مرثيه في الشيخ بطيحان بن منيخر رحمه الله
يا قلب رتب طيّب القيل ترتيب=لو كان ما جيته من الحزن جاني
لو جبت تعداد الجبال الشخانيب=واللي علي حد السهل والطماني
مؤّفت خصال اللي بعيد(ن)عن العيب=رحل عن الدنياء عيان(ن)بياني
الموت حق ولا عن الموت تجنيب=لا حان وقته ما تؤخـر ثوانـي
ياخذ شباب ومن غشي لحيته شيب=مكتوب وسط اللوح والعمر فاني
واليوم غيّب منبع الجود والطيـب=شيخ(ن) وله عند القبايل مكانـي
تـأثروا جماعـتـه والأجانـيـب=وذكره يخلد لو يطول الزمانـي
يبقي كما تبقي النجـوم المراقيـب=بقلوب ربعه والخوي والعواني
راس الأماره صادق القول وأديـب=وأن قال له هرجه فصيح اللساني
مكرم جناب الضيف قبل التراحيب=يشهد علي ما قلت قاصي وداني
قضي حياته في سبيـل المعازيـب=حكام نجد أهل الوفاء والحساني
في جيش أبو تركي دخل كنه الذيب=يوم(ن) عدو نجران حلف اليماني
أيـام يرسـل للقبايـل منـاديـب=فوق العمانيه وفوق الحصاني
لبي نداء الداعي بشرع المواجيـب=وأخذ مكانه مع طوال اليماني
وقت المغازي والنشب والتناشيـب=في نصرة الأسلام حد السناني
جاهد يا لين الحق بين من الريـب=والخوف زال وساد عهد الأماني
يالله توسع منزلـه عالـم الغيـب=يمسي ويصبح في فسيح الجناني
يارد قراح النهر حلـو المشاريـب=ويساق له عقب القراح التهاني