( الذيب لآمنه عوى جاوبه ذيب ) رديه بين > هادي بن الصدي الهادي & حسن بن خرصان الهتلآني

[هادي بن فهاد]

:


السلام عليكم ورحمة الله وبركاته


أعضاء و زوار موقع مجالس قبيلة العجمان الرسمي

أسعد الله أوقاتكم بكل خير



:

" هذي الابيات قلتها في اخي وصديقي "

الاخ العزيز " حسن بن عبدالرحمن آلــ خرصان "


"

سلام مني للرجال الوفيه = بعداد ماينبت على روسنا الشيب
سلام مني ياحسن والتحيه = من راس هادي ساقها بالتراحيب
من طيب راسك قلت حق(ن) عليه = اني لقول الشعر في راعي الطيب
تدري ليا جاني ولد من سميه= حسن ليا شانت وجيه الاصاحيب
اسمه على الي ماتجيه الرديه= حيث ان ساسك ماتمره عذاريب
اهل الكرم وأهل الوفا والحميه = هاذي حقيقه والليالي تجاريب
تعجز حروف الوصف والابجديه =تعجز دواوين الشعر والمكاتيب
ماتوفي الهتلان حتى شويه = ولاتوفي الخرصان ومخاوي الذيب
وكلن على ماقيل يمدح خويه =خيالة البل يوم قل المشاريب
ابيات من هادي وجاتك هديه = عطرتها بالعود الازرق مع الطيب

:

اخوكم " هادي بن فهاد "




:

واليكم رد


الأخ العزيز / حسن بن عبدالرحمن آل خرصان

بهذي الابيات الجزله من شاعر يجيد الجزاله

وصح الله السانه على القصيدة الوافيه

قريت قيفان (ن) لها جاذبيه=والذيب لا منه عوى جاوبه ذيب
يامرحبا ترحيبة (ن) حاتميه = يا ابن الصدي واثني عليك التراحيب
يالله يا كاشف خفا كل نيه= يا رازق(ن) كل الملا دون تحسيب
يالله ماغيرك له المقدريه=ترزق خويي ويتبارك له الصيب
يستاهل ابن حفيظ زبن الونيه=ريف الرجال ومنزله فالمراقيب
راع اليمين الطاهره والسخيه=سمح الجناب وكاسب المدح والطيب
بانت به سلوم العرب الأوليه=نسل الرجال اللي تعرف المواجيب
اهل العزوم الطايله والقويه= وأهل القنا والمرهفات المخاضيب
هم محزمي والدرع في كل هيه=اهل الجموع اللي اعداهم معاطيب
من روس ربع(ن) ماتهاب المنيه=مركاضهم يشبع به الطير والذيب
كم شيخ قوم(ن) يحتمي في خويه=لا شافهم بسيوف هند(ن) محاديب
هذا مردي واسمكم زاد ضيه=تستاهلونه دون شك(ن) ولا ريب
وصلاة ربي ختمها في نبيه=بعداد ما تشرق بها الشمس وتغيب

"حسن بن عبدالرحمن "


:

اشكرك
يـــــ اشكرك اشكرك ــــــــــا


"حسن بن عبدالرحمن "

صح الله السانك وعتلى شانك

والحقيقه اسعدني وطيب خاطري بهذي القصيدة الوافي

جعل والديك الجنه بارك الله فيك على هذي القصيدة الله يرفع مقدارك يالسنافي

أطال الله في عمرك

... اتمنى ان تنال اعجابكم .
:


:
:

[عليل المحبه]

الله الله

صح الله السانك يابو فهاد
والسان حسن بن عبد الرحمن

ولاهنت جعل عمرك طويل

[هادي بن فهاد]

المشاركة الأصلية كتبت بواسطة عليل المحبه

الله الله

صح الله السانك يابو فهاد
والسان حسن بن عبد الرحمن

ولاهنت جعل عمرك طويل

صح الله ابدنك

ولاهنت اخوي ( عليل المحبه ) وشاكر لك مرورك المتواصل


تقبل تحياتي

[فيصل المشلش]

الله الله

جزلين ووافين

وامتعتونا في ذالرديه الجزله

صح لسانك يا إبن الصدي وصح لسانك يا إبن خرصان

وبيض الله وجيهكم وعز الله كل منكم يستاهل المدح

[هادي بن فهاد]

المشاركة الأصلية كتبت بواسطة فيصل المشلش

الله الله

جزلين ووافين

وامتعتونا في ذالرديه الجزله

صح لسانك يا إبن الصدي وصح لسانك يا إبن خرصان

وبيض الله وجيهكم وعز الله كل منكم يستاهل المدح

صح الله ابدنك

ولاهنت اخوي ( فيصل المشلش ) وتشرفنا بحضورك
وشاكر لك مرورك المتواصل


تقبل تحياتي

[ابومحمد الشامري]

صح لسانك يا ابو فهاد على القصيدة الرائعة وصح لسان الاخ الغالي ابو عبد الرحمن على الردية الجزلة

اتحفتونا بالرديات كما هي العادة في المحاورات فلكم منا كل الشكر والتقدير.

[هادي بن فهاد]

المشاركة الأصلية كتبت بواسطة ابومحمد الشامري

صح لسانك يا ابو فهاد على القصيدة الرائعة وصح لسان الاخ الغالي ابو عبد الرحمن على الردية الجزلة

اتحفتونا بالرديات كما هي العادة في المحاورات فلكم منا كل الشكر والتقدير.

صح الله ابدنك

ولاهنت اخوي (ابو محمد الشامري) اسعدني تواجدك
طال عمرك
وشاكر لك مرورك المتواصل


تقبل تحياتي

[ثامر الشميعان]

صح لسانك ياهادي بن فهاد
وصح لسانك يابن خرصان واعتلى شانك
والله لا يهينكم على الجزلات
كفوو

[هادي بن فهاد]

المشاركة الأصلية كتبت بواسطة ثامر الشميعان

صح لسانك ياهادي بن فهاد
وصح لسانك يابن خرصان واعتلى شانك
والله لا يهينكم على الجزلات
كفوو

صح الله ابدنك

ولاهنت اخوي (ثامرالشميعان) اسعدني تواجدك
طال عمرك
وشاكر لك مرورك المتواصل


تقبل تحياتي

[مترك العمره]

الله الله

صح الله السانك والسان ابو عبدالرحمن .. وكفو وانتوا تستاهلون واطولون ولاهي غريبه عليكم .. ابيات جزله واتحفت الجميع بابياتها الرائعه

سلامي للجميع