السلام عليكم ورحمة الله وبركاته
وعليكم السلام ورحمه الله وبركاته
الأخت ليال الحنين
هلا فيك أخي راعي الصقلاوية
من الشاعر الذين تقرأين قصائده في المنتدى
مافيه شاعر محدد
ماهي افضل قصيدة نزلت في المنتدى من وجهة نظرك
ماشاء الله كثير بس فيه قصيده اعجبتني
للعرجاني محمد
أبدا بذكر إللي فرض على الملأ فـرض الصـلاة=إللي خلق نفسي ويـدري بمـا وراهـا ودونهـا
بسمـه نسمـي ونبتهـل يالله بإيمـان وثـبـات=في لحظة(ن) فيها الملأ تخلـف جميـع ظنونهـا
تعمنى سـود الذنـوب الحاضـرات الماضيـات=وترجف ركوني من الندم لا من ذكـرت مجونهـا
ثورة عقل مدري جهل مدري ! وماقد فات مـات=أمسي أمتطي سود الذنوب واليوم أنـا مرهونهـا
جيتك إلهي لك ضعيف وأيقنـت إن مابـه نجـاة=إلا برحمـة مـن لدنـك علـي تهـل مزونـهـا
أدعيك يارب السماء وبكـل الأسمـاء والصفـات=ترزقنـي بتوبـة قبـل روحـي تغـادر كونهـا
وأنا خطاي وزلتي ماهيب فـي أمـور عايبـات=نفسـي عـن دروب الـردى أحدهـا وأصونهـا
لا نيب قفاي الرفيق وإن ماحصـل منـي غنـاة=فالكلمة العوجـا عليـه مانيـب اجـر ألحونهـا
ولانـي بنقـال الكـلام ولانـي بسمـاع الوشـاة=ونـاس(ن) طبايعهـا كـذا ! الله يكـون بعونهـا
أنـا عنـاي وعلتـي يشدنـي زيـن البـنـات=ونفسي علـى عشـق البنـات يوزهـا ملعونهـا
لا عرضت خطوا الهنوف إللي لها بالحسـن ذات=خطر(ن) على قلـب الخطـا لا تنقلـه بردونهـا
أضيـع لا شفـت البـرد يطوقـه جمـر الشفـاة=وأتوه لا شفت الوصـوف إللـي قليـل(ن) لونهـا
وهذي سواتي قبل أعرف إن الحسن لـه سيـدات=وإن الدلـع حرفـة ويـا قٌـل الـذي يجيدونهـا
والجادل إللي سطرت في خاطري أغلى الأمنيـات=ياليتهـا ليـلـي وأنــا ياليتـنـي مجنونـهـا
من شافهـا ياربعهـا ينقـل لهـا منـي وصـاة=أنا ترى ستر(ن) لها ودرع(ن) لها وياااا عونهـا
بس تلتفت لي جعلني مـااذوق حـزن الناعسـات=إللـي دواهـا مايشافـي مـن غميـق طعونهـا
وتراعي إللي من الجفا ما ذاقـت عيونـه مبـات=ونفسه على عيش الجفـا يـا ذلٌهـا ويـا هونهـا
إلى متى ياالغاليـة وأنـا أرتجـي لـم الشتـات=وإلى متى وسدرة غلاك عنـي تميـل غصونهـا
فهل علمتي بأننـي مـن غيـر ماأشعـر يافتـاة=مهذري(ن) بإسمك وأصيـح : لعيونهـا لعيونهـا
لعيون من ذقت الهوى من كفها عـذب(ن) فـرات=إللـي علـى طـول المـدى مابيحـت مكنونهـا
لعيونها ولـو هـي تبيهـا بالشجاعـة والثبـات=من دونهـا أثنـي ولـو كـل العـرب يبغونهـا
لعيونها ولو هـي تبيهـا بالسخـاء والمكرمـات=أسوق روحـي والثمـن لمعـة بـراق سنونهـا
لعيونهـا ولـو هـي تبيهـا بـالأدب والفلسفـات=يا ويش سقراط الغـلا ومـن أنـت ياأفلاطونهـا
لعيونا ماقـد مضـى وماقـد حضروماكـان آت=لإنها حياتـي كلهـا وهـي شكلهـا ومضمونهـا
لبيه ياللي فـي الحنايـا لـك قصـور مشيـدات=يامفرجـة هـم الحيـاة ومفـرحـة محزونـهـا
لبيه ياوجـة(ن) طفولـي للبـراءة بـه سمـات=سبحان خلاق(ن) جعـل كـل السحـر بجفونهـا
ولبى النحر لا من برق من خلف سود(ن) ضافيات=لا خلت براقه عنـى . روحـي يزيـد جنونهـا
ويالبـى والله ماتعلـق وأخفتـه ضافـي العبـاة=إليا أقبلت وإلا أدبـرت يـاااا عزتـي لمفتونهـا
ليـش الجفـا وليـش البعـد يافاتنـة الفاتـنـات=وأنتـي ملكتـي مهجتـي ميدانـهـا وركونـهـا
أما أحضنيني بالغلا ولمي ضلـوع(ن) عاريـات=وأدري تـرى العشقـة ذبـح ديانهـا مديونـهـا
وإلا بلاش من الغلا وماقـد مضـى عديـه فـات=عجزت من كثر الصبر ونفسي قصرت شطونهـا
فمن شافهـا ياربعهـا يثنـي لهـا مـن الوصـاة=إن طولت في بعدها (فـعـذراً ) تـرى بآخونهـا
لإني أنا وبكل صدق أمووووت في زيـن البنـات=ونفسـي علـى زيـن البنـات يوزهـا ملعونهـا
مارأيك بالشعر بشكل عام هل لازال يحتفظ بمكانته السابقة
الشعر فقد مكانته السابقة
ومشكور