السلام عليكم ورحمة الله وبركاته
اسعد الله اوقاتكم بكل خير
هذه قصيدة مهداه للشيخ / صالح بن محمد بن هويل آل شامر
يا عجمان هِيدو و السوالف لها رنه =توحو لشاعركم و نجواه و إعلومه
جزا الله بالخيرات وجه الزمن لنه = أيبين لي(الحر القطامي) من البومه
بيومن بركت بجاير الحمل لي حنه = هشاشة أعظامي ترخي الحيل و أعزومه
و بارو بي الشيخان ما جو على الظنه = وأنا كنت ذاخرهم لذا الليل و إقدومه
تغشا الظلام أوجيههم لن بهم هنه = سرى كل منهم يسحب الذل بأختومه
طواويس لون بدون طعمن و لا بنه = تمشياخهم كلن كسا بشته هدومه
هَبوْ و أعقبو و العلم بأبديه ما أكنه =من الطايله و إلا فلاهيب ملزومه
بما إن عُكاشه فاز بالخلد و الجنه =خذا الفوز يا عجمان من هذي أسلومه
خذا الفوز يا عجمان من لا بدا كنه =زعيمن تبجح بالمروات في قومه
كفا الشامري جمع المرازيق من سنه =بيومن به أهل المال عميا و منجومه
تقلط وقال : أضحك و لا تبدي الونه = ما دامي على الدنيا و الأرزاق مقسومه
براس أمعيوف اللي بنا المجد من فنه = لاعوضك يا أبن شلحاط و القومه القومه
و أنا أقول: كفو و نعم لو كان ما أكفنه =لحيث المدايح دم صالح و مطعومه
مواري محمد فيه حتى ولو إنه =خذا من خواله قوة الباس و الهومه
توررث أهويمل فالمقام و ورد عنه = بجمع الأشاوس و المواقيف محسومه
أيا أبو فهد يا راعي الفضل و المنه =ترى سمعتك عند المناعير مخدومه
ومن تاق يمك كنه مني وأنا منه =مزارن أركونه بالمداغيش مزحومه
تطاما القصيد وجاك و لا أقدر أعنه =و من دار لك شعره بالأمداح ما ألومه
مانع ابن شلحاط