يحملني خطا بتفه سبب ويقول انا الغلطـان=وعلى شانه أوافق لوضعيف الهـرج ماقلتـه
أداري خاطره يسمح لعلّْيّ أرضـي الزعـلان=لو .. انّي من عرفته مابعـد هنتـه ولاأزعلتـه
وقبل ماصير شاعرأحفظ لغيري نظم والحـان=أعدأشعـار غيـري كـل ماجيتـه وقابلتـه
وانا هالحين شاعرواصخرألأبيـات والقيفـان=وقصيد الغير عندي في حلا وصفه تهازلتـه
بدعت القاف من شانه وزخرفت القصيد الوان=وهدب عين القصايد باجمل الابيـات كحلتـه
طبعت اسمه ورسمه والقصايد دونت ديـوان=ومـوال القصايـد لاطرالـي فيـه مولـتـه
لكن المشكله قصة مسلسـل مالهـا عنـوان=درست النص واضح واخر الحلقـات مثلتـه
وبعد باح العزا ماعاد للـذره بقـى ميـزان=تبيَِن كل شي(ن) .. باخـر المشـوار واولتـه
عباره سجليهـا ياليالـي والسنـد برهـان=يطيح يقوم شخص(ن) .. ماعرف قدره ومنزلته
الا ياليـت عرفـه ماتهيـا بالزمـان وكـان=ولعاد الموقف اللي فيه حصلنـي وحصلتـه
هذيك اللحظه اللي مالها في دنيتـي نسيـان=عواقبهـا رمتنـي واول الواقـع تجاهلـتـه
خذاني ماخذيته والنتيجـه مركـب(ن) .. غرقـان=وسط غب البحر والموج ضدي هاج ماحتلته
خذاني والسراب اللي اشوفه يتًًعب الضميـان=تميل الشمس تغرب والسراب امشي ولا طلته