(اختصار) _ والمصافحه الأولى

[حمد الدليهي]

السلام عليكم ورحمة الله وبركاته

ابيات../...أتمنى أن تنال أعجاب من عبر أجواءها

صاحب الموضوع جنبْنّا نقاشه=والمباني من بناها ماهدمّها
والذكي يفهم لها من خِلّف شاشه=والغبي من خِلّفْ شاشه مافهمّها
داخل البستان طيرتْ الفراشه=والفراشه ماقواها من هجمّها
قبل شوف العين للقلب انتعاشه=بانت الرايه ورفرف ليّ علمّها
والمطر هتان يامحلا رشاشه=لاح برق ٍ وسّْمْ ودهوُريْ وُسمّها
ناش قلبي من ورى الاضلاع ناشه=والجسور اللي على القلب أقتحمها
بحر جده مالها في حد طاشه=والخليج اخر محطات ألّقلمّها
والحذر مطلوب مافيني دباشه=ماحلا الفرصه على اللي يغْتنمّها
والنجاشي لودرابي مع نجاشه=لودرابي ساق ذيبه في غنمها
والذكي ماطافته من خلف شاشه=والغبي يقعد وعمّره مافهمها

أختصاااااار

وسلامتكم جميعاً

[أبعاد]

يا مرحبا ومسهلا ولعلها مصافحه اولى ولكنها موفقه وبشكل كبير....*

لاهنتي وبيض الله وجهش...*

بنتظار مصافحات اخرى يا اختـــــــــصار..*

..*أبعاد..*

[سلـ العتيبي ـطان]

ناش قلبي من ورى الاضلاع ناشه
والجسور اللي على القلب أقتحمها

والحذر مطلوب مافينـي دباشـه
ماحلا الفرصه على اللي يغْتنمّهـا


والذكي ماطافته من خلف شاشـه
والغبي يقعـد وعمّـره مافهمهـا

وش اقول روعه ابداع ما تكفي
والا اقول ماني قايل الا لك مستقبل باااااااااااااااهر
مودتي

[حمد الدليهي]

المشاركة الأصلية كتبت بواسطة أبعاد

يا مرحبا ومسهلا ولعلها مصافحه اولى ولكنها موفقه وبشكل كبير....*

لاهنتي وبيض الله وجهش...*

بنتظار مصافحات اخرى يا اختـــــــــصار..*

..*أبعاد..*

ابعاد../...هلا وغلا فيك ..وحضور لانعدمهُ

وبالنسبه (أختصار)مذكر وليس اسم مؤنث كما وضح في ردك


لكِ مني اجمل التحايا
أخوك./.أختصار

[سعود الخويطري]

اختصار



قاف ومصافحه أولى وابداع جميل




وبداية مثل الذهب وصح الله لسانك مدد بليا عدد




ودائما بـ انتظار جديدك ,,,,,,,,

[شافي بن راشد]

صح الله لسانك ولاهنت


جزل ياختصار

[عايض ال مطلق]

أختصار

صح لسانك

ابيات تحمل في طياتها مالم تتضح صورته بعد

احبذ هذا النوع من القصائد ولو لم استوعب بعض مايجول احيانا ولكني على علم بأنها تعني الكثير لشاعرها,,

لاهنت يا اختصار

وننتظر جديدك

تحياتي

[فهد بن محسن]

الاخ الشاعر

اختصار


صح الله لسانك ولا هنت على هذه الرائعه

تحياتي لك

[مـحـمـد ابن مــنــدل]

اختصار



الله واكبـر عليك

داخل البستان طيـرتْ الفراشـه
والفراشه ماقواها مـن هجمّهـا
قبل شوف العين للقلب انتعاشـه
بانت الرايه ورفرف لـيّ علمّهـا
والمطر هتـان يامحـلا رشاشـه
لاح برق ٍ وسّْمْ ودهوُريْ وُسمّهـا

صح لسانك

أبيات في قمة الجماال


أخوكم
,
,
,
شخصيه هامه

[حمد الدليهي]

المشاركة الأصلية كتبت بواسطة سلـ العتيبي ـطان

ناش قلبي من ورى الاضلاع ناشه
والجسور اللي على القلب أقتحمها

والحذر مطلوب مافينـي دباشـه
ماحلا الفرصه على اللي يغْتنمّهـا


والذكي ماطافته من خلف شاشـه
والغبي يقعـد وعمّـره مافهمهـا

وش اقول روعه ابداع ما تكفي
والا اقول ماني قايل الا لك مستقبل باااااااااااااااهر
مودتي

سلطان العتيبي / اشكرك على تواجدك السلطاني
والمستقبل الباهر / تعدت مرحلته

دمت بخير