[المـــلك]

المشاركة الأصلية كتبت بواسطة قطنان

مشـكور اخوي عبدالله آل عامر على استضافة اخونا الملك وهو الاعضاء المميزين وفد اثبت وجوده في فترة قصيره

ماعليك زود ياقطنان
والآن نبدأ مع الأسـئلة بسـم الله
الله يستر

س1/ وينك يا الملك من المنتدى ليه ما سجلت معنا من زمان ؟

والله توني جديد على النت مالي الا فتره قصيره وماعرفته الا عن طريقك انت وحوران

س2/ متى الزواج انشالله ومن بتعزم من الاعضاء على عرسك ؟
مدري والله بس لاعرست بعزم كل الاعضاء واولهم انت

س3/ ماهي آخر قصيده كتبتها و وش مناسبتها ؟
الي يقول :

يابرقع الصقر هد اللعب لعيونه=ماتستحي من رموشن هرجها بين
لو تزعم الستر لك نيات ملعونه=بين الشفايف وحروة خده اللين
ياطيب حظك على الفطره يادلعونه=ياستر يامدعي بالستر يادين
يلابسه طحت من دونك ومن دونه=قبل نتواجه هنيا ماني بهين
تكفى ترفق بمنهو ضاعت ظنونه=زينك طبيعي وعادك بعد متزين
اموت في مأحتوى الفستان وبلونه=واروح فدوة غلاك وشين وشين
احب روحش وروحي فيش مجنونه=وفديت كلش ولابه شين معين

وهاذي مناسبتها فالسوق وشفت وحده لابسه برقع الصقر وهو اول مره ادخل فيها السوق واخر مره


س4 / من هو مثلك الأعلى في الحياه ؟

والدي وعمي فهد فديتهم بعد الرسول صلى الله عليه واسلم


وهذي الاسئله تكفي اليوم الباقي بعدين انشالله

اشوى انك اكتفيت

لاهنت ياقطنان واسعدني تواجدك