أشكرك يا أخي سعيد ابو جعشه على موضوع الأبل و
هذه الأبيات إهداء لمحبين الأبل :
ياما رعينا مسبرً ما رعوا به=أهل الغنيم اللي تدقق ربوقها
ما فيه يا كود الشقارا و خلطها=و الخزامى اللي طوال عروقها
ترعى به العرا و يبني شحمها=عقب الدهر خطر تزايد فتوقها
يا زينها لا جات عقب المعشّا=و النار تشعل و المعاميل فوقها
وإليا أصبحت تسرح ع الروض الأدنى=إليا شرقتها الشمس بأول شروقها
لا هبها النسناس يشفيك خلك=و يكفيك عن شوف الخزامى نشوقها
كله لعينا الشايــــــــــب اللي يحبها=عودً يقلط للنشامـــــــــى حقوقها
لا يجرح العاني ولا يزعل الخوي=و عوق الخصوم اللي وساع حلوقها
اللي يحب الطيــــــــــب يلقاه عنده=و اللي يدور للمـــــــــــرارة يذوقها
و من لا يحوش المرجلة في شبابه=إليا أنتحت عسرً و صعبً لحوقها
و ختامها مني صلاةً على النبي=عداد ما تنشي و تبــــــرق بروقها
تقبل مروري أخيك :
مسعطر