السلام عليكم ورحمة الله وبركاته
اشكر جميع الكوادر الأِداريه على الجهد الواضح من أجل نجاح هذا الصرح الشامخ بابناء عمومته .. ومن أفضل إلى أفضل أن شاءالله
والتوفيق والنجاح للجميع
حنّتْ على وصلي بعد ماانتهـى عـام=والشرق الاوسـط عـام كلـه تغيّـر
حرب(ن) على لبنان واعـدام صـدام=وايران وضعه وضـع عـاده محيّـر
وانا بطل فيلم(ن) ماهو مثـل الافـلام=خيّْـرْ واصـادم لـي ملاعيّـنْ خيّـر
من طارف الرقه1 إلى شرق الاوجام2=عطيتهـم عرقـوب والـدرب نـيّـر
ضدي تهوش اقلام واشاعـة اعـلام=وشفـت الّمْسَيّـرْ مايدانـي مُخْـيّـرْ
وانا حزامي .. في مواجيبه .. احزام=مانـي مـع غيّـري لغيّـرهَ مجيّـرْ
افعال ماهـي هجعـة الليـل واحـلام=صيرت صعب(ن) مستحيـل إيتصيّـر
وحيفا .. وتل ابيب .. في شور حاخام=واللي غنْـيّ ماهـو سـوات الفقيّـر
وذاك البويت اللي ورى بيـت غشـام=مداخله .. مامـر .. معهـا المسيّـر
راعيه مسلم مانهـج نهـج الاسـلام=يقيـس فالـه لاغضـب بالتطـيّـر
بعطيّـه همسـه والمواعيـد قــدام=عن قصة الضلـع الأخيـر القصيّـر
والراعي اللي ماسك(ن) قيد وخطـام=مـات الحـوار وناقتـه ماتضـيّـر
قدام عيّنه حـام طيـر السعـد حـام=يـوم خطفـو قـدام وجهـه نويّـر
مايـدري إن الـوقـت دوار الايــام=دارت عليـه وصـار فيهـا يعـيّـر
حزر .. وفزر .. ماهي حروف وارقام=ذيب(ن) هجم واقفـى شبيـه المذيّـر
واللي يبي وصْليّ بعد ما انتهى عـام=(الشرق الاوسط ) و (الدليهي) تغيّـر
الرقه1/مدينة في دولة الكويت
الأوجام2/مدينة في السعوديه
حمدالدليهي