قصيده تهم اللي متولع في البر والمقناص

[ابوراشد]

انقل لكم قصيده الشاعر سعيد بن على المري وانشاء الله تعجبكم

ماضي الى شفتك تذكرت مافات=اسـمك يـذكرني بعـصـر" لنا زل
وحي العصور الماضيه لوليات= يوم ءاننا نرحل مع البر وانحل
واضعوننا تمشي على كل مشهات= ولامن جـفتنا الدار من اهلها انشل
ونضرب تخاتيخ الفجوج الوسيعات= احرار ماعـشـنا عـلى الهون والذل
ونرعى بمجاهيمً لقاحً وخلفات= ونرعى القفور اللي المطر علها عل
وانحل باطراف الفياض العذيات= ونبني بيوت امن الشّعر وانتكامل
والنار شبت والشوامي مراكات= وحطّو لهـم قطعة اشـده عـلى زل
ثم اقبلو اهل الوجيه الفليحات= ربع" لهـم في مـقعـد العز مـنزل
وسوالف" بين النشاما طريفات= بضـرب المثل تبري السقاما من العل
وماني اتكلم دون ربعي وبالذات= انا اتكلم بالبداوه عـن الكل
أيام راحت حيها واحاسافات= فيهـا لناســه والطرب والـتعـلل
واليوم لو حن في البيوت الرفيعات= حياة مايـشـفـق عـلـيهـا وتـنـمل
الكل في بيته ولا فيه نوهات= خـطر" عـليه امن القعاد أيتعـقل
اتقول مسجون" تحمل اجنايات= من دونه ابواب تـصـك وتقفل
هاذا وانا مالي على الناس سلطات= ولالي بعد بمراقب النّاس مدخـل
ذا قول منهو منوته بدع الابيات= مارتاح لين انقض بالابيات وافتـل
اسلي بها قلب" يجر التنهات= لاشفت قلبي للصـبـر ماتحمـل
ولولاي انا اخذ بالتقناص سجات= لامل من باقي العمر واتكنسـل
لاجات حل اعبورها والمسرات= والطـير عـد وروس ريشه تكامل
تم رخصت الصيد بث الاذاعات= واهـل القنص بارض الحباري تجول
انا معي عزام عوق الخريشات=اشـقرحرار مـضيّع" طوله الجل
افجح قصير الساق احجوله عريضات= وريشه على روس الصـوايد تسادل
اخذ لي ايام تقل مر ساعات=تجلي الكبود اللي عـليله من العل
من فوق جمسات" ومن فوق جيات= بخوة اقروم ماحكاهم يخجل
شرواك ياماضي زبون الونيات= يابن الرجال اللي مع القول تفعل
وهاذي طراتي من قبل قولة" مات= والكل فاني كون رب الملا (جل)
ومافات مات ودوك مني التحيات= وللهرج زبد وزبدة الهرج لاقل

[عبدالله آل عامر]

والنار شبـت والشوامـي مراكـات***وحطّو لهم قطعـة اشـده علـى زل
ثم اقبلـو اهـل الوجيـه الفليحـات***ربع" لهم فـي مقعـد العـز منـزل
وسوالف بيـن النشامـا طريفـات***بضرب المثل تبري السقاما من العل



صح لسانك ولسان الشاعر سعيد بن علي المري....

تحياتي لك؛؛؛؛؛؛؛؛

[ابوراشد]

مرحبا ياعبدالله ومشكور على المرور

[بعيد المسرى]

أبو راشد.
لاهنت على النــــقل..وصح لسان شاعرها,,تحياتي,,بعيد المسرى..

[ابوراشد]

حياك الله يا بعيد المسرى وشاكر لك على المشاركه

[محمد الشامري]

الله الله

قصيده رائعه يابوراشد صح الله لسانك ولسان شاعرها

ولاهنت على النقل

[ابوراشد]

حياك الله يامحمد ولاهنت على المشاركه