من صعب وصلك ما تهنيتك احـلام ...!

[جـراح]

السلام عليكم ورحمة الله وبركاته


شاعر مبدع يغرّد خارج السرب لا يختلف على شاعريّته إثنان

احببت ان انقل لكم احدى قصائده القديمه

عقبال ياماخذ فـؤادي ميـة عـام =ضيعتني منك وانـا مـا اهتديتـك
لا ..ما نسيتك كيف بانساك مـا دام =ذكرى الفراق تهزني لـو نسيتـك
حبك قدر وانا على ديـن الاسـلام =مكتوب في وجه الجبين ورضيتـك
لك في الضمير الود والحشمه اتوام=ولي في ضميرك مثل ما انا بغيتـك
ولك منزلٍ في نايف القلـب وخيـام =وذود الغـلا ترعـاه ولا شكيـتـك
يفطر عليك القلب وان فارقك صـام =والله لونك شـوك سـدره كليتـك
القلب طيرٍ لادعـي للهـوى حـام =والا انت وكره من كثـر ماهويتـك
كن العيون من النظر عقبـك ايتـام =وكني ماريت الا انت من يوم ريتك
وكنك معي وانا فقدتك مـن اعـوام =مـع الخيـال القـاك كنـي لقيتـك
من صعب وصلك ما تهنيتك احـلام =وان جابتك فزيت شـوق ومحيتـك
يعني وصالك صعب واهدافي اوهـام=يعنـي زرعتـك للقـدر ماجنيتـك
صبرك يقولون العرب كـل الايـام =يوم عليـك ويـوم لاجـاك جيتـك
ويا قلب ياللي ورثك اجـروح وآلام=بليتنـي ماهـو بانـا اللـي بليتـك
ولعتني من عادني في الهوى خـام =واسرفت بي وانا خطامـك عطيتـك
طعتك وزبدة طاعتـك هـم وهيـام =مالله كتب لي واستخرت وعصيتـك
لوللقلـوب اسـواق بايـع وسـوام =لاابدلـك وان جيتنـي ماشريـتـك
والا انت ياللي جيش عينيك مقـدام=لا اقنعت منـك والرجـا مارجيتـك
كني سجين بين..افـراج ..واعـدام =وكنك سجن وانـا بنفسـي بنيتـك
تنبيك عن حالي محاصيـل الالهـام=وتخبرك نظراتـي نهـار التقيتـك
عقب الوصال اللي على عين من لام =قدهو يكفيني عن الوصـل صيتـك
وقدني الى مريت بالشـارع العـام =لديت من ما في الضميـر ودعيتـك
ادري ان صوتي ماقطع عشرة اقدام=وادري بي اعود الى مـن نصيتـك
ياشينهـا يامحنـيٍ راس الابـهـام =ماقدر على شوفك وانا عنـد بيتـك
الاعمار ما تضمن وانا اخاف الاحكام=ارثيك خـاف اودعـك مـا رثيتـك

محمد بن فطيس

[ِِِAL 3ajmiah]

كني سجين بين..افـراج ..واعـدام
وكنك سجـن وانـا بنفسـي بنيتـك

صح لسانك ولسان الشاعر محمد بن فطيس وتسلم ع القصيدة الرائعه

لاهنتـ ~

[ناثرة الورد]

{{ جــراح }}

/
\
/

مشكور على هالقصيـده الرائـ ع ـه
الله يـ ع ـطيك الـ ع ـافيه
وعساك على القوه
ننتظر جديدك المميز

/
\
/

كل التحـــيهـ

[وافي بن وافي]

وعليكم السلام ورحمة الله وبركاته حياك الله ياجراح لا يختلف اثنان على رقي ذائقتك وشاعريه محمد بن فطيس سلمت يداك .. وصح لسانه تقبلوا تحياتي وتقديري

[][ .. خــجــل .. ][]

من صعب وصلك ما تهنيتك احـلام
وان جابتك فزيت شـوق ومحيتـك

من صعب وصلك ما تهنيتك احـلام
وان جابتك فزيت شـوق ومحيتـك

من صعب وصلك ما تهنيتك احـلام
وان جابتك فزيت شـوق ومحيتـك





البيت هذا بحد ذاته يسوى عندي قصايد واجد
محمد بن فطيس الشاعر .. وجراح الناقل .. يعني ما يحتاج اكثر الكلام ..!
لا هنت على النقل .. ويعطيك العافيه

[البندري القحطاني]

ويا قلب ياللي ورثك اجـروح وآلام
بليتنـي ماهـو بانـا اللـي بليتـك..

ـــــــــــــــــــــــ ..

طعتك وزبدة طاعتـك هـم وهيـام
مالله كتب لي واستخرت وعصيتـك..

ـــــــــــــــــ ..

محمد بن فطيس .. السهل الممتنع ..

لاهنت ذائقة .. عذبة ..

[راعية اطيب قلب]

جراح
الله الله

قصيده جميله واكثر من رائعه

امتعتنا بها
لاهنت على اختيارك المتميز

اسعدك لمولى

[جـراح]

AL 3ajmiah


نورتي الصفحه بطلّتك

[جـراح]

ناثرة الورد


الله يعافيك ويسلمك

مروروك ادخل البهجه في نفسي

[حـــوران]

الاعمار ما تضمن وانا اخاف الاحكام ../
ارثيك ..؟ خـاف اودعـك مـا رثيتـك .!!

عزاااه





الشاعر ابن فطيس والذوق جراح
قصيدة موقفه وانت موقف


تحياتي ياصاحبي