زين مازين نجي للبهارات .. كل وحده على حسب اضافاتها انا حطيت [كركم - كمون - كزبره ناشفه - بهارات مخلطه - فلفل اسود - بهارات تندوري هذي على حسب الرغبه ] بعدين نضيف طماط مقشر ومقطع مربعات + فلفل الاخضر بارد ونقلب لين يذووب الطماط لي ذاب الطماط نضيف الربيان والملح ونقلب عقب ماقلبت حطيت [بطاط مقطع مكعبات ومقلى + كزبره وشبنت ] ولي خلصنا نسوي العيش وعلى الوجه نحط زعفران منقع بماي ورد وفوقه حمسة الربيان واذا حابين زرشك [رمان مجفف] بعد ما نقعه بماي لين يستوي العيش وثم يقدم .، وبس بالعافيه ..،