بدر تعال هنيا ابيك

[المسعري]

الشايب ولاتهون حضر هنا اسمك موجود

سلام رديه ونادولي بدر يامن لقاه=عندي علوماً ولازم انه يردلي مضمونها
قال المثل مافيه علم يجيك من تحت الحصاه=مير البلاد اللي تغير بابها وشلونها

[حبيب]

المسعري صح السانك

وصح السان بدر مقدما

متابعين

["بدر العجمي"]

ارحب يالمسعرى

يامرحبا واللى تدور له حضر وسمع نداه=والكلمه اللى من لسانك قولها واصونها
يالمسعرى لو شفت بطن الذيب تلقى راس شاه=مابه سلامه يوم جاها من وراها ودونها

["بدر العجمي"]

ارحب يابو سعيد

جانا المسعرى سبقنى وانا بنزل طااااروق

[المسعري]

ارحب تراحيب السيل يابوسعيد شرفتنا بمرورك يالقرم والشايب اليوم لنا معه سجه نفس

لا واهنيك يابدر لاواهنيك بالهناه=تسج رجلك والديار اللي تبون تجونها
منته مثل صاحبك ابوخالد مقيد في قناه=سلط على ليلى العشيقه وش غلط مجنونها

["بدر العجمي"]

يالمسعرى دوس المخاطر دوس يامال الغناه=وبعد مشاحك ونفخ الجمره على غليونها
شرفت فى مشراف واللى شفت نجمٍ فى سماه=ياسهيل شكلك شكلها ياسهيل لونك لونها

[المسعري]

المشاركة الأصلية كتبت بواسطة {بدر العجمى}

يالمسعرى دوس المخاطر دوس يامال الغناه=وبعد مشاحك ونفخ الجمره على غليونها
شرفت فى مشراف واللى شفت نجمٍ فى سماه=ياسهيل شكلك شكلها ياسهيل لونك لونها

اسوقها ياصاحبي وعمي عله في عماه=ان ماتعدينا المعالم ماوقفنا دونها
اتبع طريق اهل المعرفه واتجه في الاتجاه=ياأما كسبت علومها ياأماكسبت فنونها

["بدر العجمي"]

المجد له هامه وقامه وانت ذاك اللى رقاه=وام الكباير تحذف اللى تنطحه بقرونها
الشيخ ابوبشتٍ حساوى خاوه وخاو اخوياه=شوف البشوت الطيبه وشيوخها يهدونها

[المسعري]

المشاركة الأصلية كتبت بواسطة {بدر العجمى}

المجد له هامه وقامه وانت ذاك اللى رقاه=وام الكباير تحذف اللى تنطحه بقرونها
الشيخ ابوبشتٍ حساوى خاوه وخاو اخوياه=شوف البشوت الطيبه وشيوخها يهدونها

الطيبه تاتي من الطيب على قدراً وجاه=وشرواك في المرقاب والعالم تلد عيونها
الشيخ جانا علمه الغانم وعلم اللي معاه=اللي حكم له قلعه واسس جميع ركونها

[المسعري]

استاذي ابوسعد
لقد تشرفت بهذا الطاروق معك طال عمرك والله لايهينك
اخوك احولت عيونه من النعاس
تصبح على خير