اليكم هذه الرائعه ... للشاعر فهيد بن عصيدان ..
تهاوتْ صروح الحب وإنهدمت إقلاعـه=ولاعاد باقي مـن قلاعـه ولاقلعـه .!
تحوّل علينا الأوّل ., وِخربـتْ أطباعـه=وخلّى العرب في خافـي السـدّ مطّلعـه
ألا ياحبيبٍ دايماً ., ( راكـز إكراعـه )=يزهّب دوا الفلعه ., قبل تاتي الفلعـه .!
شريت المحبّه .. وأكثـر النّـاس بياعـه=عشان الغلا اللي منّـه الـروح منشلعـه
بسوق المحبّه سايمـك سومـة إبضاعـه=وتاجرت ., لكن للأسف ( بارت السلعه )
بذرتْ ., وخطاي البذرْ ماهوب في قاعه= مثل من يحاول ينبت الشّعرْ فالصلعـه .!
أنا قبل .؟ كنت أشفق على شوفتكْ ساعه=شفاقة هل البلعه ., على شوفـة البلعـه
وذلحيـن .؟ مالـك لاولايـه ولاطاعـه=ِكرهتك عقـب ماكنـت متولّـعٍ ولعـه
توكل على الله ., وإترك البيت وإشراعه=ومن غير مطرود ., إطلع وطلعتك طلعه
توكل ورحْ معـاد فينـي بـك إطماعـه=مراح القطا اللي رفرف وراح فالقلعه .!