لا تحتاج لـ [ مقدمات ] ،،
فـ / هي جاءت لتقدّم نفسها .. !
يا دموع عينٍ سترها الليل بـ / جناحه = طفّي سعير الفراق اللي كلا روحي
لولا الحزن ما شعر الانسان بـ / افراحه = ولولا المعاناة ما هز الشعر بوحي
تعبت من حبّها لو التعب راحه ! = اللي دوا جرحها هو سبّة جروحي :(
مادامها تعيش من غيري ومرتاحه ؟ = بـ / اعيش من غيرها مع جرحي بروحي
أكابر بـ / صمت والطعنات ذبّاحه= ضايع وأنا أدل لو ما أعرف مصلوحي
خلف الكواليس شاعر يكره الساحه = كم نجم ساري بـ / قنديله على ضوحي
ليل المشاريه طفّا نور مصباحه = يا حظ صبحك أمل يسمع ولا يوحي !
لـ / شاعر الكواليس :
[ محمّد بن صويان ]