اقتباس: المشاركة الأصلية كتبت بواسطة مسعطر باااااك مرحبا بك <<< مشخّص بعيونه يوم قرا أسئلة المجرمين اللي فوق .. فارس .. عضوو رائع .. محترم .. عليه من الله خفة دمة .. والله يستر عليه من النحل لاياكله و احبه لله فالله .. و تواجده دايم يدخل الفرحة بتعليقاته المرحة و تدل على طيب نيتة ما عليك زود .. وأحبك الله الذي احببتني فيه إن كان ماتتعب ورا دروبها العيس=والا مسح ثرها هبوب السوافـي وإن كان ماترسخ مثل ذكر بلقيس=حرام ألحنها علـى كـل وافـي االله االله صح لسانك يا مبدع صح بدنك يا شيخ مساء الورد يا أحلى فارس مساء النور لأحلى عقيد الأسئلة يا فارس مخربطه كنك جامع حصى و ملوّح به يعني مالها علاقة في بعض لأنت بحطاب ليل .. غير مجمعها بعنايه و انا كنت ناوي اكثر الأسئلة بس حوران اختصر عليّ الشي الكثير لأن بعض أسئلته مطابقه تماماً للي في بالي ما قصر فينا حوران 1- وش لونك مع الأسئلة اربهم برّدوا كبدي فيك ؟؟؟ كنك تشوف 2- بما إنك ( جيولوجي ) هل قد سويت بحوث ميدانه هنا في السعودية .. مثل أنواع الصخور في المنطقة الفلانية .. او غيرها ؟؟؟ اذا .. ايه تحدث عنها بإيجاز ؟ عملت بحثين الأول كان بعنوان الأماكن المتوقع تواجد الماء فيها في خميس مشيط .. واجرينا التطبيق في محافظه خميس مشيط . و الحمد لله كان موفق والثاني كان عن الفرق بين انواع الصخور المتحوله الأقليميه والمتحوله بالتماس 3- واحد بيصكونه بااااند لا محاله (العقيد مسعطر ) ولاّ (مهرة النسيان) من بتختار وتراك في وجه ابو حمد منا يا اثنين يعني ماعليك من أحد ؟؟؟ العقيد مسعطر .. لأسباب خاصه في 4- الأبيت ذا وش بحرها ؟؟؟ سار القلم يا ابو محمد و شبنا=و اليوم ما ردّ الفوايت علينا ياما على شهب النواصي ركبنا=و ياما على عوج العصيّ ألتوينا بظهورنهم ياما و ياما هذبنا=و كم واحد ٍ فارق هله من يدينا و ياما لجزلات العطايا وهبنا=و ياما رفعنا النفس عمّا عطينا 5- و ذي ؟ ترا رديّ العقل تعمى بصيرته=و تيهات الأريا مالهنّ دليل و إن كان ميزانك على الناس مايل=لابدّ ميزانك عليك يميل إلى عاد ما للرجل راي ٍ يدلّه=فياخذ من أشوار الرجال دليل بالنسبه لبحور القصيد ماعندي خبره فيها ورحم الله امرىء عرف قدر نفسه لكن اتوقع ان الأول على وزن الصخري والثاني على وزن الهلالي .. 6- هل انت من متابعين الكورة ..؟؟ و اذاك منهم وش النادي اللي تشجعه ؟؟ نعم ... الهلال 7- تعرف تلعب بيلوت ؟؟ حرَيف .. ولا يفقع كبدي الا اللي يصيد عشرتي 8- انت تشبك و انت مداوم فالمدرسة ولا لا ؟؟ جاوب بصراحة أحيانا 9- عضو تدعي على كمبيوتره يخرب ؟؟ أنت وحوران .. وبيلحقكم ناس 10- معك لوحة رسامين و ريشة و ألوان وش بترسم ؟؟ <<< أطلق لـ خيالك العنان بارسم فيضه ونه .. وفيها الأبل مبركة وسط الفيضه وفي طرف الفيضه من شمال سقس ماء ولوري وبيت مروبع وخيام وشحنة سمر وبزران يلعبون وربع مسيرين 11- وش بتسمي اول ولد يجيك ؟؟؟ مسعطر 12- ( سحمة ) قد جيتها ؟؟؟ متى آخر مرة ؟ ايبالله .. عسى الله يرجع لها ولديار المسلمين .. وكان اخر مره قبل سنتين او ثلاث تقريبا 13- الطايف قد جيتها ؟؟؟ اذا ايه .. وش اكثر ما اعجبك فيها ؟؟؟ نعم .. وعليك بالشفا والهدا 14- إمارة المنطقة الشرقية بشكل عام .. فيها الخير و النفط و الجامعات يعني ما ناقصها شي .. ما لاحظت شي ناااقصها و مفروظ انه مضبوط من زمان ؟؟؟؟ مالك ومال السياسه ... شكلك ناوي علي 15- سؤال تتمنى احد يسألك اياه ولا أحد سألك ؟؟ ما قصروا الشباب و إذا الله راد رجعت لك ,, و لك حرية الإجابة او عدم الإجابة في اي سؤال ,, و أهنيء الأعضاء بتواجدك امامنا هذا الأسبوع و سلامة قلبك وقلبك مرحبا بكم جميع غير لا تجوون الامسيرين بس وأهني نفسي بتواجدي امامكم .. والله يعطيك العافيه
