هذي قصيدة للشاعر الكبير عبدالله بن عون
يامل قلـب يسـج وفيـه دولاجـه
من هاجس بالضماير قـام يدرجهـا
في معزل عن جميع الخلق وازعاجه
ما اسمع من الناس لو تكثر لجالجها
ماغير اهوجس تقل امضيع حاجـه
آخذ وسند على روحـي وهرجهـا
وادوج لو كان ما رجلـي بدواجـه
ادلّـه النفـس ليـن الله يفرجـهـا
يالله يالي بيـدك الضيـق وفراجـه
ياخالق الخلـق ياقاضـي حوايجهـا
تفرج لعين الذي أغفـت بسوهاجـه
تجهز عليها الطواري لين تزعجهـا
بالصدر ضيق ونوم العين هملاجـه
عيني من العام والسهـر متولجهـا
نوب سهرها شديـد ونـب نهاجـه
ومر تكن الدمـوع ومـر تزعجهـا
عليك ياللـي بقلبـي كـن وهاجـه
وهاج نار هوى الغربـي يسارجهـا
أبو ثمـان تشـادي اللولـو لعاجـه
كن البرد يوم يضحك في مفالجهـا
ياروح روحي وجرح القلب وعلاجه
الطف بحال عليـك الهـم ساهجهـا
قلبي يناجيك بسلوب الهوى… ناجه
يشكي لك الحال داخلها وخارجهـا
اما التفت لي وتم الوصل بمواجـه
ولا بالا عشره .. هذي .. نتايجهـا
لا تـنـسـوا الـردود ولـكـم خـالـص تـحـيـاتـي ,,,,