حلويات بالصور

[سمو الرووح]

عندي لكم بعض وصفات الحلويات ..أتمنى أنها تعجبكم..


الأول:





المقادير ...

1/2كاكاو بودره
1/2 اصبع زبده
3 علب جبن فلاديفيا
علبة نستله حجم كبير
3بيضات
2ملعقه ص فانيلا
تخلط هذي المقادير مع بعض ونستخدم القالب كب كيك

مقادير البسكوت هي

2/11ك بسكوت مطحون
6ملاعق كبيره كاكاو بودره
6ملاعق سكر بودره
6 ملاعق زبده

الطريقه ...

تخلط المقادير البسكوت ونضع ملعقه كبيره في القالب
ونرصها جيدا ثم نضع عليه خليط الجبن وندخلها الفرن
وثم الحين مقادير الكاكاو الي فوق ناخذ 2ك كاكا
مبروش ونذوبه ونخلط معه كاس كريمه ولما تبرد نحطه عليه ..

_____________________



الثاني:



المقادير ...

3علب جبن فلاديفيا
3/4 كاس سكر
4بيضات
14كاس قشطه
2 ملعقه صغيره فانيلا
نص اصبع زبده
2كاس كاكاو حبات هيرشي
تخلط الجبن مع السكر ونضيف لها البيض والفانيلاوزبده والقشطه وتخلط جيدا

مقادير البسكوت

كاس ونص بسكوت مطحون
نص كاس سكربودره
ربع كاس كاكا بود ره
نص اصبع زبده

الطريقه ...

تخلط مقادير البسكوت ونضعه في الصينيه الي تنفتح ونضغط عليه
الحين ناخذمن حبات الكاكاو 2ملعقه كبيره ونذوبها
ونقسم خليط الجبن ناخذ كاس ونص ونضع عليه 2ملعقه الكاكاو
المذابه ونخلطهم ونضعها علي جنب ونذوب باقي2كاس من الكاكاو

ونذوبهم ونضعه علي الباقي من خليط الجبن ونخلطهم جيدا
ونضعه فوق البسكوت وبرفق نضع خليط الجبن الي خليناه علي
جنب فوق الخليط الاول بحيث يصير عندنا لونين من الخليط
واحد غامق وهو الي تحت والفاتح الي فوقه وندخله الفرن ونخليه
لما يستو ي ونتركه يبرد في حرارة الغرفه ثم نزينه بالكاكاو نذوب
2كاكاو جلاكسي مع ملعة زبده ونعمله مثل الي في الصوره..

__________________________



الثالث:




المقادير ...

كاس ونص بسكوت مطحون ويفضل داي جستف
2 ملعقه كبيره سكر
5ملاعق زبده كبيره
2علبة جبن فلاديفيا
كاس سكر
ملعقه صغيره فانيلا
3علب سور كريم
3بيضات
كاس وثلث حبات كاكاو هيرشي بطعم الدارسين انا اخذت حبات الكاكاو الهيرشي
وخلط معه ملعقة دارسين صغيره

الطريقه...

نخلط البسكوت مع الزبده وملعقتين السكر ونضغطه في الصينيه ونرفعه علي جوانب الصينيه
وندخله الفرن 8 دقائق
ونخلط الجبن مع السكر والسور كريم والبيض والفانيلا لمدة 5 دقائق ثم نضع نص الخليط
علي البسكوت ونضع عليع كاس من حبات الكاكاو الهيرشي الي بطعم الدارسين

واذا مالقيتها حطي ملعقه صغيره منالدارسين مع ا لكاكاو ونحط عليه باقي الخليط
وندخله الفرن لمدة تقريبا 45 دقيقه وخليه تبرد في حرارة الغرفه لما تذوبين ثلث الكاكاو
الي الباقي مع ملعقة زبده وتزينين فيها الشيز كيك بطعم الدارسين وندخاها الثلاجه
حتي برد وعليكم الف عافيه

______________________



الرابع:




المقادير ...

كاس وثلث ارباع حبات الكاكاو
6ملاعق كبيرهزبده
كاس وربع سكر
ملعقه صغيره فانيلا
2بيض
كاس طحين +2ملعقه طحين
ثلث كاس كاكاو بودره
نص ملعقه صغيره باكنج بودر
رشة ملح

الطريقه ...

نخلط الزبده والسكر ثم نضيف اليهالبيض ونضيف الطحين والكاكاو والباكنج بودر
ونحطها بالصينيه الي تنفتح من الجنب وندخلها الفرن لمدة 25 دقيقه

مقادير خليط الجبن ...

3علب جبن فلاديفيا
3بيضات
ثلاث ارباعسكر
ملعقة فانيلا

الطريقه ...

نخلط هاذي المقاديرمع بعض وتكون الكيكه استوت ونطلعهامن الفرن ونحط عليها حبات الكاكاو
الي بطعم البنت بتر ونحط فوقها خليط الجبن وندخله الفرن مره ثانيه لمدة 45 دقيقه ونبرده
ونزينه بالكاكاو ناخذ ملعقتين من الكاكاو ونذوبه مع ملعقه من الزبده ونزين فيها التشيز كيك..


وبالهناء والعافية

يلا عاد القهوة عليكم .. ههههه

[الموهوب]

حلويات رهيبه يم يم يم

لا هنتي يا سمو الرووح

[سمو الرووح]

مرحبا بك ومسهلا

سامحنا مريتنا وما عندنا الا الحلويااات بدون القهوة هههههه

الموهوووب

شكرا لك ولاهنت


حفظك الله.

[غصون]

اكرمج الله ماقصرتي عسااج ع القوة

حلوياات روعه تسلم يدينج يالغلا

[سمو الرووح]

ياجعل فيه العافية سامحينا على القصور يالغلا

شاكره لج مرورج الكريم ويا هلا بج والله.

[السهم]

ما أدري وش اللي جابني هنا ....

بس صراحه ... صراحه ... صراحه ...

وصفات رائعه ... و صور مغريه جدا جدا ...

بس ناقص نذوقهم ... و لازم كلهم مع بعض ...

يعطيش العافيه على هالوصفات الرائعه ...

[سمو الرووح]

يا مرحبا بك ومسهلا

أخي القدير / الســـــهـم

وحيــاك الله من جـديد

وشكرا لك ولمرورك المميز ولاهنت

وياجعل فيه العافية.