لو هانت ايامي عليك - للشاعر مسفر الدوسري

[مشتاق لعيونك]

حاب اشاركم اليوم بقصيده من تصميمي من روائع الشاعر المبدع مسفر الدوسري
قصيدة لو هانت ايامي عليك .

لو هانت ايامي عليك
ايامك انت ما راح تهون
ايامك انت ماي العيون
واحلى جنون
ايامك الليل اللي لبسني القمر
الماس خاتم بإصبعي
وايامك الصبح اللي لبسني الضوا
ثوب وزبون
وايامك اللي لحفت اطرافي
في عز الشتاء
وكان وقتها اقرب دفا
مسافة احزان وطعون
انا من قبل ما التقيك
ما كان يحب نبضي ابد قلبي
ولا كانوا يحسون بفرح لو يلتقون
ايامك اللي خلتهم
على طول المدى يتصالحون
انا من قبل ما التقيك ما كان ابد
ينبت على شرفة هناي
عشب الاغاني الساحره
وماكنت اقلب الصبح واشوف
اثر ندى بدفاتره
ايامك هي اللي عطت
هذا الجمال لدنيتي
وخلتها في هذا الفتون
وهي اللي اهدتني مفاتيح المزون
وهي اللي خلتني اشوف
اني عظيم
واني رغم قبحي وسيم
ايامك الغيث الكريم
وايامك القلب اللي كان
في حاجتي دايم عليم
وكل ما طلبته قال ابشر تمون
ايامك العمر الحنون
وشلون تهون ايامك انت
رغم الفراق وشلون تهون

[النـوف]

الله ع الابداع


و مسفر ماهي غريبة عليه



يسلموو

[عبدالله آل عامر]

صح لسان مسفر الدوسري على الأبيات الجزلة وتسلم يمينك على التصميم الرائع
:

[مشتاق لعيونك]

المشاركة الأصلية كتبت بواسطة النـوف

الله ع الابداع


و مسفر ماهي غريبة عليه



يسلموو

مسفر مثل النهر لا ينضب
دائماً مبدع وساحر بكلماته
شاكر مرورك وكلام الجميل

[مشتاق لعيونك]

المشاركة الأصلية كتبت بواسطة عبدالله آل عامر

صح لسان مسفر الدوسري على الأبيات الجزلة وتسلم يمينك على التصميم الرائع
:

والله يسلمك وشاكر مرورك

[ِِِAL 3ajmiah]

خسارة ... ياليتها من دون موسيقى
ومشكورة ع القصيدة ماقصرتي