هذي قصيده للشاعر هويج بن عذبه ال فطيح قالها عندما نزحو قبائل العجمان الى نجد والشرقيه
يالله وانا طالبك من قبل الاشفاع=تغفر ذنوبي لي نشدني قعيدي
ليا زينوا لي حفرة طولها باع=واصبحت انا وثل وربعي شديدي
يامل قلب كن فيه الوحا شاع= سرابه الهاجوس فرض بعيدي
قومي صخيف الذود حنت به جراع=ياخوفتي لكان ذودي قديدي
قلب العنا متولع بام مرداع=يازينها ترعى نبات جديدي
يازينها بين الشغايا والارياع=والا تحدر للشفا والوجيدي
حمرا خطول الرجل والراس مطواع=ني الحنيني في ظهرها يزيدي
تفرح لما سمعت من البدو اقرقاع=ومنذى صباح نيهوبا لشديدي
يتلون عرفه بارق تحتهم شاع=ماجاه كون الصيد والا المديدي
ربعي هل السمرا لا غيرهم ضاع=يوم البيارق واختلاف الشديدي
نشري الطويله كنها البرق لي شاع=وناصل بها الحربي ولو هو بعيدي
وحدودنا الفرعين في طرف القاع=حدودنا الفرعين علم وكيدي
ياللي تبي من حدنا شبر او باع=ابشر بضرب مفتقات الحديدي
يا ربعنا اللي بالاحسا واسفل القاع=اهل النخل ومهزعات الجريدي
يا والله اللي ما تمالوا بالفراع=ولا نوو من دارهم بالشديدي