المفارق شين

[شافي الرقيصي]

السلام عليكم ورحمة الله وبركاته
عندي قصيده
انشالله تعجبكم واللي عنده نقد او تعليق لا يتردد انا اتقبل النقد



مافيه همن بالزمن ما خبرناه
الا المفارق واثره امر واقشر

اثر المفارق شين لا رحم مجناه
كني يتيم الا بعد والله اعبر

عرفت وش يعني المفارق بمعناه
وانا من اول هاقي اني وابقدر

هذا الخفوق يحن من شين اضناه
وكل الجوارح في غيابه تعبر

اذني متسمع غير صوته مع غناه
وعيني قزت من يوم ماعني ادبر

وقلبي طواه الحزن ويا المعناه
وكبدي عليه تفوح فوح وتحسر

وان جيت في دربن انا وهو جيناه
تخنقني العبره معاد اتصبر

شافي ضرب عقبه يساره بيمناه
لمن طراله موقفن ثم تذكر

طول السنين وعمرنا اللي قضيناه
وفي يوم واحد ننتهي شي يقهر


وسلامتكم

[الغروب]

‏الحمدلله اني عجمي

حياك الله

وصح لسانك على القصيدة الطيبة

وننتظر جديدك

دمت بخير .

[العـــسر]

عزالله المفارق شين


صح الله لسانك يالعجمي



ولاهنت على نصك الجميل




تحياتي لك

[عبدالله آل عامر]

صح الله لسانك وعلا شانك يالسنافي
:
حاولت أقتبس بيت أعجبني لقيت أبياتها كلها كفو
:
ننتظر جديدك يالغالي
:

[شافي الرقيصي]

صحة ابدانكم

مشكورين على مروركم

[عليل المحبه]

الله الله


صح السانك يالغالي


ولاهنت على النص الرائع

[من طناخة راس]

مبدع

وجزل

وسنااافي

قصيده في قمة الجزااااله

لا هنت يا الذيب

[ليــه يازمـــن]

صح لسانك على القصيده الرائعه

[شافي الرقيصي]

صحة ابدانك

واللي عنده نقد بلله لا يتردد

[" مــــابه جديــــد "]

عقب ذالدرر كلها وعادك تبغي حد ينتقدك

حتى الي ياتي على باله ينتقد ينقد على عمره

لااهنت وصح لسانك

سجلني متابع