صلوا علي النبي
جعل اللي مايغلي البنات ايده الكسر وعينه الرمد وساقه جبير قولوا امين
من يقول ان النسا كـل النسـا متساويـات =التجـارب علمتنـي وفتحتنـي ونورتـنـي
سامحوني وأسمحولي وأعذرونـي ياخـوات =الحكايه صدفه وحده جات جنبـي ونشدتنـي
بصراحه أنشدتنـي قـول رأيـك فالبنـات =لا أكذب لا أجامل فـوق مصحـف حلفتنـي
قلت لحظه واستريحي وعالنبي الف الصلاة =ما ازور فالحقايق وانتـي الـي خابرتنـي
كان قصدش تحرجيني ويا احلـى الكائنـات =شوفي قبلش كم وحده بالشطانه ما غلبتنـي
النسـا محـلا النسـا منقبـات وسافـرات =مره وحده اجرحتني وجات الاخرى عالجتني
البنات ألهـن مزايـا كامـلات وناقصـات =انتي مثلا يالعبيطه رغم جكـرش عاجبتنـي
تعجبيني لا خفيتي شيـن خلقـش بالعبـات =وان تمايلتي شويه قلـت هـذي اذبحتنـي
من غلاكم ودي ارجع صوب عصر الجاريات =من غلاكم ودي املك كل وحـده ناظرتني
من غلاكم قال ناصـر النسـا سكـر نبـات =من حلاكـم قـال خالـد البراقـع اخلفتنـي
قاطعتني وهي تردد كـل حكيـي مجامـلات =بصراحه يـا جماعـه هالهبيلـه ابلشتنـي
ضايقتني بالسوالف لين جبـت الصافيـات =وهي تضحك وتغامز تحسب انهـا قالبتنـي
ما درت اني مدافع عن حقـوق السيـداات =لو تحاول الف مره عن طريقي مـا ثنتنـي
افهمي بعض الحقايق واخذي العلـم الثبـات =البدايه فـي سؤالـش والقضيـه هيضتنـي
كـم عاقـل جنننـه هالبنـات الناعـمـات =وكم خبلن سنعنـه هـذي الـلي اعجبتنـي
لا وطـت بيتـن تعـزه للمراجـل رافعـات =الرجل قام يتباهـا بنـت ابوهـا ساترتنـي
محشمـات مأدبـات مصليـات وصايمـات =هن بنات وهن خوات وامي اللي ارضعتنـي
من غلاهم وصا ربـي بالنسـا المؤمنـات =وانتي جيتي يالهبيله فـي غلاهـم لايمتنـي
منهو يقدر يوفي حقن من حقوق الامهـات =والا زوجه في همومي شاركتني وقاسمتنـي
استـدارت ثـم قالـت والنسـا الضايعـات =هـي تبينـي اتكلـم باللعانـه ضايقتـنـي
كيف اخالف شرع ربي والنسـا محصنـات =لو يزل ألساني كلمه فـي جهنـم أحذفتنـي
اتركي الموضوع احسن يعني كافي مناقشات =ثم راحت وهي تتمتم يمكن انهـا افهمتنـي
12-05-2006, 07:08 PM
العرض العادي
المواضيع المتشابهه
