لاوالله الاّ بموت جدّه فقدنا لـ حمد بن قريان
السلام عليكم ورحمة الله وبركاته
الله يمسيكم بالخير والسعادة
واسعد الله اوقاتكم يااعضاء مجالس قبيلة العجمان - الرسمي
وهذي قصيدة للشاعر الكبير / حمد بن قريان ال خويطر
في حفلة بدر بن محمد الدمام - بالشرقية
يا مرحبا بحضور حفلة ولدنا = بدر آل خويطر و ارحبوا يا المطاليق
بتشريفكم للحفل يكمل سعدنا = ما جات بالصرفة ولاهي توافيق
بمجهود ابو محمد سندكم سندنا = الله يحفظه من عيون المخاليق
مع صغر سنّه واحدن من عردنا = منّا و فينا له قوي المعاليق
نتكل عليه أمورنا لا أبتعدنا = فيه السداد و فيه صرف المواثيق
لامن صعد للطيب كنّا صعدنا = حرّن على العليا يتلّ المسابيق
سميّ من له بالمراجل شهدنا = سميّ ٍعلى جده زبون المشافيق
لا والله الاّ بموت جدّه فقدنا = " دمّامي ٍ " يزِهم و ينِخا من الضيق
متسلسل ٍ من راس مانعً و شهدنا = بأفعال جدّانه بروس الشواهيق
و اللي جهل مصرارنا لا نشدنا = يامية ٍ ترثة هاشم و مرازيق
في ذا البلد من طيب اهلها صعدنا = شيبانا للرزق جوها تلاحيق
ولا فوادينا و شيخة عمدنا = يا اللي تبي للعلم صورة و توثيق
واد ٍ يلم الكلّ لاحد ٍ ضهدنا = ماجا بحب خشوم ولاّ لصاميق
بأمارته جدنا و فزنا و سدنا = من البرق و أجنب دون وقفه و تعويق
لي غرب جوده جعل منه حسدنا = يبطي وهو في ضيقته ناشف الريق
و يالله لك المنه شكرنا حمدنا = فضلك وجودك و ارحبوا يالمطاليق
التعديل الأخير تم بواسطة : مسعطر بتاريخ 07-04-2009 الساعة 06:46 PM.
السبب: تنسيق القصيدة ,,
|