سر ياقلم وإكتب ترى الخط مبعوث
سرياقلم وإكتب ترى الخط مبعوث=متحدث(ن) رسمي وناطق أحاديث
فيه الجرايد والصحف تكتب بحوث=متحيره بالقاف حيثه على ألإيث
بنيت أنا بالثاء قافي عن اللوث=متركد(ن) بالقاف وأمشي على ريث
جتني المعاني كلها تطلب الغوث=أغثيها بالقاف وانا لها غيث
أغثيها من عض كلب(ن) ومغلوث=مثل السباع الضاريه جدها ليث
مانكتم الحجه ولاالعهد منكوث=من طبعنا وافين نبقى مماكيث
والبيت مايبنى على عود طرثوث=ولاعمرها سمكت بيوت الطراثيث
قالوا حداثه والشعر فيه موروث=وصارت حداثتهم علينا معاليث
أحد(ن) كسر بالقاف ويقول مثلوث=مصراع بيته مادخل فيه تثليث
وأحد(ن) يقول البيت ومعناه مجثوث=ماهو قوي معناه ظمن المجاثيث
ولاني على الفتنه إمدور وباحوث=سوات إبن لادن والظواهري وأبوغيث
وياعاقلين الناس كفًوا عن اللوث=ليت الشعر يسلم على غير تحديث
وختامها صلوا على خير مبعوث=المصطفى الهادي رفيع المواريث
وسلامتكم ....... أبــــو حـــــــزام الـــــصـــــيـــــفـــــي
|
التوقيع |
|
|
البدر في وجه محمد مستنير=يستمد النور من وجهه قمر
والغلا بالقلب من حبه يصير=وسط عرش القلب سوى له مقر
أبـــــو حــــــــــــزام الــــصــــيــــفـــــي |
|
|
|
|
التعديل الأخير تم بواسطة : حـمـاد الـصـيـفـي بتاريخ 07-09-2007 الساعة 01:56 AM.
|