ذيب عوى وانا على صوته اجيب = ومن ونتي جضت ضواري سباعه
عز الله اني جاهل ما اعلم الغيب = والغيب يعلم به حفيظ الوداعه
يالله يا رزاق عِكف المخاليب = يا محصي خلقه ببحره وقاعه
تفرج لمن صابه جروح معاطيب = وقلبه من اللوعات غادٍ ولاعه
ان ضاق صدري لذت فوق المصاليب = ما نيب من يشمت فعايل ذراعه
صار السبب مني على منقع الطيب = ونجمي طمن بالقاع عقب ارتفاعه
ياطول ما هجيتهن مع لواهيب = ولانيب ا داري كسرها من ضلاعه
وياطول ما نوختها تصرخ النيب = وزن البيوت اللي كبارٍ رباعه
واضوي عليهم كنهم لي معازيب = أليا رمى زين الوسايد قِناعه
أضوي عليهم واتخطى الاطانيب = واخذ مهاوية الجمل باندفاعه
اباانذر اللي من ربوعي يبا الطيب = لا ياخذ الا من بيوت الشجاعه
يجي ولدها مذرب كنه الذيب = عز لِبُوه وكل ما قال طاعه
وبنت الردى ياتي ولدها كما الهيب = غبنٍ لِبُوه وفاشله بالجماعه
يا كبر زوله عند بيت المعازيب = متحريِ متى يقدم متاعه
الشاعر الفارس
(شالح بن هدلان )