رولات الدجاج والملفوف

[سمو الرووح]

السلام عليكم ورحمة الله وبركاته



رولات الدجاج والملفوف





أي عجينة أنتي معتمدتها ، حتى لو العشر دقايق ،
أهم شي تكون متماسكة وتنفرد ماتتلزق



عجينتي هنا :




كاسين دقيق أبيض ، ملعقة خميرة ، ملعقة صغيرة باكنغ باودر
رشة ملح ، ملعقة سكر ، فنجال زيت ، ثلاث أرباع الكاس ماء
تعجن وتترك لتتخمر مدة ساعه ( مايبغالها شي ثلث ساعه وهي متخمرة )



نجهز حشوة الدجاج :



دجاج مسلوق ومنتف ، يحمس بشوي زيت وفص ثوم
بهارات ، كركم ، فلفل أسود ، ملح ، وبعد مايتشوح نحط ملفوف مقطع شرايح رفيعه ونقلب



ممكن ينضاف لها بطاطس مبشور أو جزر للي حابه
إذا أستوى نشيله من على النار ونضيف البصل الأخضر



نفرد العجينة مستطيل كبير زي السينابون ، وتدهن بـ ( ملعقة مايونيز ، م كاتشب ، م جبن سايل )


نضع خلطة الدجاج فوقه ، ثم يرش بجبن الموازريلا ، والأوريغانو



تلف أسطوانة وتقطع حلقات بالسكين ، مع مراعاة التقطيع يكون بالشرشرة ،
يعني ماندخل السكين مره وحدة ويخرب علينا الشكل





تصف بصينية بيتزا مبطنة بورق الزبدة ، ولو مافيه ممكن بايركس عشان ماتتلزق



يدهن الوجه ببيضة وحليب وتترك فترة حتى تتخمر وتكبر ، ثم تحمر




وهذا للأوووول رد

[عقيق نادر]

شغل عدل واكله لذيذه لا هنتي

[سمو الرووح]

ولاندمت عقيق نادر شكرا لك ولمرورك الكريم ولاهنت.

[غصون]

تسلم الاياادي ياغلاا

[سمو الرووح]

ومن قال سالم غصــون شكرا للمرور المميز ولاهنتي يالغلا.