هذه المحاوره الشعريه
جرت بيني وبين
الشاعر الرائع الفارس
في منتدى البدو
وحبيت اضافتها هنا في المنتدى الشامخ
منتدى مجالس العجمان
وعسى تحوز على رضاكم
[line]
سلام مني عليكم عد ما هلت دموع السحاب=ردية(ن)صافيه وأعداد ما لاحت به بروقها
اليوم يا نعير بن شلوان من بعد السؤال الجواب=قالوا لي أنك مع بدر الجي معجبك منطوقها
دام البقا يالمسلم عد مايكتب بوسط الكتاب = ردة وفا قلتها واحسب لها من قبل منطوقها
يالشاعر اللي تعرف البدر لامنه كمل فالحساب = يجلي ظلام الدجى يالشاعر الفهمان في سوقها
النعم خيالة السمراء بكم والله خلقكم عذاب=للمعتدي شرًكم يا أبو فهد والسالفه سوقها
نبي أنتسلي معك يا أبو فهد من عقب طول الغياب=صحيح هرجك وميًز في غروب الشمس وأشروقها
الرجل وان كان طيب ساس يلقى له وقار وجناب = وقبيلتك لو تسميها لنا نقوم بحقوقها
رح للملاهي تسلا يمكن اتحصل طعام وشراب = الاوله ذوقها علقم ولخرى جاتك وذوقها
حنا كما السيف الأملح ياعميلي فوق عوج الرقاب=يا كم رقاب(ن) على شبه الجزيرة سيفنا فوقها
هرج(ن) هرجته معي يابو فهد بين الخطاء والصواب=والقافيه خلها طعم العسل لو مال طاروقها
والنعم بك يبن عمي لاكلح ياصاحبي كل ناب = توي عرفتك ومن بيني وبينك طابت اوفوقها
هرج سمعته يجي دايم من الشعار فيه انقلاب= اللي مضت مشها واللي بقت مانطلق اسبوقها
وقت(ن) تنكر علي الأجواد وأطيًب راس ماكل تراب=واللي بني فلته من دون ساس أيطيح طابوقها
قال المثل للمعرفه يا عريب الجد تسعين باب=عسي الهواجيس تبقي ما تعدا باب صندوقها
ان كان حظك مع الايام مايمشي وجاك اكتئاب= النخله الباسقه من دونها من يحمي عذوقها
قال المثل كل غلطه ماتجيب العيد ( عادي شباب)= وان كان به غلطةٍ مرت فردد شربت امروقها
غديت يا نعير مثل الضامي اللي راح يطرد سراب=والشجرة الحنظليله يا السنافي تشرب أعروقها
يا شين ظلم المهلهل والهلالي وأبن غانم ذياب=علي العرب حطو أيديهم علي ما قيل بحلوقها
ياصاحبي خل عنك الكلمه اللي كنها سم داب= واحرص على الشجره الخضرا عسى ماينفتح طوقها
لو كل من قال انا عنتر ولد شداد يلقي خطاب= ماكان شفنا كثير الناس بانت جملة فلوقها
علمني الشايب المرحوم الأول ويش ودا وجاب= همل عواله علي بيت الشعر مع طارفة نوقها
بنت الشرف مهرها حد السيوف الداميه والحراب=تشكي وتبكي وتنخا كل طيًب بطش معشوقها
شرحك سرى ليت حنا يم نجم الجدي سقنا الركاب= للديره اللي تعم البدو لا حلو بزملوقها
عليا عشقها اللهلالي مايمالي فالخطر مايهاب= ثم استوت للهلالي واعتزى ثم تل معلوقها
أنا أدري أنك دليله لو طلع فالجو غيم وضباب=وأعهودنا الأوله حلفت يا رجال ما بوقها
أصبر ولو الصبر ما فادني والبال ما بعد طاب =والكبد مما حصل لي يالبناخي زاد حاروقها