اقتباس: المشاركة الأصلية كتبت بواسطة النـايف السلام عليكم ورحمة الله وبركاتة وعليكم السلام ورحمة الله وبركاته فارس .. أرحب والله أني صادق .. وبك البقا والله اني صادق في البدايه أحب أن أشكر الفرس على أستضافتك .. ويعلم الله أن المجالس وأدارتها وأعضائها لهم تقدير وحب مايعلم به إلا الله .. والحكي مافيه فايده اللي في خاطري يعرفه أبو حمد .. خلني أبدأ في الأسئله أحسن تفضل - ليه ماكملت ماجستير ؟؟ نقول عدم القدره على التكميل ولا عدم تفرغ؟؟ >> يعني بكالوريوس ويالله هههههههه المستقبل واعد ومتفائلون مع المرشحون - أختيارك تخصص جيولوجيا .. وش السبب في ذلك ؟؟ رغبه مني في دراسه هذا العلم نطلع من الموضوع شوي .. يالله اطلع على راحتك - فارس يقولون أن عندكم ناقه مسيومه بــ 900 ألف هو صحيح ؟؟ وأذا صحيح ليش مابعتوها ومن اللي سامها ؟؟ طبعا ماخذ الخبر من وكالة يقولون وأبي أتأكد .. مليون وانت صادق .. ولا لنا نيه في بيعها - وش تعني لك البداوه ؟؟ أو بشكل أوضح الأبل وحبك لها ؟؟ والبكره العيوف ؟؟ البداوة تعني الأصاله - العراقه - تاريخنا الذي نعتز به - ولا تخلو من الفوضويه الأبل لها من الحب مايكفي لأن نضحي بكل غالي ونفيس من اجلها .. ولا تخلو من التعب من اجلها اما العيوف فحبها وغلاها يزول بقلبي - ماذا تعني لك الكلمات التاليه : -الطيب : أساس المرجله الكرم : ساتر كل عيب المقناص : ترويح عن النفس .. وتضييع للوقت الحب : عزاه للمحبين الخيانه : طعن الظهر الصداقه : التواصل ادم : طيب ذا الشيبه مولا : جيد غير ودك ان ما هو يسرع بس خلاص .. أكتفي بهذا القدر من الأسئله .. وأكيد لي عوده .. تحيتي لك النايف مرحبا بك وبعودتك وزادني مرورك تشريف لي