[نسل الأحرار]

يا مل قلب كـل ما قلت داله=انه يذكرني بشرهات وحقوق
يا قلبي يا قلب الخطى والجهاله=لا تحسب اني بايع الطيب بالسوق
والله وحق اللي عزيزٍ جلاله = لاتعب وراه وكل مطرود ملحوق
ما دام راسي عايشٍ يا دلاله = تفٍ على الدنيا وتفٍ على العوق
كم واحدٍ للطيب يشعى بإجماله = يسوقهن للطيب والمرجلة سوق
وكم واحدٍ يقول مالي وماله = بينه وبين الطيب بابٍ ومغلوق
رجلٍ بلا عزٍ محى الله حلاله = لاصار ما ياخذ مع العز طاروق
هو يحسب انه ينفعه كثر ماله = لا بد ما يصبح عن المال مفروق
المال زينه بالحياة ومناله = لا صار يملك به صخيٍ ومرزوق
إذا اجتمع دين وحكم وعدالة = ويمنى كريمة تعطى الطيب مدفوق
هاذي حلاتٍ للرجال وكماله = طيبٍ يذكر به ولا عيشة العوق
الطيب عزٍ للرجال وشكاله = والا الردى يحتال به راعي البوق
والله ما ترك كل طيب وجماله = إلا أن روحي صاعدة للولي فوق
والرزق عند إلى قويه احباله = الواحد إللى رازقٍ كل مخلوق

الشاعر مطلق العوده