المعلقه الثامنه

[الــمــولــع]

السلام عليكم ورحمه الله وبركاته

انا اليوم بقولكم قصيده توني كاتبها
بس قبلها ابي اعلمكم شلون كتبتها
بصراحه انا شفت الناس كل واحد صاير شاعر
قلت لازم اني اسوي مثلهم واشعر مثلهم
المهم سهرت يوم رقدوا العالم واروح واسرق ددسنا الخمسه وثمانين كلكم تعرفونها طبعا
المهم فضيتها يوم ابعدت من البيت شغلتها (على فكره ماتشتغل الابملعقه)
واخذ معي زمزمية شاهي وامر البقاله واشتري زقاير
وروح للبر مثل الشعار (يقولون انهم مايقصدون الافي البر)
المهم رحت وفرشت المده وقعدت افكر
وانا في قمه انسجامي
فجأه سمعت صوت وراي
والتفت شوي شوي
ماخذيت الا نباح الكلاب (الله يعزكم)
وانا اللي انط واعثر في زمزميه الشاهي الاني كاسرها
وافركلها وازبن الددسن
واقعد احاول ابي اشغلها اثرني سجيت من الملعقه على المده طايحه

وقلت ذا القصيده

ياصاحبي والصبر طول على ماش = طال الصبر يا اخوك واحتر جاشي
خلي مواعدني بشوفه على الطاش = وفات الوعد والزين عيا يناشي
لاشفت خده لونها كنه الشاش = يازينها لوكان فيها بشاشي
ابوعيون كنها ضرب رشاش = غنا بها ميحد وانا اقول عاشي
لاشفت زوله تنًح الفكر وانداش = اشوف عنز عبيد واقول حاشي
لمن تحاكا صابني برد ورعاش = يقولي ماشي وانا اقول ماشي
بس البلا لاجيت اقرب له انحاش = اقفا وفقع قلتي بالغراشي
لاهوب لانذلن ولاهوب غشاش = لاشك خلي سامعن هرج واشي
تالي الصبر باقولها يالربع كااااش = باصيح بعلى الصوت انا ياخراااااااااااشي

وسلامتكم وصح لساني


على فكره خراشي سامعها من مدرسة المشاغبين