محمــد ورســاله وردهــا

[محـMـد الـMـري]

ارسل لي احد الاخوه الابيات التاليه على الجوال:-

حب خلي واجدٍ ماله نهيّا=لين قبري يامحمد يلحدونه
وان بغيت الهون درب الجود عيّا=حالفٍ مارضى لنفسي بالمهونه
المراجل ماتهيّا بالسويّا=كون من عض النواجذ في سنونه

وكان هذا الرد اتمنى قبوله:-

مرحبا مليار مع مليار حيّا=بالمسج واللي علينا يرسلونه
قمت انا في واجبه وأضرب تهيّا=مثل وقفة عسكري إيدربونه
حيث جا من صاحبٍ ماله حليّا=يعجزون اهل المراجل يلحقونه
بس حط الطين لي في وسط ميّا=وضعت انا مدري وش اللي يقصدونه
كان مقصود الشلي زين المحيّا=واحدٍ ماله مع العالم نمونه
فايني والله ثم والله ليّا=صاحبٍ باموت انا ماجزت دونه
ماخبرني لاطلبته شئ عيّا=دايماً يقول حاضر من عيونه
انتحى وأقفى ووصله ماتهيّا=ولو نعتّ اهل الظفر ماياصلونه
ومستحيل آسج منه دمت حيّا=ولا استلذ النوم مع من يرقدونه
آتخيّل صورته في كل شيّا=وأنظره والناس ماهم ينظرونه

محمــد

.