(شـــــــــــــــــــاعر المـــــــــــلــيون)
عندما سأل سلطان بن وسام الهاجري عن عدم المشاركه في مسابقه شاعر المليون أجاب بقصيده
جديده من أبداعات الشعار الرائع
أنايازماني في فؤادي ثلاث أطعون *** ولاهوب طعن أسيوف وألا سكاكيني
من أفتح ياسمسم وألا فلم ابو كرتون *** أموراً تغث أكبود حتى الوراعيني
وجمهوري الغالي يسوق الشره ويمون *** وأنا قد شرهات العتب من محبيني
يقلون ماشاركت وأقــــول هل توحون *** أبي كل واحد يفتح أذنه ويوحيني
لابالله ماشاركت في شاعر المليون *** لو أني على المليون تومي شرايني
ولكن انا ماني بخبلاً ولا مجنون *** أجي وأقطع أرزاق العباد المساكيني
ولا مر وأدهني علي لرجال أديون *** ومليون واحد مايسدد ديايني
الا ياحمام الورق اللي تجر لحون *** تغانم زمانك بين خضر البساتيني
تراها لاركبت كل جمره على الغليون ***وأراد الله أنه يصفي الماء من الطيني
حشرنا الضبى بقرون والا بدون قرون *** وراس الضبي يصلا على النار ويليني
مثل ماوطى هامان وألا وطى فرعون *** ذياب الشرف ماتستر الا الشريفيني
والاجواد مدت للمواهب كفوف العون *** وهاذي صفاتاً من صفات الكريميني
والاقزام تهدم وأهل المعرفه يبنون *** أصروحاَ من الامجاد ماهي من الطيني
بنتها الكفوف اللي كرمها سحاب أمزون *** أرموز العداله نصره الحق والديني
غضبهم وأنا سلطان يهتز منه الكون *** وكرمهم أتربع فيه حتى البعاريني
أصاله عربيه وتاريخها مصيون *** عناوينها تفوق كل العناويني
جبال قممها فوق ولها حجى وركون *** قممها تشرفني وحجاها يذريني
عسى الله يهونها على الناس لين أتهون *** وتزين القرايه فوق روس المجانيني
ضعاف العقول اللي تهبد على مالون *** وعلى كل ملواحاً تهز الجناحيني
ماتنضف أيديها لو أتغسل من الصابون *** كثر ما تمد أيدينها فالمواعيني
إيديناً عساها كرم الله من يحون *** وألا تدري هاذي حطها بين قوسيني
قبل لا تخيب أضنون والا تصيب أضنون *** وذي عين تبكيني وذي عين تبكيني
عزفنا وتر ماله علاقه بنجدي فون *** نحاول نعدل مايلات الموازيني
رساله وباقي سرها بالثرى مدفون *** سوات الامانه في وجيه المياميني
وأبداع القصيد أبداع والاحتراف فنون *** وألابداع في كل المجالات يعنيني
وشعر الحداثه لا مقفى ولا مازون *** ماله مذهبً بين ولا له عناويني
وعند النهايه لعنت الله على شارون *** وعسى الله من أسرائيل ينصر فلسطيني
الشاعر
سلطان بن وسام الهاجري