أبمسح رقم جوّاله ., ولكنّ الغلا خلاّه@وقلبي حافظه ., لاجيت : أبمسح رقم جوّاله .!

[فهيد بن عصيدان]

صباح الخير .,

بويتات من الجديد , أربّها تجوز لكم

,

فمان الله ., لوماودّي أرسلّه ., فمان الله=تراجف روس أصابع كفّي إن جيت أرسل إرساله
قبل لاأفارقه .؟ بسمع سواليفه , وزين إحكاه=بعدْها لويبي يغتال زول الحبّ .؟ يغتاله
أنا غلطان في حقه ., وجيت أحبّ خشم إرضاه .!=وصدمني بالرّساله والكلام اللّي بها قاله
تغيّر عقبْ ماكان إمتواضع والغرور أطغاه=ياسبحان الله اللّي عقب حبّي ., غيّر أحواله
تغيّر عقب خمس أيام قاطعته .، علي وش جاه .؟=انا جيت أعتذر , وأبيع صدّه , وأشري إوصاله .!
أبنسا ., بس قولو كيف لامنّي بغيت أنساه .؟=ودمّ القلب ينزف ., والدّموع الزُرق همّاله .!
تمرّ أيام ., وإيجيبه غلاه اللّي قبلْ ودّاه=ويعرف إنّي خِلقت إنسان .؟ لجل أموت وأحياله
أبمسح رقم جوّاله ., ولكنّ الغلا خلاه=وقلبي حافظه ., لاجيت : أبمسح رقم جوّاله .!