صالح آل كحلة المري السفير ، وابن الذيب المستشار !!

[قلب الشوق]

من روائع أخطبوط الشعر بلا منازع


اتمنى تستمتعون بالابداع


"سفير النوايا الحسنة"

لو اني ارشح من الساحه على رتبة سفـــير=باسم النوايا الحسنـــه .. وازيح ما خلف الستار
واحمل رسالتكم ... وامثلكم واواعدكم بخير=وانفض احجاب الشعـــر .. وارواقه من اكـــوام الغبار
واطهر الســاحه من شويعر ومن أكل شعـــير=الله يكرم سامعي من كلــمة فيها احتقار
واعيد رسم الهيكله .. ويصير وضع الشعر غير=الميمنه في الميمنــه .... والميسره تحذف يســار
والغــي وجود اعلامي ٍ ماهو بيصدق بالضمير=وارتــب الاوراق .. واصدر من معاليي قــرار
واعين ابن الذيب نائب لانه بعيني كبير=واشرط عليه شروط .. واحطه برتبـــة مستشار
واسلمه .. واعمده ملف تقـــرير المصير=لانه سليط اللسان ينفعني بحـــزات المغار
اقدره شخص ٍ وشعــر .. ويعتبر عنصر خطير=يمكن يعدل وضعنا اللي .. مايل ٍ للانهيـــار
ســـلام يا عقول الى جتها الرساله ما تحير=وعمار يا مصــر القديمه يابري حالي عمــار
السيف ابو فعل ٍ يخلى هامد ٍ وسط الجفــير=والسيف ابو لمعه مع الخبلان في كل الديــار
ويا لجنة المليون رأيي حر ما دور خشير=باقولهــا .... باقولها في كلمتين باختصار
كم شاعر شارك .. وفي نفسه يقول انه جرير=وعود وجنحانه بها كسر يعيق من الطيار
وكم شاعر شارك .. يجرب حــذف دلو ٍ وسط بيـــر=وجــــمة معه بير السعد.. بالحظ واحبــاله اقصــار
وكم شاعر شارك .. ما يدري هو(ارغى) والا.. ( هدير)=وصوت له الجمهور فزعه ثم غدا ظمن الكبار
وجهة نظر ياخمسه ... وسيفي الى حول شطير=من واقع اللي شفت .. والا انتــوا لكـــم قدر ووقار
لاول.. اسناف ٍ شاعر ٍ دايم وهو وجه سفير=معكم بجسمه والعقل ينقل.. قرانيس الحـــرار
والثاني . .محنك ولاكن ما يبشر بالبشير=يشذب عراقيب الركايب جهر في وضح النهار
والثالث .. اللي يجهله يقول ذالمسلم خبير=ليته يدرجها بعض الاحيان لا تالد احـــوار
والرابع .. بفكره ٍ يمد ايده لنسنوس البعير=ويضيعه ثم يدمس الكف الرهاوي في الزبــار
والخامس..الله يرحمه يبرى لطراف... النشير=منـــاك ما يدري بفرق منيب من فرق البكــار
قد قلتها وجهة نظـــر .. ترسل على جنحان طير=وترى اختلاف الرأي .. ما يملك مقاييس وعيار
واللي جلس فوق الكنب ... واللي قعد فوق الحصير=اعيال تسعه والقدر احيان ... يظلم لاختيار
اسمع عزيزي المستمع رسالتي عبر الاثير=وجهة نظر لا هي بتحمل لا ضـرر ولا ضـرار
اوعدكم التغيير ... للافضل لو اعين ســــفير=واعمد ... بتعـــميد رسمي من طويلين العمـــار

[د.فالح العمره]

لا هنتي اختي الفاضله على هذه القصيده الرائعه

وصح لسان الشاعر صالح ال كحله المري

قصيده رائعه

[قلب الشوق]

لاخلا ولا عدم ياخوي بوبدر

مرورك هو الأروع


الله لايهينك على التواجد والتواصل الطيب


اختك

شوق الكويت

[(عـ ـديـ ـل الـ ـروحـ ـ)]

لاول.. اسنـاف ٍ شاعـر ٍ دايـم وهـو وجـه سفيـر:
معكـم بجسمـه والعقـل ينقـل.. قرانيـس الـحـرار

والثانـي . .محنـك ولاكـن مـا يبـشـر بالبشـيـر:
يشذب عراقيب الركايـب جهـر فـي وضـح النهـار

والثالـث .. اللـي يجهلـه يقـول ذالمسـلـم خبـيـر:
ليتـه يدرجهـا بعـض الاحيـان لا تـالـد احــوار

والرابـع .. بفكـره ٍ يمـد ايـده لنسـنـوس البعـيـر:
ويضيعـه ثـم يدمـس الكـف الرهـاوي فـي الزبـار

والخامـس..الله يرحمـه يبـرى لطـراف... النشـيـر:
منـاك مـا يـدري بفـرق منيـب مـن فـرق البكـار


ابياااااات رائعه

ونقل اروع اختي شوق

سلمت يدينكـ وصح لسان الشاعر

تحيااتي

عـ ـديـ ـل الـ ـروحـ ـ

[قلب الشوق]

لاهنت يا عديل الروح ياخوي على المرور

اختك

شوق الكويت

[@زايد بن ألغز@]

الله لا يهينش يا شوق الكويت على نقل القصيده الرايعه

وصح لسان الشاعر بن كحله المري

@زايد الغزي@

[سعود الخويطري]

الله الله



قصيدة جزلة ويستاهل ان سفير النوايا الحسنه



وصح لسانك ولسان شاعرها المبدع / صالح ال كحله



وتقبلي سلامي

[محمد الشامري]

قصيده جزله من شاعر جزل

مبطنه بمهاره .. وفيها وصف عجيب

واختلف مع الشاعر على منصب ابن الذيب ..

واعيـن ابـن الذيـب نائـب لانــه بعيـنـي كبـيـر
واشـرط عليـه شـروط .. واحطـه برتبـة مستشـار

يبقى ابن الذيب الملك .. من غير قصور في احد

وعلى ماقال الشاعر تبقى وجهة نظر ..

لاهنتي اختي شوق الكويت وتقبلي تحيتي المعطره